I Phung Hađăch 13:5 - Nau Brah Ndu Ngơi 2023

⁵ Nơng ƀư brah đang jêh ri buh ta klơ nơng ƀư brah hŭk, di nâm nau mbên khlay bunuyh Brah Ndu hŏ tông bâr nau ntăm Brah Yêhôva ngơi jêh.

I Phung Hađăch 13:5 ပူးပေါင်းရင်းမြစ်များ

I Phung Hađăch 13:3

Tâm nar nây, bunuyh Brah Ndu ăn nau mbên khlay jêh ri lah: “Aơ jêng nau mbên khlay gay tâm mpơl pô aơ Brah Yêhôva ngơi jêh: Nơng ƀư brah mra đang jêh ri buh ta klơ nơng ƀư brah mra hŭk.”

I Phung Hađăch 13:4

Tơlah tăng nau bunuyh Brah Ndu nter tâm rdâng đah nơng ƀư brah ta Bêthel, hađăch Jêrôbôam yơr ti tă bơh nơng ƀư brah jêh ri lah: “Nhŭp hom păng!” Ƀiălah dôl hađăch yơr ti tâm rdâng đah bunuyh nây, nting tur hađăch jêng dăng kro ro, mâu hôm blau kôn tay đŏng ôh.

I Phung Hađăch 13:6

Rnôk nây, hađăch lah ma bunuyh Brah Ndu pô aơ: “Dăn ma may vơl dăn ma Yêhôva Brah Ndu may jêh ri mbơh sơm an ma gâp gay ăn ti gâp kôn tay nâm bu ơm.” Bunuyh Brah Ndu vơl dăn ma Brah Yêhôva jêh ri ti hađăch kôn dơi tay bah nâm bu saơm.

I Phung Hađăch 17:16

Rnih muy mâu lĕ ôh tâm yăng, dak ngi ôlive mâu pưt ôh tâm nông, di nâm nau Brah Yêhôva ngơi jêh ma Y-Êli.

I Phung Hađăch 22:28

Y-Mika lah: “Tơlah hađăch plơ̆ sĭt đăp mpăn pôri Brah Yêhôva mâu lah ma bâr mbung gâp ôh.” Păng lah đŏng: “Lĕ rngôch bunuyh iăt hom lĕ nau gâp mhe lah!”

I Phung Hađăch 22:35

Ƀiălah nau tâm lơh nar nây jêng ktang lơn, yor ri bu sâm kơl an hađăch dâk tâm ndeh seh tâm lơh đah phung Aram. Tât kêng măng hađăch khĭt, mham ta ntŭk sôt hoch lam gre ndeh seh.

Amôt 3:14

Tâm nar Gâp tâm rmal phung Israel yor ma nau tih păng, Tâm ban lĕ Gâp mra ƀư rai nơng ƀư brah ƀon Bêthel; Bu mra koh lơi lĕ nke nơng ƀư brah Jêh ri tŭp ta neh.

Markôs 16:20

Phung oh mon luh hăn mbơh nkoch lam ntŭk; Kôranh Brah pah kan ndrel ma khân păng jêh ri ăn lĕ nau mbên khlay tĭng groi gay ƀư ăn nâp nau chroh.]

Nau Vay Nkah Tay 18:22

Lah du huê nơm mbơh lor ngơi tâm amoh Brah Yêhôva, ƀiălah nau păng ngơi mâu tât ôh jêh ri mâu saơ geh, nây jêng mâu di nau Brah Yêhôva hŏ ngơi. Nơm mbơh lor nây hŏ ngơi ma nau nklă, lơi klach ma păng ôh.”