I Phung Hađăch 14:23 - Nau Brah Ndu Ngơi 2023

²³ Khân păng ndâk đŏng ăn ma khân păng nơm lĕ ntŭk prêh klơ, n'gâng mbah jêh ri rup brah Asêrah ta klơ lĕ gôl yôk prêh jêh ri tâm dâng lĕ tơm si dŭt pŭm.

I Phung Hađăch 14:23 ပူးပေါင်းရင်းမြစ်များ

I Phung Hađăch 12:31

Y-Jêrôbôam ƀư tay đŏng tâm ntŭk yơk mbah ta klơ lĕ ntŭk prêh, săch bunuyh tâm nklang phung ƀon lan jêh ri njêng khân păng ƀư kôranh brah, mâu di săch bunuyh tâm noi deh Lêvi.

I Phung Hađăch 14:15

Brah Yêhôva mra ƀư nau mhĭk phung Israel nâm bu du tơm rpho n'gơ nklang dak, jêh ri mprơh phung Israel luh bơh n'gor bri ueh aơ yor Păng hŏ ăn jêh ma phung chô yau khân păng, jêh ri ƀư ăn chah rai khân păng mpeh kơl tê̆ dak krong Ơphrat, yorlah khân păng ƀư rup brah nsônh Brah Yêhôva ji nuih.

I Phung Hađăch 15:12

Păng mprơh lơi phung bu klâu văng tĭr luh bơh n'gor jêh ri ngroh lơi lĕ rngôch rup brah phung chô yau păng hŏ ƀư.

I Phung Hađăch 20:23

Phung oh mon hađăch Aram lah ma păng pô aơ: “Phung brah khân păng jêng brah yôk, yor nây khân păng ktang lơn ma he. Ƀiălah ta lah nau tâm lơh đah khân păng tâm ntŭk neh lâng, nanê̆ he mra jêng dơi tâm lơh ma khân păng.

I Phung Hađăch 3:2

Ƀiălah, phung ƀon lan ăt hôm e nhhơr mpa ƀư brah ta lĕ ntŭk prêh, yorlah nôk nây bu ê hŏ geh rdâk ôh ngih brah ma amoh Brah Yêhôva.

I Phung Hađăch 3:3

Y-Salômôn yơk rŏng ma Brah Yêhôva yor ri chuat hăn tĭng nâm lĕ nau vay Y-Đavit dăp, mbơ̆ păng. Ƀiălah păng ăt hôm e nhhơr mpa ƀư brah jêh ri su n'hôl ƀâu kah ta lĕ ntŭk prêh klơ.

II Phung Hađăch 10:26

ngluh lơi lĕ n'gâng mbah ngih brah Baal jêh ri su lơi păng.

II Phung Hađăch 16:4

Hađăch nhhơr đŏng mpa ƀư brah jêh ri su n'hôl ƀâu kah ta lĕ ntŭk prêh klơ, ta lĕ gôl jêh ri tâm dâng lĕ rngôch tơm si ndrêh.

II Phung Hađăch 17:16

Khân păng mƀăr lơi lĕ rngôch nau vay ntăm tă bơh Yêhôva Brah Ndu khân păng, jêh ri tŏ êng ma khân păng nơm bar mlâm rup ndrôk kon, ƀư rup brah bu ur Asêra, yơk mbah ma lĕ rngôch mănh mbing, jêh ri yơk mbah ma brah Baal.

II Phung Hađăch 17:19

Phung Yuđa mâu đŏng djôt prăp lĕ nau vay Yêhôva Brah Ndu ntăm khân păng. Khân păng hăn tĭng lĕ nau vay phung Israel hŏ nkra jêh.

II Nau Rêh Jêng 24:18

chalơi ngih Yêhôva Brah Ndu phung chô yau khân păng, jêh ri pah kan ma phung brah Asêrah jêh ri ma phung rup brah êng. Yor nau tih nây, nau Kôranh Brah ji nuih tât ta phung Yuđa jêh ri phung ƀon Yêrusalem.

II Nau Rêh Jêng 28:4

Păng nhhơr mpa ƀư brah jêh ri su n'hôl ƀâu kah ta ntŭk prêh klơ, ta klơ gôl yôk, jêh ri ăp tơm si ndrêh.

Nau Ngluh Êjipt 34:13

Ƀiălah ăn khân may ƀư rai lơi nơng ƀư brah, mbang nchah rai lĕ n'gâng mbah jêh ri kăl lơi lĕ rup khân păng.

Êsai 57:5

Khân may ƀư nau văng tĭr ndrăng khân may ta meng tơm si têrêbin, Tâm dâng lĕ rngôch tơm si ndrêh, Khân may nkhĭt phung kon khân may nơm ƀư mpa ƀư brah tâm rlŭng, Tâm lĕ rkâp lŭ!

Yêrêmi 17:2

Gay kon sau khân păng kah gĭt tay ma nơng ƀư brah Jêh ri lĕ n'gâng mbah Asêrim, Êp lĕ pŭm si âk n'ha Ta klơ lĕ dor prêh.

Yêrêmi 2:20

“Bơh jŏ Gâp hŏ nkê̆ch pă mâng mbăk, Tôch lơi rse rvăk ma may, Ƀiălah may ngơi: ‘Gâp mâu mra pah kan đŏng ôh.’ N'hêl nanê̆ ngăn, klơ ăp yôk prêh, Tâm dâng ăp pŭm tơm si âk n'ha, May kŭnh bôk nâm bu bu ur văng tĭr.

Yêrêmi 3:13

‘Knŏng ŭch may dơn saơ nau tih may pô aơ: May hŏ tâm rdâng đah Yêhôva Brah Ndu; May hŏ nsong lam ntŭk tĭng brah phung bu năch tâm dâng ăp pŭm tơm si âk n'ha, Jêh ri mâu rkêng tôr ôh iăt nau Gâp.’” Brah Yêhôva lah pônây.

Êsêkiêl 6:13

Tơlah phung bu nkhĭt khân păng lâng khĭt ta nklang phung rup brah gŭ jŭm nơng ƀư brah, ta klơ yôk prêh, ta klơ lĕ rngôch n'gơn yôk, tâm dâng ăp tơm si ndrêh jêh ri tơm n'ho pŭm, ăp ntŭk khân păng nhhơr ndơ ƀâu kah ma lĕ rngôch rup brah khân păng, nôk nây khân may mra gĭt Gâp jêng Yêhôva.

Êsêkiêl 6:3

pô aơ: Hơi phung yôk Israel, iăt hom nau Yêhôva Brah Ndu ngơi! Brah Ndu ngơi ma phung nâm, ma phung gôl yôk, bong dak n'hor jêh ri ma phung rlŭng: Aơ Gâp, Gâp nơm yơh, mra ăn gưm đao tât tâm rmal khân may, ƀư rai ntŭk prêh khân may.

Êsêkiêl 6:6

Ăp ntŭk khân may gŭ ƀon toyh bu ƀư rai, lĕ ntŭk prêh mra jêng rngol kŏ tât nơng ƀư brah khân may rai yot jêh ri rlâm lĕ, rup brah mbang nchah jêh ri mâu hôm geh đŏng ôh; Nơng ƀư brah su ndơ ƀâu kah bu ƀư rai lơi jêh ri lĕ rngôch kan khân may bu jut lĕ.

Ndrom Samƀŭt bơh Ôsê 10:1

Israel jêng du tơm krăk ƀâu ueh ngăn ngên, Geh kao play âk. Play păng lơ hâu âk, Păng lơ hâu đŏng ndâk nơng ƀư brah; Bri dak păng lơ hâu ndrŏng Păng lơ âk nkrơ̆ lĕ n'gâng ƀư brah ueh reh lơn.

Kan Lêvi 26:1

“‘Khân may mâu dơi ƀư ôh lĕ rup brah mâu lah ndâk rup trah mâu lah meh lŭ; mâu dơi đŏng ndâk tâm n'gor du mlâm lŭ geh rup gay chon mon yơk mbah tanăp ndơ nây, yorlah Gâp jêng Brah Yêhôva, Brah Ndu khân may.

Mika 5:14

Tâm nau ji nuih, nau Gâp ji nuih mra ƀư nau plơng bôk Ta lĕ bri dak mâu tông ôh bâr Gâp.”

Nau Vay Nkah Tay 12:2

Ăn khân may ƀư rai lơi lĕ rngôch ntŭk phung ndŭl mpôl khân may mra mprơh, ntŭk khân păng hŏ pah kan jêh ma phung brah khân păng, mâu lah ta klơ yôk prêh, ta klơ gôl mâu lah tâm dâng ăp tơm si ndrêh.

Nau Vay Nkah Tay 16:22

Kŏ mâu dơi đŏng ndâk du n'gâng rup brah ƀư ma lŭ, yorlah Yêhôva Brah Ndu khân may tâm rmot ma lĕ ndơ nây.”