I Phung Hađăch 13:32 - Nau Brah Ndu Ngơi 2023

³² Yorlah lĕ nau ngơi păng tông bâr nau ntăm Brah Yêhôva nter tâm rdâng đah nơng ƀư brah ta Bêthel jêh ri lĕ jây rhŏ brah ta klơ lĕ ntŭk prêh gŭ tâm ƀon Samari nanê̆ mra dơi tât di ngăn.”

I Phung Hađăch 13:32 ပူးပေါင်းရင်းမြစ်များ

I Phung Hađăch 12:29

Hađăch dơm du mlâm rup ndrôk kon tâm Bêthel, hôm du mlâm rup ri dơm tâm Dan.

I Phung Hađăch 12:31

Y-Jêrôbôam ƀư tay đŏng tâm ntŭk yơk mbah ta klơ lĕ ntŭk prêh, săch bunuyh tâm nklang phung ƀon lan jêh ri njêng khân păng ƀư kôranh brah, mâu di săch bunuyh tâm noi deh Lêvi.

I Phung Hađăch 13:2

Tông tĭng nau ntăm Brah Yêhôva, bunuyh nây nter tâm rdâng đah nơng ƀư brah pô aơ: “Hơi nơng ƀư brah, nơng ƀư brah! Brah Yêhôva lah: ‘Ri! du huê kon bu klâu mra dơi deh ma ngih Y-Đavit, amoh păng jêng Y-Jôsia. Păng mra nhhơr ta klơ may n'hanh phung kôranh ƀư brah ta lĕ ntŭk prêh klơ, jêng phung gŭch ndơ ƀâu kah ta klơ may, jêh ri bu mra su ta klơ may nting phung bunuyh khĭt.’”

I Phung Hađăch 16:24

Păng rvăt gôl yôk Samari bơh Y-Sêmer rnoh prao jât kilô prăk. Ta klơ gôl yôk nây, hađăch ndâk ƀon, ntơ amoh jêng Samari, tĭng nâm amoh nơm tơm gôl nây jêng Y-Sêmer.

II Phung Hađăch 17:29

Ƀiălah ăp ntil mpôl bunuyh njêng phung brah êng ma khân păng nơm, jêh ri dơm brah nây tâm ntŭk yơk mbah ta lĕ ntŭk prêh klơ phung Samari ƀư jêh. Ăp ntil mpôl bunuyh ƀư đŏng ma khân păng nơm pônây tâm lĕ ƀon khân păng gŭ.

II Nau Rêh Jêng 25:13

Bi ma phung tahan Y-Amasia ăn ma khân păng plơ̆ sĭt, mâu geh hăn tâm lơh ndrel ma păng; khân păng rduh lăp lơh lĕ ƀon phung Yuđa, ntơm bơh Samari tât Bet-Hôron, lơh nkhĭt pe rbăn nuyh ta nây jêh ri sŏk pit âk drăp ndơ.

Êsra 4:10

jêh ri phung mpôl băl êng Y-Ôsnapar nơm toyh jêh ri nơm bu yơk leo du luh tă bơh bri khân păng nơm, ăn gŭ tâm ƀon Samari jêh ri tâm n'gor bri êng mpeh kơh ri dak krong.”

Kan Lêvi 26:30

Gâp mra ƀư rai ta lĕ ntŭk prêh khân may, kăl lơi lĕ nơng ƀư brah gŭch ndơ ƀâu kah jêh ri bun săk jăn khĭt khân may ta klơ rup brah khân may. Nuih n'hâm Gâp mra ƀơ̆ ƀơch ma khân may.

Kôranh Oh Mon 8:14

Phung kôranh oh mon gŭ ta ƀon Yêrusalem tăng lư phung Samari sŏk dơn jêh nau rnơm tâm Brah Ndu, khân păng njuăl Y-Pêtrôs jêh ri Y-Yôhan hăn tât ta khân păng.