I Phung Hađăch 12:16 - Nau Brah Ndu Ngơi 2023

¹⁶ Tơlah saơ hađăch mâu ŭch iăt ôh nau khân păng dăn, lĕ rngôch phung Israel plơ̆ lah ma hađăch: “Moh kô̆ hên geh tâm ngih Y-Đavit? Hên mâu geh drăp ndơn ôh tâm kon Y-Yêsê. Ơ phung Israel! Plơ̆ sĭt hom ma ngih bok khân may. Hơi Y-Đavit! Ntơm bơh aƀaơ uănh njrăng hom ma ngih khân may.” Jêh nây phung ƀon lan Israel plơ̆ sĭt ma ngih bok khân păng.

I Phung Hađăch 12:16 ပူးပေါင်းရင်းမြစ်များ

II Samuel 15:13

Geh bunuyh hăn tât mbơh nau ma Y-Đavit: “Nuih n'hâm phung ƀon lan Israel rklêng mpeh ma Y-Apsalôm.”

II Samuel 16:11

Jêh nây Y-Đavit lah ma Y-Abisai jêh ri phung oh mon păng: “Aơ, kon bu klâu gâp nơm, jêng bunuyh luh tă bơh gâp, ŭch ƀư roh lơi nau rêh gâp, rlau lơn ma bu klâu Benjamin aơ! Lơi pha lah păng, ăn păng rak rtăp hom, yorlah Brah Yêhôva ntĭnh jêh ma păng ƀư kơt nây.

II Samuel 20:1

Ta nây geh du huê bunuyh dơm dam, amoh Y-Sêba, kon bu klâu Y-Bikri, bunuyh Benjamin. Păng uh nŭng jêh ri kuăl: “He mâu geh du kô̆ tâm Y-Đavit ôh, Mâu đŏng geh dơn drăp ndơ tâm kon Y-Yêsê Hơi phung Israel, ăp nơm plơ̆ sĭt hom ma ngih păng nơm!”

I Phung Hađăch 11:11

Yor ri, Brah Yêhôva lah ma Y-Salômôn: “Yorlah may hŏ ƀư kơt nây, mâu ŭch djôt prăp ôh nau Gâp tâm rnglăp jêh ri lĕ nau vay dăp Gâp ntĭnh jêh ma may, n'hêl nanê̆ Gâp mra tâm nkhah lơi ƀon bri hađăch tă bơh may jêh ri ăn păng ma oh mon may.

I Phung Hađăch 11:13

Nđâp tơlah pônây, Gâp mâu mra sŏk ôh lĕ rngôch ƀon bri hađăch tă bơh păng; ƀiălah yor Y-Đavit, oh mon Gâp, jêh ri yor Yêrusalem ntŭk Gâp hŏ săch jêh, Gâp mra ăn tay ma du ndŭl mpôl kon bu klâu may.”

I Phung Hađăch 11:34

Ƀiălah, Gâp mâu mra sŏk lơi ôh lĕ rngôch ƀon bri hađăch tă bơh ti Y-Salômôn, ƀiălah Gâp mra njêng păng ƀư hađăch lôch du njăr rêh păng, yor ma Y-Đavit, oh mon Gâp hŏ săch jêh, nơm djôt prăp jêh lĕ nau vay ntăm jêh ri lĕ nau vay dăp bơh Gâp.

I Phung Hađăch 11:35

Ƀiălah Gâp mra sŏk lơi ƀon bri hađăch tă bơh ti kon bu klâu păng, ăn ma may jât ndŭl mpôl.

I Phung Hađăch 11:36

Gâp mra prăp du ndŭl mpôl ma kon bu klâu păng, gay ăn ma Y-Đavit, oh mon Gâp, dơi geh bunuyh thoi sưng hađăch n'ho ro tanăp măt Gâp ta Yêrusalem, jêng ƀon Gâp săch jêh gay dơm amoh Gâp ta nây.

I Phung Hađăch 11:39

Tâm ban pônây, Gâp mra ƀư nau bêk prêng ma noi deh Y-Đavit, ƀiălah mâu geh mro mrăng ôh.’”

I Phung Hađăch 22:17

Rnôk nây, Y-Mika lah: “Gâp saơ lĕ rngôch phung ƀon lan Israel chah rai pru pra ta klơ lĕ yôk, nâm bu phung biăp mâu geh bunuyh rmăk biăp ôh; jêh ri Brah Yêhôva lah: ‘Phung aơ mâu geh ôh kôranh, ăp nơm plơ̆ sĭt hom ma ngih khân păng tâm nau đăp mpăn.’”

I Phung Hađăch 22:36

Nôk nar nhâp, geh nau mbơh lam pôih tahan pô aơ: “Ăp nơm plơ̆ sĭt hom ma ƀon jêh ri n'gor păng nơm.”

II Nau Rêh Jêng 10:16

Lah saơ hađăch mâu iăt ôh nau khân păng dăn, lĕ rngôch phung ƀon lan plơ̆ lah ma păng pô aơ: “Moh kô̆ hên geh đah Y-Đavit? Hên mâu geh drăp ndơn ôh tâm kon Y-Yêsê. Ơ phung Israel! Ăp nơm plơ̆ sĭt hom ma ngih bok khân may. Ơ Y-Đavit! Ntơm bơh aƀaơ uănh njrăng hom ma ngih may nơm” Pôri, lĕ rngôch phung Israel plơ̆ sĭt ma ngih bok khân păng.

Nau Mprơ Ơm 132:17

Ta nây, Gâp mra ăn nke Đavit chăt hao; Gâp ndrăp jêh du mlâm ŭnh kađen ma nơm Gâp troch jêh dak ngi.

Nau Mprơ Ơm 76:10

Nau bunuyh ji nuih mra tâm rnê ma May; Bi hôm e nau ji nuih, May mra nkân lơi.

Nau Hôr 15:1

Nau plơ̆ lah ma bâr rdơ̆ rbăn ƀư djoh nau ji nuih, Bi nau ngơi dăng nsônh nau ji nuih.

Êsai 7:17

Brah Yêhôva mra ăn tât ma may, ma phung ƀon lan may jêh ri ma ta ngih hađăch lĕ nar nau tât ê mâp geh ntơm bơh nar phung Êphraim tâm nkhah đah phung Yuđa, nĕ jêng nar Brah Ndu mra njuăl hađăch Asiri tât.”

Êsai 7:2

Tơlah bu mbơh ma ngih Y-Đavit pô aơ: “Phung Aram tâm rnglăp jêh đah phung Êphraim,” nuih n'hâm hađăch Ahas nđâp ma phung ƀon lan râm nsâr tâm ban ma tơm si tâm krŏng n'goh n'gơ tanăp sial.

Yêrêmi 33:21

pôri nau tâm rnglăp Gâp đah Y-Đavit, oh mon Gâp, ri mơ dơi chah rai, mâm bu păng mâu hôm geh ôh kon sau thoi chiă uănh gŭ ta sưng hađăch, jêh ri nau Gâp tâm rnglăp đah phung kôranh ƀư brah noi deh Lêvi, đơ phung oh mon Gâp, tâm ban pônây lĕ.

Êsêkiêl 37:16

“Hơi kon bunuyh, sŏk hom du mlâm mâng jra jêh ri nchih ta klơ mâng nây pô aơ: ‘Ăn ma phung Yuđa jêh ri phung kon sau Israel tâm rnglăp đah păng.’ Sŏk hom du mlâm mâng jra êng jêh ri nchih ta klơ mâng nây: ‘Ăn ma Y-Yôsep, nây jêng mâng jra Êphraim, jêh ri bơh lĕ ngih Israel jêng tâm rnglăp đah păng.’

Markôs 3:24

Tơlah du bri dak tâm nkhah êng păng nơm, bri dak nây mâu dơi dâk nâp ôh;

Luka 19:14

Ƀiălah phung ƀon lan păng ta bri nây tâm rmot ma păng, rĭ dĭng khân păng njuăl bunuyh mbơh tĭng pakơi păng jêh ri lah: ‘Hên mâu ŭch ôh ma bunuyh aơ chiă uănh hên!’

Luka 19:27

Bi ma phung rlăng đah gâp, mâu ŭch gâp chiă uănh khân păng, njŭn leo hom khân păng văch ta aơ jêh ri nkhĭt lơi khân păng tanăp gâp.’ ”

Yôhan 13:8

Y-Pêtrôs ơh: “Gâp mâu janh ăn Kôranh rao jâng gâp ôh!” Brah Yêsu lah: “Lah Gâp mâu rao jâng may, may mâu geh du kô̆ tâm Gâp ôh.”

Phung Kôranh Phat Dôih 8:35

Khân păng mâu đŏng mpơl nau sĭt lah ueh ma ngih Y-Jêrubaal, jêng Y-Gidêôn, ma lĕ rngôch nau kan ueh păng hŏ ƀư jêh ma phung Israel.

Phung Kôranh Phat Dôih 9:28

Y-Gaal, kon bu klâu Y-Êbet, lah: “Mbu moh Y-Abimêlek? Phung ƀon lan ƀon toyh Sichem he mbu nơm jêng dĭng ma he pah kan ma păng? Păng mâu di hĕ kon bu klâu Y-Jêrubaal? Bi Y-Sêbul jêng bunuyh kơl ma păng? Pah kan hom ma phung kon sau Y-Hamôr, jêng chô yau Y-Sichem! Mâm ƀư he pah kan ma Y-Abimêlek?