I Phung Hađăch 12:26 - Nau Brah Ndu Ngơi 2023

²⁶ Nôk nây, Y-Jêrôbôam lah tâm nuih n'hâm păng: “Klăp lah ƀon bri hađăch mra plơ̆ sĭt tay ma ngih Y-Đavit.

I Phung Hađăch 12:26 ပူးပေါင်းရင်းမြစ်များ

I Phung Hađăch 11:38

Tơlah may tông bâr nau vay Gâp ntăm, hăn tĭng ndô̆ lĕ trong Gâp, ƀư nau di tanăp măt Gâp, djôt prăp lĕ nau vay dăp jêh ri lĕ nau ntăm bơh Gâp nâm bu oh mon Gâp jêng Y-Đavit hŏ ƀư jêh, Gâp mra gŭ ndrel ma may, njêng ma may du nau chiă uănh nâp ktang nâm bu Gâp hŏ njêng jêh ma Y-Đavit, jêh ri Gâp mra ăn phung Israel ma may.

I Phung Hađăch 12:25

Y-Jêrôbôam ŭch ndâk ƀon Sichem tâm n'gor klơ dor yôk Êphraim jêh ri gŭ ta nây. Jêh nây hađăch luh tă bơh ƀon nây gay ndâk ƀon Pênuel.

I Phung Hađăch 12:27

Tơlah phung ƀon lan aơ ăt hăn hao rlet Yêrusalem gay nhhơr mpa ƀư brah tâm ngih Brah Yêhôva, pôri nuih n'hâm khân păng nanê̆ mra plơ̆ sĭt tay ma kôranh khân păng nơm jêng Y-Rôbôam, hađăch phung Yuđa. Khân păng mra nkhĭt gâp jêh ri plơ̆ sĭt ma Y-Rôbôam, hađăch phung Yuđa.”

I Phung Hađăch 15:17

Y-Baêsa, hađăch Israel, hăn hao tâm lơh đah phung Yuđa, ndâk pôih ta Rama gay king mâu ăn ôh du huê dơi luh lăp n'gor Y-Asa, hađăch Yuđa.

II Phung Hađăch 13:2

Păng ƀư nau mhĭk tanăp măt Brah Yêhôva, hăn tĭng ndô̆ nau tih Y-Jêrôbôam kon bu klâu Y-Nêbat, jêng nau nsŭk phung Israel ƀư tih; păng mâu chalơi ôh bơh nau tih nây.

II Nau Rêh Jêng 20:20

Ôi taơ, khân păng kah rngăl ơm ôi jêh ri luh hăn tâm bri rdah Têkôa. Dôl khân păng luh du, Y-Jôsaphat gŭ dâk jêh ri lah: “Ơ phung Yuđa jêh ri phung gŭ tâm ƀon Yêrusalem, iăt hom gâp! Rnơm nsing hom ma Yêhôva Brah Ndu khân may, jêh ri khân may mra dơi nâp; iăt hom phung nơm mbơh lor Păng, jêh ri khân may mra dơi jêng.”

Nau Mprơ Ơm 14:1

Bunuyh rluk lah tâm nuih n'hâm pô aơ: “Mâu geh Brah Ndu ôh.” Khân păng rai yot da dê, ƀư lĕ kan ƀơ̆ ƀơch; Mâu geh du huê ƀư nau ueh ôh.

Nau Hôr 14:12

Geh du trong ntôn lah nâm bu di ăn ma kon bunuyh, Ƀiălah nglĕ dŭt păng jêng trong nau khĭt.

Êsai 7:9

Bôk Êphraim jêng Samari, Bôk Samari jêng Y-Rêmalia. Tơlah khân may mâu iăt nanê̆ ôh, Khân may mra mâu nâp ôh.’”

Luka 7:39

Bunuyh Pharisi jă jêh Brah Yêsu, saơ kơt nây, mĭn êng: “Tơlah bunuyh aơ jêng nơm mbơh lor, nanê̆ ngăn gĭt năl bu ur pah ta Păng jêng mbu moh, mâm moh bunuyh, yor păng jêng bu ur tih.”

Yôhan 12:19

Yor nây, phung Pharisi tâm lah ndrăng khân păng: “Khân may saơ ƀơh, khân may mâu dơi ƀư du ntil nau. Uănh hom, lĕ rngôch phung ƀon lan tĭng păng da dê.”

I Samuel 27:1

Y-Đavit mĭn êng tâm nuih n'hâm pô aơ: “Nanê̆ du nar kăndơ̆, gâp mra khĭt ma ti Y-Sôl. Ueh lơn gâp du tâm n'gor Philistin gay Y-Sôl mâu hôm joi nhŭp gâp tâm lam n'gor Israel. Tâm ban pônây, gâp mra klaih bơh ti hađăch.”