I Phung Hađăch 14:16 - Nau Brah Ndu Ngơi 2023

¹⁶ Yor tă nau tih Y-Jêrôbôam ƀư tih jêh, jêng nau ƀư ăn phung Israel ƀư tih, yor ri Brah Yêhôva mra jao phung Israel tâm ti phung rlăng.”

I Phung Hađăch 14:16 ပူးပေါင်းရင်းမြစ်များ

I Phung Hađăch 12:30

Nau kan nây hŏ ƀư ma phung ƀon lan ƀư tih, yorlah khân păng hăn tât ta Dan gay yơk mbah ma rup ndrôk kon nây.

I Phung Hađăch 13:34

Nau nây rlơ̆ jêng du nau tih toyh ma ngih Y-Jêrôbôam, kŏ tât nau chiă uănh Y-Jêrôbôam bu ƀư ăn rlâm jêh ri rai lôch lĕ bơh klơ neh ntu.

I Phung Hađăch 15:26

Păng ƀư nau mhĭk tanăp măt Brah Yêhôva, hăn tĭng tâm trong chô yau păng, ƀư tih tâm ban Y-Jêrôbôam hŏ ƀư tih jêh ri nsŭk phung Israel ƀư tih tay đŏng.

I Phung Hađăch 15:30

yor nau tih Y-Jêrôbôam hŏ ƀư tih, ƀư tih đŏng ma phung Israel jêh ri nsônh nau ji nuih Yêhôva Brah Ndu phung Israel.

I Phung Hađăch 15:34

Hađăch ƀư nau mhĭk tanăp măt Brah Yêhôva, hăn tĭng trong Y-Jêrôbôam jêh ri nau tih Y-Jêrôbôam hŏ ƀư tih, nsŭk jêh phung Israel ƀư tih đŏng.

I Phung Hađăch 16:13

yor ma lĕ nau tih Y-Baêsa jêh ri Y-Êla kon hađăch hŏ ƀư tih jêh, jêng nau leo ma phung Israel ƀư tih, nsônh Yêhôva Brah Ndu phung Israel ji nuih ma rup brah khân păng.

I Phung Hađăch 16:19

Nây jêng yor lĕ nau tih Y-Simri hŏ ƀư tih, ƀư nau mhĭk tanăp măt Brah Yêhôva, hăn tĭng ndô̆ trong Y-Jêrôbôam, jêh ri hŏ ƀư tih jêh tâm ban ma Y-Jêrôbôam hŏ ƀư tih, jêng nau leo ma phung Israel ƀư tih.

I Phung Hađăch 16:2

“Gâp hŏ n'hao jêh may bơh ndruyh neh jêh ri njêng may ƀư kôranh chiă uănh phung Israel, phung ƀon lan Gâp. Ƀiălah may hŏ hăn tĭng nâm trong Y-Jêrôbôam, nsŭk jêh ma phung ƀon lan Israel ƀư tih, jêh ri yorlah nau tih nây, khân păng nsônh nau Gâp ji nuih.

I Phung Hađăch 16:27

Lĕ kan êng Y-Ômri, lĕ nau kan hađăch hŏ ƀư, jêh ri nau ktang hađăch bu hŏ nchih da dê jêh tâm ndrom samƀŭt nau rêh jêng phung hađăch Israel.

I Phung Hađăch 21:22

Yorlah may hŏ nsônh nau ji nuih Gâp, nsŭk ma phung Israel ƀư tih, pôri Gâp mra ƀư ma ngih may nâm bu ngih Y-Jêrôbôam, kon bu klâu Y-Nêbat, jêh ri nâm bu ngih Y-Baêsa, kon bu klâu Y-Ahija.’

I Phung Hađăch 22:53

Hađăch ƀư nau mhĭk tanăp măt Brah Yêhôva, hăn tĭng trong mê̆ mbơ̆ păng, jêh ri tâm trong me păng, jêh ri tĭng nâm trong Y-Jêrôbôam, kon bu klâu Y-Nêbat, jêng bunuyh nsŭk phung Israel ƀư tih.

II Phung Hađăch 10:31

Ƀiălah Y-Jêhu mâu njrăng ôh gay chuat hăn tâm nau vay Yêhôva Brah Ndu Israel ma lĕ nuih n'hâm păng. Păng mâu chalơi ôh nau tih Y-Jêrôbôam, jêng nau nsŭk ma phung Israel ƀư tih.

II Phung Hađăch 13:2

Păng ƀư nau mhĭk tanăp măt Brah Yêhôva, hăn tĭng ndô̆ nau tih Y-Jêrôbôam kon bu klâu Y-Nêbat, jêng nau nsŭk phung Israel ƀư tih; păng mâu chalơi ôh bơh nau tih nây.

II Phung Hađăch 13:6

Ƀiălah, khân păng mâu chalơi ôh nau tih ngih Y-Jêrôbôam, jêng nau nsŭk phung Israel ƀư tih; khân păng ăt ƀư nau tih nây, kŏ tât n'gâng mbah brah bu ur Asêrah ăt gŭ tâm Samari.

II Phung Hađăch 14:24

Păng ƀư nau mhĭk tanăp măt Brah Yêhôva, mâu ŭch chalơi ôh bơh lĕ nau tih Y-Jêrôbôam, kon bu klâu Y-Nêbat, jêng nau hŏ nsŭk phung Israel ƀư tih.

II Phung Hađăch 15:18

Păng ƀư nau mhĭk tanăp măt Brah Yêhôva; du njăr rêh păng mâu chalơi ôh nau tih bơh Y-Jêrôbôam, kon bu klâu Y-Nêbat, nau nsŭk phung Israel ƀư tih.

II Phung Hađăch 15:9

Păng ƀư nau mhĭk tanăp măt Brah Yêhôva nâm bu phung chô yau păng hŏ ƀư jêh. Păng mâu chalơi ôh nau tih bơh Y-Jêrôbôam, kon bu klâu Y-Nêbat, jêng nau nsŭk phung Israel ƀư tih.

II Phung Hađăch 17:21

Tơlah Păng nkhêk phung Israel luh bơh ngih Y-Đavit, khân păng njêng Y-Jêrôbôam, kon bu klâu Y-Nêbat, ƀư hađăch. Y-Jêrôbôam ndơm phung Israel chalơi Brah Yêhôva, jêh ri nsŭk ma khân păng ƀư tih toyh ngăn.

II Phung Hađăch 17:23

kŏ tât Brah Yêhôva mprơh du khân păng bơh Păng, di nâm nau Păng hŏ ngơi ma trôm mbung phung nơm mbơh lor, jêng oh mon Păng. Pônây, bu mprơh du lơi phung Israel tă bơh n'gor bri khân păng nơm rlet ma bri Asiri tât ma nar aơ.

II Phung Hađăch 21:16

Rlau ma nây, lĕ nau tih Y-Manasê hŏ ƀư tih jêh ri ƀư ăn ma phung Yuđa ƀư tih, nsŭk ma khân păng ƀư nau mhĭk tanăp măt Brah Yêhôva, păng hŏ ƀư đŏng nau nkhŭt mham âk bunuyh mâu tih, kŏ tât mham nây bêng ƀon Yêrusalem bơh bôl aơ tât bôl ri.

II Phung Hađăch 23:15

Rmeh ma nây, hađăch ƀư rai đŏng nơng ƀư brah ta ƀon Bêthel jêh ri ntŭk prêh klơ Y-Jêrôbôam, kon bu klâu Y-Nêbat, ndâk jêh, jêng nơm nsŭk jêh phung Israel ƀư tih. Hađăch mbang nchah lơi nơng ƀư brah, su ma ŭnh ntŭk prêh klơ jêh ri juh ndơ nây kŏ tât môi; păng su ma ŭnh rup Asêrah tâm ban lĕ.

II Phung Hađăch 3:3

Nđâp tơlah pônây, hađăch ăt hôm djôt prăp nau tih Y-Jêrôbôam, kon bu klâu Y-Nêbat, jêng nau tih nsŭk phung Israel ƀư tih. Hađăch mâu ŭch chalơi ôh nau tih nây.

II Nau Rêh Jêng 28:19

Yorlah hađăch Yuđa geh nau tih, Brah Yêhôva hŏ n'glưh lơi Yuđa, yorlah Y-Ahas hŏ nsŭk ăn phung Yuđa ƀư blă blơ jêh ri ƀư tih jru đah Brah Yêhôva.

Nau Mprơ Ơm 81:12

Yor nây, Gâp jao khân păng ma nau nuih n'hâm dăng khân păng, Gay ma khân păng hăn tĭng nâm khân păng nơm mĭn.

Nau Ngluh Êjipt 32:21

Y-Môis lah ma Y-Arôn: “Moh phung ƀon lan aơ hŏ ƀư jêh ma may kŏ may ăn tât nau tih toyh ma khân păng?”

Nau Ngluh Êjipt 32:25

Lah Y-Môis saơ phung ƀon lan ƀư nau blă blơ, yorlah Y-Arôn ăn khân păng ƀư nau blă blơ, kŏ tât khân păng jêng nau bêk tanăp phung rlăng,

Nau Ngluh Êjipt 32:35

Brah Yêhôva ăn tât nau mhĭk ma phung ƀon lan yorlah khân păng ƀư jêh rup ndrôk kon ma mah jêh ri Y-Arôn hŏ tŏ păng.

Êsai 40:24

Khân păng mhe bu tăm, mhe bu srih, Tơm si mhe chăt reh tâm neh, Brah Yêhôva khôm n'hâm ta khân păng, jêh ri khân păng kro klêu ro; Aơ, trôm sial vănh blông khôm rdu khân păng tâm ban ma rhe.

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Mika 6:16

Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.

Mathay 18:7

“Rêh ni ngăn ma neh ntu yor lĕ nau ƀư ma bu chêh prah! Yorlah lĕ nau ƀư bu chêh prah jêng geh ngăn, ƀiălah rêh ni ngăn ma mbu jêng nơm ƀư nau chêh prah!

Samƀŭt Pôl Njuăl Ăn Ma Phung Nsing Ta Ƀon Rôm 14:13

Pôri he lơi phat dôih ndrăng he nơm đŏng ôh, ƀiălah ueh lơn mâu dơm lŭ ƀư chêh jâng mâu lah lơi ƀư king ma phung oh nâu he nơm.

Nau Vay Nkah Tay 32:30

Mâm ƀư du huê dơi mprơh du rbăn nuyh, Jêh ri bar hê ƀư ma jât rbăn nuyh nchuăt du, Tơlah Lŭ Toyh mâu tăch ôh khân păng, Jêh ri Brah Yêhôva mâu ôh jao khân păng?