I Phung Hađăch 13:34 - Nau Brah Ndu Ngơi 2023

³⁴ Nau nây rlơ̆ jêng du nau tih toyh ma ngih Y-Jêrôbôam, kŏ tât nau chiă uănh Y-Jêrôbôam bu ƀư ăn rlâm jêh ri rai lôch lĕ bơh klơ neh ntu.

I Phung Hađăch 13:34 ပူးပေါင်းရင်းမြစ်များ

I Phung Hađăch 12:26

Nôk nây, Y-Jêrôbôam lah tâm nuih n'hâm păng: “Klăp lah ƀon bri hađăch mra plơ̆ sĭt tay ma ngih Y-Đavit.

I Phung Hađăch 12:30

Nau kan nây hŏ ƀư ma phung ƀon lan ƀư tih, yorlah khân păng hăn tât ta Dan gay yơk mbah ma rup ndrôk kon nây.

I Phung Hađăch 14:1

Nôk nây, Y-Abija, kon Y-Jêrôbôam, geh nau ji.

I Phung Hađăch 14:10

Yor ri, Gâp mra ăn tât nau mhĭk ma ngih Y-Jêrôbôam: Gâp mra ƀư rai lĕ rngôch bunuyh bu klâu bơh ngih nây, mâu chrê phung dĭk mâu lah bunuyh kon me tâm phung Israel, jêh ri pih kloh ngih Y-Jêrôbôam nâm bu pih kloh lĕ ek, kŏ tât mâu hôm klen tay du ntil ndơ ôh.

I Phung Hađăch 14:11

Mbu bunuyh ma ngih Y-Jêrôbôam khĭt tâm ƀon, so mra sa puăch, bi mbu moh khĭt tâm mir sĭm klơ trôk mra sa.’ Nĕ jêng nau Brah Yêhôva ngơi jêh.

I Phung Hađăch 14:16

Yor tă nau tih Y-Jêrôbôam ƀư tih jêh, jêng nau ƀư ăn phung Israel ƀư tih, yor ri Brah Yêhôva mra jao phung Israel tâm ti phung rlăng.”

I Phung Hađăch 14:7

Yêhôva Brah Ndu Israel lah kơt aơ: ‘Gâp hŏ n'hao may bơh ta nklang phung ƀon lan jêh ri njêng jêh may kôranh chiă uănh ma phung ƀon lan Israel jêng phung ƀon lan Gâp.

I Phung Hađăch 15:25

Tâm năm tơ̆ bar nôk rô̆ chiă uănh Y-Asa, hađăch Yuđa, Y-Nadap, kon bu klâu Y-Jêrôbôam, hao sưng hađăch Israel jêh ri chiă uănh phung Israel bar năm.

I Phung Hađăch 15:26

Păng ƀư nau mhĭk tanăp măt Brah Yêhôva, hăn tĭng tâm trong chô yau păng, ƀư tih tâm ban Y-Jêrôbôam hŏ ƀư tih jêh ri nsŭk phung Israel ƀư tih tay đŏng.

I Phung Hađăch 21:22

Yorlah may hŏ nsônh nau ji nuih Gâp, nsŭk ma phung Israel ƀư tih, pôri Gâp mra ƀư ma ngih may nâm bu ngih Y-Jêrôbôam, kon bu klâu Y-Nêbat, jêh ri nâm bu ngih Y-Baêsa, kon bu klâu Y-Ahija.’

II Phung Hađăch 10:29

Ƀiălah, Y-Jêhu mâu chalơi ôh nau tih Y-Jêrôbôam, kon bu klâu Y-Nêbat, jêng nau hŏ ƀư ma phung Israel ƀư tih. Y-Jêhu mâu ƀư rai ôh nau yơk mbah rup kon ndrôk mah ta Bêthel jêh ri ta ƀon Dan.

II Phung Hađăch 10:31

Ƀiălah Y-Jêhu mâu njrăng ôh gay chuat hăn tâm nau vay Yêhôva Brah Ndu Israel ma lĕ nuih n'hâm păng. Păng mâu chalơi ôh nau tih Y-Jêrôbôam, jêng nau nsŭk ma phung Israel ƀư tih.

II Phung Hađăch 17:21

Tơlah Păng nkhêk phung Israel luh bơh ngih Y-Đavit, khân păng njêng Y-Jêrôbôam, kon bu klâu Y-Nêbat, ƀư hađăch. Y-Jêrôbôam ndơm phung Israel chalơi Brah Yêhôva, jêh ri nsŭk ma khân păng ƀư tih toyh ngăn.

Nau Hôr 13:6

Nau sŏng srăng king bunuyh gŭ rêh tâm nau di, Ƀiălah nau mhĭk n'glưh lơi phung ƀư tih.

Yêrêmi 28:16

Yor nây, Brah Yêhôva lah: ‘Aơ, Gâp mra mprơh may bơh klơ neh ntu. Năm aơ yơh may mra khĭt yorlah may hŏ ƀư nau uh ah tâm rdâng đah Brah Yêhôva.’”

Ndrom Samƀŭt bơh Ôsê 10:8

Lĕ ntŭk prêh klơ ta Aven, nây jêng nau tih Israel, Bu mra ƀư rai lơi. Tơm pôm jêh ri pih pŭm mra hon Ta klơ nơng ƀư brah khân păng. Rnôk nây, khân păng mra lah ma lĕ yôk pô aơ: Ăn nkŭm lơi hên! Jêh ri lah ma lĕ gôl pô aơ: Tŭp hom ta klơ hên!