I Phung Hađăch 14:15 - Nau Brah Ndu Ngơi 2023

¹⁵ Brah Yêhôva mra ƀư nau mhĭk phung Israel nâm bu du tơm rpho n'gơ nklang dak, jêh ri mprơh phung Israel luh bơh n'gor bri ueh aơ yor Păng hŏ ăn jêh ma phung chô yau khân păng, jêh ri ƀư ăn chah rai khân păng mpeh kơl tê̆ dak krong Ơphrat, yorlah khân păng ƀư rup brah nsônh Brah Yêhôva ji nuih.

I Phung Hađăch 14:15 ပူးပေါင်းရင်းမြစ်များ

I Phung Hađăch 14:9

Ƀiălah may hŏ ƀư nau mhĭk jêh rlau lơn ma phung lor panăp may, njêng ma may nơm phung brah êng, rup tŏ chiăr gay nsônh nau ji nuih Gâp jêh ri dun mƀăr lơi Gâp.

II Phung Hađăch 15:29

Tâm rnôk rô̆ Y-Pêka, hađăch Israel chiă uănh, geh Y-Tiglat-Pilêser, hađăch Asiri, văch tât pit sŏk Ijôn, Abel-Bet-Maka, Janôa, Kêdês, Hasôr, n'gor Gilêat, n'gor Galilê, jêh ri lĕ n'gor neh Naptali. Jêh nây păng nhŭp phung ƀon lan tâm lĕ n'gor nây njŭn leo tât ta n'gor Asiri.

II Phung Hađăch 17:11

Ta lĕ ntŭk prêh klơ nây, khân păng su n'hôl ƀâu kah nâm bu phung ƀon lan Brah Yêhôva mprơh du jêh bơh khân păng, ƀư jêh lĕ nau djơh mhĭk gay nsônh nau ji nuih Brah Yêhôva.

II Phung Hađăch 17:16

Khân păng mƀăr lơi lĕ rngôch nau vay ntăm tă bơh Yêhôva Brah Ndu khân păng, jêh ri tŏ êng ma khân păng nơm bar mlâm rup ndrôk kon, ƀư rup brah bu ur Asêra, yơk mbah ma lĕ rngôch mănh mbing, jêh ri yơk mbah ma brah Baal.

II Phung Hađăch 17:17

Khân păng gŭch phung kon bu klâu jêh ri kon bu ur khân păng tâm ŭnh gay ƀư ndơ nhhơr ma brah. Khân păng dŏng nau ƀŭk rƀên, n'hŭm pol, jêh ri tăch êng khân păng nơm gay ƀư nau mhĭk tanăp măt Brah Yêhôva, gay nsônh Păng ji nuih.

II Phung Hađăch 17:23

kŏ tât Brah Yêhôva mprơh du khân păng bơh Păng, di nâm nau Păng hŏ ngơi ma trôm mbung phung nơm mbơh lor, jêng oh mon Păng. Pônây, bu mprơh du lơi phung Israel tă bơh n'gor bri khân păng nơm rlet ma bri Asiri tât ma nar aơ.

II Nau Rêh Jêng 7:20

nôk nây Gâp mra rôk lơi khân may luh du bơh bri Gâp hŏ ăn jêh ma khân may. Bi ma ngih brah Gâp hŏ ƀư kloh ueh ma amoh Gâp, Gâp mra mƀăr lơi păng bơh Gâp, jêh ri mra ăn păng jêng du bôk nau mprĭng ma lĕ rngôch phung ƀon lan ngơi hôr juar jêh ri gơm mpray.

Nau Mprơ Ơm 52:5

Brah Ndu mra ƀư rai may n'ho ro. Păng mra nhŭp may jêh ri klŭp may ngai bơh ngih bok may; Păng mra rôk may bơh neh may gŭ rêh. (Sêla)

Nau Hôr 2:22

Ƀiălah phung djơh mhĭk mra ƀư rai lơi bơh n'gor, Phung mâu răp jăp bu mra mprơh lơi bơh ƀon tơm.

Yêrêmi 24:10

Gâp mra đă đao, nau sât ji ngot, nau ji tưp tât ta nklang khân păng, kŏ tât bu mra ƀư rai lĕ bơh neh Gâp hŏ ăn jêh ma khân păng jêh ri ma phung chô yau khân păng.’”

Yêrêmi 28:8

Ntơm bơh rnôk kăl e, lĕ rngôch phung nơm mbơh lor rnôk gâp jêh ri may hŏ mbơh lor ma nau tâm lơh, nau mhĭk tât, jêh ri nau ji tưp mra tât ma âk n'gor bri jêh ri ma lĕ bri dak toyh ktang.

Kan Lêvi 26:43

Neh khân păng chalơi mra dơn lĕ năm saƀat ntrok tay năng nar ma neh nôk khân păng chalơi jêng rngot njăp mâu geh bunuyh gŭ ta nây. Khân păng mra dơn nau rmal yorlah khân păng mưch rmot nau vay Gâp ƀư jêh ri nuih n'hâm khân păng dĭl khek lĕ nau vay Gâp dăp.

Amôt 2:9

Nđâp tơlah pônây, Gâp nơm yơh hŏ ƀư rai jêh phung Amôrit tanăp măt khân păng, Jêng phung bunuyh prêh nâm bu tơm si sêdar, Jêh ri dăng ktang nâm bu tơm si guyh. Gâp ƀư rai jêh play khân păng ta klơ n'gĭng Jêh ri reh khân păng tâm dâng neh.

Amôt 5:27

Yor nây, Gâp mra ăn khân may jêng bu nă đah ri ƀon Damas.” Brah Yêhôva lah kơt nây, Amoh Păng jêng Brah Ndu ma phung tahan.

Sôphôni 2:4

N'hêl nanê̆ ngăn, bu mra chalơi ƀon Gaxa, Ƀon Askalôn mra jêng ntŭk rngot njăp; Bu mra mprơh ƀon Asdôt luh du ta nklang bôk nar, Jêh ri bu mra rôk lơi ƀon Êkron.

Mathay 11:7

Dôl khân păng sĭt, Brah Yêsu ntơm ngơi đah phung âk ma Y-Yôhan pô aơ: “Moh ndơ khân may hŏ uănh tâm bri rdah? Du tơm rpho geh sial khôm n'gơ lĕ?

Mathay 15:13

Păng plơ̆ lah: “Moh tơm si Mbơ̆ Gâp klơ trôk mâu mâp tăm, ăn bu mra rôk lơi.

Luka 7:24

Tơlah phung hăn mbơh Y-Yôhan hŏ sĭt jêh, Brah Yêsu ntơm ngơi ma phung ƀon lan ma Y-Yôhan pô aơ: “Moh ndơ khân may hŏ uănh tâm bri rdah? Du tơm rpho geh sial khôm n'gơ lĕ?

Kôranh Oh Mon 7:43

Lŏng aƀaơ ri khân may sŏk rnung tung brah Môlok, Jêh ri mănh brah Rêphan, Jêng phung rup brah khân may ƀư gay ma yơk mbah. Yor ri, Gâp mra njŭn leo khân may hăn đah ri ƀon Babilôn.’

Nau Vay Nkah Tay 28:36

Brah Yêhôva mra njŭn leo khân may jêh ri hađăch khân may hŏ ndâk jêh, hăn tât ta du bri dak ƀiălah khân may jêh ri phung chô yau khân may ê hŏ mâp gĭt ôh. Ta nây, khân may mra pah kan ma phung brah êng ma tơm si, ma lŭ.

I Samuel 12:25

Ƀiălah, tơlah khân may ăt ƀư nau mhĭk khân may jêh ri hađăch khân may mra rai lĕ.”