I Phung Hađăch 13:3 - Nau Brah Ndu Ngơi 2023

³ Tâm nar nây, bunuyh Brah Ndu ăn nau mbên khlay jêh ri lah: “Aơ jêng nau mbên khlay gay tâm mpơl pô aơ Brah Yêhôva ngơi jêh: Nơng ƀư brah mra đang jêh ri buh ta klơ nơng ƀư brah mra hŭk.”

I Phung Hađăch 13:3 ပူးပေါင်းရင်းမြစ်များ

I Phung Hađăch 13:4

Tơlah tăng nau bunuyh Brah Ndu nter tâm rdâng đah nơng ƀư brah ta Bêthel, hađăch Jêrôbôam yơr ti tă bơh nơng ƀư brah jêh ri lah: “Nhŭp hom păng!” Ƀiălah dôl hađăch yơr ti tâm rdâng đah bunuyh nây, nting tur hađăch jêng dăng kro ro, mâu hôm blau kôn tay đŏng ôh.

II Phung Hađăch 20:8

Y-Hêsêkia ôp ma Y-Êsai: “Moh nau tâm mbên ma gâp gĭt pô aơ Brah Yêhôva mra ƀư bah ma gâp, jêh ri tât nar rơh pe gâp mra hăn hao ma ngih Brah Yêhôva?”

Nau Ngluh Êjipt 4:1

Y-Môis plơ̆ lah: “Ƀiălah, khân păng mâu mra iăt ôh jêh ri mâu iăt ro nau gâp ngơi, yorlah khân păng mra lah: ‘Brah Yêhôva mâu mâp ôh tâm mpơl đah may.’”

Nau Ngluh Êjipt 7:10

Pôri Y-Môis jêh ri Y-Arôn hăn tât ta Pharaôn jêh ri ƀư tĭng nâm nau Brah Yêhôva hŏ ntĭnh jêh. Y-Arôn klŭp mâng jra păng tanăp măt Pharaôn jêh ri phung oh mon păng, mâng jra plăch jêng bêh ro.

Êsai 38:22

Y-Hêsêkia ôp: “Geh nau tâm mbên gay ăn ma gâp gĭt lĕ, gâp hôm dơi hao ta ngih Brah Yêhôva?”

Yêrêmi 44:29

Brah Yêhôva lah: ‘Aơ jêng nau mbên khlay ăn ma khân may gĭt Gâp mra tâm rmal khân ay may tâm ntŭk aơ, gay ma khân ay may gĭt pô aơ nau Gâp lah ma nau mhĭk tât jêng nau geh ngăn ma khân may.’

Yôhan 2:18

Phung Yuđa ôp ma Brah Yêsu: “Moh nau mbên khlay Kôranh mpơl ăn hên saơ Kôranh geh nau dơi ƀư nau nây?”

I Kôrintô 1:22

Dôl phung Yuđa dăn nau mbên khlay, phung Grek joi nau blau mĭn

Phung Kôranh Phat Dôih 6:17

Y-Gidêôn ơh: “Tơlah gâp geh nau yô̆ tanăp măt Kôranh Brah, dăn ăn ma gâp du nau tâm mbên gay tâm mpơl nau Kôranh Brah hŏ ngơi jêh ma gâp.

I Samuel 2:34

Nau mra tât ma bar hê kon bu klâu may, jêng Y-Hôphni jêh ri Y-Phinêas, jêng nau mbên ma may: Lĕ bar hê khân păng mra khĭt tâm du nar.