I Phung Hađăch 13:18 - Nau Brah Ndu Ngơi 2023

¹⁸ Nơm mbơh lor ranh lah tay: “Gâp jêng du huê nơm mbơh lor nâm bu may đŏng. Du huê tông mpăr hŏ tông bâr Brah Yêhôva ngơi ma gâp pô aơ: ‘Leo hom păng sĭt lăp tâm ngih ndrel ma may, gay ăn păng sa piăng let jêh ri nhêt dak.’” Ƀiălah nơm mbơh lor ranh aơ hŏ lah mƀruh ma păng.

I Phung Hađăch 13:18 ပူးပေါင်းရင်းမြစ်များ

Nau Ntơm 27:24

Păng ôp tay: “May jêng Y-Êsau, kon bu klâu gâp ngăn ƀơh?” Păng ơh: “Ơ di ngăn, gâp ta aơ.”

Nau Ntơm 3:13

Yêhôva Brah Ndu ôp bu ur: “Moh nau ay ƀư pônây?” Bu ur ơh: “Bêh hŏ ndơm gâp jêh ri gâp sa jêh.”

I Phung Hađăch 13:19

Bunuyh Brah Ndu plơ̆ tay ndrel ma nơm mbơh lor ranh, jêh ri sông sa nhêt ta ngih păng.

I Phung Hađăch 20:35

Nôk nây, geh du huê tâm phung nơm mbơh lor, tông nau ntăm Brah Yêhôva, lah đah băl păng nơm: “Gâp dăn ma may, dong hom gâp!” Ƀiălah păng dun mâu ŭch dong.

I Phung Hađăch 22:22

Brah nây lah: ‘Gâp mra hăn jêh ri ƀư du huê brah ngơi mƀruh tâm trôm mbung lĕ rngôch nơm mbơh lor păng.’ Brah Yêhôva lah: ‘Di ngăn, may mra ndơm păng. Hăn hom jêh ri ƀư kơt nĕ.’

Nau Hôr 12:19

Bâr ngơi nanê̆ ngăn gŭ nâp n'ho ro, Bi mpiăt ngơi mƀruh gŭ knŏng ƀât lât dơm.

Nau Hôr 12:22

Bâr ngơi mƀruh jêng nau tâm rmot đah Brah Yêhôva, Bi ma bunuyh ƀư nau nanê̆ ngăn mra ƀư maak nuih n'hâm Păng.

Nau Hôr 19:5

Nơm mbơh mƀruh mâu dơi klaih ôh đah nau tâm rmal, Ma nơm ngơi mƀruh nchơt mâu lĕ mra dơi klaih.

Êsai 36:10

Rlau lơn ma nĕ, mâu di hĕ tĭng nau Brah Yêhôva lah ma gâp hao lơh bri aơ gay ƀư rai lơi păng? Brah Yêhôva hŏ lah jêh ma gâp pô aơ: Hăn hao hom ma bri aơ jêh ri ƀư rai lơi păng!’ ”

Êsai 9:15

Yorlah phung têk ndrêng phung ƀon lan aơ hŏ nhhơt trong jêh, Bi phung njŭn khân păng lĕ roh rai jêh.

Yêrêmi 23:14

Ƀiălah nklang phung mbơh lor gŭ ta Yêrusalem, Gâp hŏ saơ jêh nau mhĭk: Khân păng ƀư tih văng tĭr, chuat hăn tâm nau mƀruh; Khân păng ƀư ntop nau dăng ktang ăn ma ti phung ƀai, Kŏ tât mâu geh bunuyh chalơi nau mhĭk khân păng. Gâp uănh lĕ rngôch khân păng nâm bu Sôdôm, Jêh ri phung ƀon lan gŭ ta Yêrusalem nâm bu Gômôrơ.”

Yêrêmi 23:17

Khân păng lah ƀaƀơ đah phung tâm rmot ma Gâp pô aơ: ‘Brah Yêhôva lah: Khân may mra geh nau đăp mpăn.’ Jêh ri lah ma phung geh nuih n'hâm dăng: ‘Mâu geh nau mhĭk mra tât ma khân may ôh.’

Yêrêmi 23:32

Brah Yêhôva lah: “Aơ, Gâp tâm rdâng đah phung dŏng mbơi mƀruh jêh ri mbơh lor. Khân păng nkoch nau mbơi jêh nây dŏng nau ngơi mƀruh, blă blơ ƀư ăn ma ƀon lan Gâp vĭ nhhơt, ƀiălah Gâp mâu prơh hăn, ăt mâu lĕ ntrŭnh khân păng. Khân păng mâu geh nau khlay ôh ăn ma phung ƀon lan aơ,” Brah Yêhôva lah pônây.

Yêrêmi 29:31

“Njuăl hom samƀŭt aơ tât ma lĕ rngôch phung bu hŏ veng jêh: Brah Yêhôva lah ma Y-Sêmaya, bunuyh ƀon Nêhêlam kơt aơ: ‘Y-Sêmaya hŏ mbơh lor jêh ma khân may, ƀư ma khân may rnơm ma nau ngơi mƀruh, Gâp mâu mâp mprơh păng ôh.’

Yêrêmi 29:32

Yor nây, Brah Yêhôva lah: ‘Aơ, Gâp mra tâm rmal Y-Sêmaya, bunuyh ƀon Nêhêlam, jêh ri ndŭl deh păng. Mâu hôm geh du huê tâm Noi deh păng dơi rêh tâm nklang phung ƀon lan nây. Păng nơm ăt mâu mra saơ nau ueh Gâp mra ƀư ma phung ƀon lan Gâp, yorlah păng hŏ ngơi nau tâm rdâng đah Brah Yêhôva,’” Yêhôva lah pônây.

Yêrêmi 5:12

Khân păng hŏ dun mƀăr lơi Brah Yêhôva, Jêh ri lah: “Păng mâu ƀư ôh! Mâu geh nau rêh ni jŭr ta klơ phung he, Ăt mâu geh tak đao, ji ngot ji hir ôh.

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Êsêkiêl 13:22

Yorlah khân may sŏk nau nchơt mƀruh ƀư rngot nuih n'hâm phung sŏng srăng nđâp lah Gâp mâu mâp ƀư rdja nuih khân păng ôh. Ƀiălah khân may ƀư ma ti phung ƀai ktang lơn gay ma khân păng mâu chalơi ôh bơh trong nau mhĭk păng gay dơi geh nau rêh.

Êsêkiêl 13:8

Yor ri, Kôranh Brah Yêhôva lah: ‘Yorlah khân may ngơi lĕ nau dơm dam, saơ jêh nau mƀruh yor nây Gâp tâm rdâng đah khân may,’ Kôranh Brah Yêhôva lah pônây.

Nau Kơp Bunuyh 22:35

Tông mpăr Brah Yêhôva lah ma Y-Balaam: “Hăn hom ndrel ma phung bu klâu nây, ƀiălah ăn may ngơi knŏng nau Gâp mra ntĭnh ma may.” Pôri Y-Balaam hăn ndrel ma phung kôranh chiă uănh Y-Balak.

Mathay 24:24

Yorlah lĕ bunuyh nklă amoh Brah Krist jêh ri phung nơm mbơh lor nklă mra mpơl jêh ri ƀư lĕ nau mbên khlay, nau khlay ngăn toyh gay ndơm, jêh ri tơlah geh dơi ƀư, khân păng ndơm nđâp ma phung hŏ săch jêh.

Mathay 7:15

“Njrăng hom ma phung nơm mbơh lor nklă, khân păng mra văch ma khân may njêng nâm bu biăp, ƀiălah tâm trôm khân păng jêng so bri vay kăp hêk.

Samƀŭt Pôl Njuăl Ăn Ma Phung Nsing Ta Ƀon Rôm 16:18

Yorlah phung pônây mâu pah kan ma Brah Krist, Kôranh Brah he ôh, ƀiălah pah kan ma ndŭl khân păng nơm; khân păng sŏk nau ngơi ueh, ngơi rnê gay ma ndơm mƀruh lĕ nuih n'hâm phung sŏng.

II Kôrintô 11:3

Ƀiălah gâp klach, nâm bu bêh dŏng tâm nchră ndơm mƀruh H'Êva, nau mĭn khân may geh đŏng nau mhĭk, roh nau nanê̆ ngăn jêh ri nau kloh rsang đah Brah Krist nâm pônây.

Galati 1:8

Ƀiălah tơlah geh nơm, nđâp tơlah hên nơm mâu lah tông mpăr tă bơh trôk kđôi lĕ, ntăm ma khân may du ntil nau mhe mhan ueh êng đah Nau Mhe Mhan Ueh hên mbơh jêh ma khân may, păng nây khư geh anathem!

I Timôthê 4:1

Brah Huêng Ueh mbơh rah vah jêh pô aơ tâm rnôk nglĕ dŭt mra geh ƀaƀă dun chalơi nau chroh, nchuăt tĭng phung brah ndơm mƀruh jêh ri nau nti tă bơh phung brah mhĭk,

I Timôthê 4:2

yor tă nuih n'hâm nklă phung bunuyh ngơi mƀruh kŏ tât nuih n'hâm sŏng khân păng lĕ men jêh.

II Pêtrôs 2:1

Ƀiălah geh jêh âk phung mbơh lor nklă mpơl tâm phung ƀon lan, jêh ri mra geh đŏng kôranh nti nklă tâm khân may; khân păng mra mbơh nkoch ndâp lĕ nau chroh nklă blau hâu ngăn, dun ma Kôranh Brah jêng Nơm tâm chuai jêh khân păn nơm, sŏk dơn nau ƀư rai gơnh ro ma khân păng nơm.

I Yôhan 4:1

Hơi phung gâp rŏng, lơi chroh ôh ma lĕ rngôch brah huêng, ƀiălah lŏng nâl uănh phung brah huêng nây, geh tât tă bơh Brah Ndu mâu lah mâu, yorlah geh âk nơm mbơh lor nklă mpơl jêh tâm neh ntu.

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.

Phung Kôranh Phat Dôih 13:3

Tông mpăr Brah Yêhôva tâm mpơl ma bu ur nây jêh ri lah: “Aơ, ay jêng bu ur ndrô gâng, mâu geh kon, ƀiălah ay mra ntreo jêh ri deh du huê kon bu klâu.