I Phung Hađăch 12:8 - Nau Brah Ndu Ngơi 2023

⁸ Ƀiălah Y-Rôbôam mâu tông nau phung kôranh bu ranh nchră đah păng, ƀiălah păng ôp tay nau mĭn đah phung mom ndăm văch ma toyh du rơh ndrel ma păng jêh ri dôl pah kan tanăp păng.

I Phung Hađăch 12:8 ပူးပေါင်းရင်းမြစ်များ

I Phung Hađăch 12:7

Khân păng lah ma păng: “Tơlah nar aơ may jêng du huê oh mon ma phung ƀon lan aơ, pah kan ma khân păng, jêh ri dŏng ngơi nau ueh gay plơ̆ lah ma khân păng, ri mơ khân păng mra jêng oh mon ma may mro mrăng.”

I Phung Hađăch 12:9

Păng ôp khân păng: “Phung nây lah jêh ma gâp pô aơ: ‘Dăn n'hŭch ăn n'gơch hom mâng mbăk mbơ̆ may hŏ n'gân ta klơ hên.’ Pônây, moh nau khân may kơl mĭn ma gâp gay plơ̆ sĭt lah ma phung ƀon lan aơ?”

II Nau Rêh Jêng 10:8

Ƀiălah Y-Rôbôam dun nau mĭn phung kôranh bu ranh hŏ lah, jêh ri păng ôp tay nau mĭn đah phung mom ndăm jêng phung văch ma toyh du rơh ndrel ma hađăch jêh ri dôl pah kan tanăp hađăch.

Nau Hôr 1:25

Ƀiălah khân may dun lơi lĕ rngôch nau gâp ntĭm nti, Mâu ŭch sŏk dơn ôh nau gâp nduyh;

Nau Hôr 1:30

Mâu lĕ ŭch tĭng nau gâp ntĭm nti, Jêh ri mưch rmot lĕ nau gâp nduyh;

Nau Hôr 19:20

Iăt hom nau bu ntĭm jêh ri sŏk dơn nau ntĭm nti, Gay nglĕ dŭt, may dơi geh nau blau mĭn.

Nau Hôr 25:12

Ma đah tôr gĭt iăt, nau nduyh bơh bunuyh blau mĭn Nâm bu du mlâm rgên mah, du ndơ nkrơ̆ đah mah chrêk.