I Phung Hađăch 14:21 - Nau Brah Ndu Ngơi 2023

²¹ Y-Rôbôam, kon bu klâu Y-Salômôn, chiă uănh tâm Yuđa. Tơlah gŭ ta sưng hađăch, Y-Rôbôam hŏ geh puăn jât ma nguay năm. Hađăch chiă uănh jât ma pơh năm tâm ƀon Yêrusalem, ƀon Brah Yêhôva hŏ săch tâm phung ndŭl mpôl Israel, gay dơm amoh Păng ta nây. Mê̆ păng amoh jêng H'Naama, bunuyh Ammôn.

I Phung Hađăch 14:21 ပူးပေါင်းရင်းမြစ်များ

I Phung Hađăch 11:1

Padih ma kon bu ur Pharaôn, hađăch Salômôn rŏng kơnh đŏng âk phung bu ur bu năch êng; nĕ jêng phung kon bu ur Môap, Ammôn, Êđôm, Sidôn jêh ri Hitit.

I Phung Hađăch 11:32

Ƀiălah yor ma oh mon Gâp jêng Y-Đavit jêh ri yor Yêrusalem, ƀon Gâp hŏ săch jêh ta nklang lĕ rngôch ndŭl mpôl phung Israel, rĭ dĭng hôm klen du ndŭl mpôl ma noi deh Y-Salômôn.

I Phung Hađăch 11:36

Gâp mra prăp du ndŭl mpôl ma kon bu klâu păng, gay ăn ma Y-Đavit, oh mon Gâp, dơi geh bunuyh thoi sưng hađăch n'ho ro tanăp măt Gâp ta Yêrusalem, jêng ƀon Gâp săch jêh gay dơm amoh Gâp ta nây.

I Phung Hađăch 11:43

Y-Salômôn khĭt hăn gŭ ndrel ma phung chô yau păng jêh ri bu tâp păng tâm ƀon Đavit, mbơ̆ păng. Kon bu klâu hađăch jêng Y-Rôbôam chiă uănh thoi ntrok păng.

I Phung Hađăch 12:17

Hôm phung Israel dôl gŭ tâm lĕ ƀon Yuđa, Y-Rôbôam chiă uănh khân păng.

I Phung Hađăch 14:20

Y-Jêrôbôam chiă uănh bar jât ma bar năm; jêh ri păng khĭt hăn gŭ n'hanh phung chô yau păng. Y-Nadap kon bu klâu păng chiă uănh thoi ntrok păng.

I Phung Hađăch 14:31

Y-Rôbôam khĭt gŭ ndrel ma phung chô yau păng jêh ri bu tâp păng n'hanh phung chô yau păng tâm ƀon Đavit. Mê̆ păng amoh H'Naama, bunuyh Ammôn. Kon hađăch jêng Y-Abijam, gŭ ta sưng hađăch chiă uănh ntrok păng.

I Phung Hađăch 22:42

Y-Jôsaphat gŭ ta sưng hađăch tâm pe jât ma prăm năm jêh ri păng chiă uănh bar jât ma prăm năm ta Yêrusalem. Mê̆ hađăch amoh H'Asuba, kon bu ur Y-Sihi.

I Phung Hađăch 8:16

‘Ntơm bơh nar Gâp hŏ njŭn leo phung ƀon lan Gâp jêng Israel du luh tă bơh Êjipt, Gâp mâu mâp săch ôh du rplay ƀon êng tâm lĕ rngôch ndŭl mpôl Israel gay ndâk du mlâm ngih brah ma amoh Gâp gŭ ta nây. Ƀiălah Gâp hŏ săch Y-Đavit gay păng chiă uănh phung ƀon lan Israel Gâp.’

I Phung Hađăch 8:29

Dăn măt Kôranh Brah nar jêh ri măng uănh treng ngih aơ, jêng ntŭk Kôranh Brah hŏ lah pô aơ: ‘Amoh Gâp gŭ ta nây,’ gay tăng nau mbơh sơm oh mon May rle mpeh ntŭk aơ.

I Phung Hađăch 8:44

Tơlah phung ƀon lan Kôranh Brah du luh nau tâm lơh đah phung rlăng khân păng ta moh ntŭk May prơh khân păng hăn, tơlah khân păng mbơh sơm ma Brah Yêhôva rle mpeh ma ƀon May hŏ săch jêh ri ngih brah gâp ndâk jêh ma amoh May,

II Nau Rêh Jêng 12:1

Tơlah bri dak Y-Rôbôam chiă uănh jêng nâp jêh ri ktang jêh, păng nđâp ma phung Israel chalơi lĕ nau vay Brah Yêhôva.

II Nau Rêh Jêng 12:13

Hađăch Rôbôam dơi ƀư nâp sưng păng jêh ri chiă uănh ta Yêrusalem. Nôk păng jêng hađăch, Y-Rôbôam hŏ geh puăn jât ma nguay năm jêh; păng chiă uănh jât ma pơh năm tâm ƀon Yêrusalem, nâm bu ntĭt ƀon Brah Yêhôva hŏ săch jêh tâm phung ndŭl mpôl Israel, gay dơm amoh Păng ta nây. Mê̆ păng amoh jêng H'Naama, bunuyh Ammôn.

II Nau Rêh Jêng 13:7

Phung mhĭk, phung janh ƀai tâm rƀŭn ndrel tĭng păng. Khân păng ktang tâm rdâng đah Y-Rôbôam, kon bu klâu Y-Salômôn, bi ma Y-Rôbôam dôl hôm ndăm, vĭ vĕ ê hŏ janh tâm lơh ôh đah khân păng.

Nau Ngluh Êjipt 20:24

Ăn may ndâk ma Gâp nơng ƀư brah ma neh jêh ri ta klơ nây nhhơr ndơ ƀư brah gŭch, ndơ ƀư brah ma nau đăp mpăn, mâu lah biăp mâu lah ndrôk khân may. Ta ăp ntŭk Gâp mpơl amoh Gâp gay kah gĭt, Gâp mra văch jêh ri ăn nau ueh uĭn ma may.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Nau Vay Nkah Tay 12:21

Tơlah ntŭk Yêhôva Brah Ndu săch gay dơm amoh Păng ngai ir đah ntŭk khân may, pôri khân may dơi nkhĭt ndrôk mâu lah biăp, ndơ Yêhôva Brah Ndu ăn jêh ma khân may tĭng nâm gâp hŏ ntĭnh jêh, jêh nây sa tâm ăp ƀon toyh khân may nơm ndah dŭm khân may ŭch.

Nau Vay Nkah Tay 12:5

Ƀiălah ăn khân may joi ntŭk Yêhôva Brah Ndu mra săch tă bơh ta nklang lĕ rngôch ndŭl mpôl khân may gay dơm amoh Păng, jêng ntŭk Păng gŭ jêh ri jêng ntŭk khân may mra hăn tât.

Nau Vay Nkah Tay 23:3

Phung Ammôn jêh ri phung Môap mâu dơi ôh lăp tâm phung Brah Yêhôva tâm rƀŭn, nđâp lah tât rô̆ tal jât kŏ mâu đŏng dơi lăp tâm phung Brah Yêhôva tâm rƀŭn.