I Phung Hađăch 13:2 - Nau Brah Ndu Ngơi 2023

² Tông tĭng nau ntăm Brah Yêhôva, bunuyh nây nter tâm rdâng đah nơng ƀư brah pô aơ: “Hơi nơng ƀư brah, nơng ƀư brah! Brah Yêhôva lah: ‘Ri! du huê kon bu klâu mra dơi deh ma ngih Y-Đavit, amoh păng jêng Y-Jôsia. Păng mra nhhơr ta klơ may n'hanh phung kôranh ƀư brah ta lĕ ntŭk prêh klơ, jêng phung gŭch ndơ ƀâu kah ta klơ may, jêh ri bu mra su ta klơ may nting phung bunuyh khĭt.’”

I Phung Hađăch 13:2 ပူးပေါင်းရင်းမြစ်များ

I Phung Hađăch 13:32

Yorlah lĕ nau ngơi păng tông bâr nau ntăm Brah Yêhôva nter tâm rdâng đah nơng ƀư brah ta Bêthel jêh ri lĕ jây rhŏ brah ta klơ lĕ ntŭk prêh gŭ tâm ƀon Samari nanê̆ mra dơi tât di ngăn.”

II Nau Rêh Jêng 34:1

Y-Jôsia geh pham năm, tơlah păng ntơm chiă uănh, jêh ri păng chiă uănh pe jât ma nguay năm ta ƀon Yêrusalem.

II Nau Rêh Jêng 34:3

Năm rơh pham rô̆ păng chiă uănh, dôl păng hôm mom, păng ntơm joi Brah Ndu Y-Đavit, che păng. Tâm năm rơh jât ma bar, păng ntơm ƀư kloh n'gor Yuđa jêh ri ƀon Yêrusalem, mƀăr lơi lĕ ntŭk prêh, rup brah Asêrim, rup brah trah jêh ri rup tŏ chiăr.

Êsai 1:2

Ơ lĕ ndâr trôk gŭ iăt hom, ơ neh ntu rkêng tôr iăt hom! Yorlah Brah Yêhôva lah pô aơ: “Gâp hŏ mât mơh jêh oh kon, ăn khân păng toyh kuăng, Ƀiălah khân păng tâm rdâng jêh đah Gâp.

Êsai 42:9

Aơ, lĕ nau ta lor tât ngăn jêh, Aƀaơ aơ Gâp lŏ mbơh tay lĕ nau mhe ma khân may; Gâp ăn khân may gĭt Êlor nau nây tât.”

Êsai 46:10

Ntơm bơh saơm, Gâp hŏ mbơh lor nau tât kêng dŭt, Jêh ri hŏ mbơh bơh rnôk kăl e nau ê hŏ tât. Gâp hŏ lah: ‘Nau Gâp nchră mra jêng, Jêh ri Gâp mra ƀư lĕ nau Gâp ŭch.’

Êsai 58:1

“Nter huy hom, lơi têm ôh! Nter huy tâm ban ma du mlâm nŭng! Mbơh hom ma phung ƀon lan Gâp nau khân păng tâm rdâng, Jêh ri mbơh ma ngih Yakôb gĭt nau tih khân păng!

Yêrêmi 1:2

Brah Yêhôva hŏ lah jêh nau aơ ma păng tâm năm rơh jât ma pe rô̆ Y-Jôsia chiă uănh, kon bu klâu Y-Amôn, hađăch Yuđa,

Yêrêmi 22:29

Ơ neh, neh, neh! Iăt hom nau Brah Yêhôva.

Êsêkiêl 36:1

Hơi kon bunuyh, mbơh lor hom ma phung yôk Israel pô aơ: “Hơi phung yôk Israel, iăt hom nau Brah Yêhôva!

Êsêkiêl 36:4

Yor nây, hơi phung yôk Israel, iăt hom nau Kôranh Brah Yêhôva: ‘Kôranh Brah Yêhôva lah ma phung yôk jêh ri gôl yôk, bong dak n'hor jêh ri ntŭk rlŭng, ntŭk rlâm rai jêh ri lĕ ƀon rngol hŏ jao ăn phung ƀon lan hôm klen ma lĕ bri dak jŭm khân may pit in jêh ri suai rak.’

Êsêkiêl 38:4

Gâp mra plăch may, dơm nglĕ nklĕ ta kang may jêh ri njŭn may hăn tâm lơh ndrel ma lĕ rngôch phung tahan may, seh nđâp ma phung tahan ncho seh, lĕ rngôch nsoh ao loih jêh ri rnglăp ƀư jêng du phung tahan âk ngăn. Lĕ rngôch khân păng cheng âk khêl toyh, khêl jê̆ jêh ri djôt đao da dê.

Luka 19:40

Păng plơ̆ lah: “Gâp đă ma khân may, tơlah khân păng gŭ rklăk lŭ mra kuăl huy.”

Nau Vay Nkah Tay 32:1

Hơi trôk, rkêng tôr iăt hom, gâp mra ngơi, Hơi neh iăt hom lĕ nau ngơi bơh trôm mbung gâp.