I Phung Hađăch 12:15 - Nau Brah Ndu Ngơi 2023

¹⁵ Pônây hađăch mâu ŭch iăt ôh tǐng nau phung ƀon lan dăn, yor lĕ nau nây jêng kan Brah Yêhôva ăn nau tât geh gay ƀư tât di ngăn nau Păng hŏ ngơi đah Y-Jêrôbôam, kon bu klâu Y-Nêbat, rgăn bâr mbung Y-Ahija, bunuyh ƀon Silô.

I Phung Hađăch 12:15 ပူးပေါင်းရင်းမြစ်များ

Nau Ntơm 24:50

Y-Laban jêh ri Y-Bêthuel ơh: “Nau aơ luh bơh Brah Yêhôva, hên mâu dơi lah ôh ma may dơi mâu lah mâu.

II Samuel 17:14

Y-Apsalôm jêh ri lĕ rngôch phung Israel lah da dê: “Nau nchră Y-Husai, bunuyh Arkit, jêng ueh lơn ma nau nchră Y-Ahitôpel.” Yorlah Brah Yêhôva hŏ nal jêh ŭch ƀư roh nau nchră Y-Ahitôpel, gay ăn nau mhĭk tât ma Y-Apsalôm.

I Phung Hađăch 11:11

Yor ri, Brah Yêhôva lah ma Y-Salômôn: “Yorlah may hŏ ƀư kơt nây, mâu ŭch djôt prăp ôh nau Gâp tâm rnglăp jêh ri lĕ nau vay dăp Gâp ntĭnh jêh ma may, n'hêl nanê̆ Gâp mra tâm nkhah lơi ƀon bri hađăch tă bơh may jêh ri ăn păng ma oh mon may.

I Phung Hađăch 12:24

Aơ jêng nau Brah Yêhôva lah: ‘Khân may mâu dơi tâm lơh ôh đah phung oh nâu khân may, jêng phung ƀon lan Israel. Ăp nơm plơ̆ sĭt hom ngih păng nơm, yorlah nau aơ tă bơh Gâp ăn dơi tât.’” Pônây, khân păng iăt tĭng ma nau Brah Yêhôva ntrŭnh jêh ri plơ̆ sĭt.

I Phung Hađăch 22:23

Pônây aƀaơ, ri, Brah Yêhôva hŏ dơm jêh du huê brah ngơi mƀruh tâm trôm mbung lĕ rngôch phung nơm mbơh lor may, yorlah Brah Yêhôva hŏ tâm nal ƀư nau mhĭk ma may.”

II Phung Hađăch 10:10

Pônây, aƀaơ ri, ăn gĭt rah vah ngăn pô aơ: Tâm nau Brah Yêhôva hŏ lah ma ngih Y-Ahap mâu mra geh ôh du nau mâu mra ăn tât tĭng nâm Brah Ndu ngơi; nau nây Brah Yêhôva ngơi jêh di ma ngih Y-Ahap, yorlah Brah Yêhôva ƀư jêh nau Păng hŏ ngơi ma oh mon Păng Y-Êli.”

II Phung Hađăch 9:36

Khân păng plơ̆ sĭt mbơh ma Y-Jêhu. Păng lah: “Aơ jêng nau Brah Yêhôva ngơi đah oh mon Păng jêng Y-Êli, bunuyh Tisbê, jêh ri lah pô aơ: ‘So mra sa puăch H'Jêsêbel tâm mir Jesrêel.

II Nau Rêh Jêng 10:15

Pôri, hađăch mâu ŭch iăt ôh tǐng nau phung ƀon lan dăn, jêh ri nau nây jêng yor tă bơh Brah Ndu nơm ăn, gay ƀư tât di ngăn nau Brah Yêhôva hŏ đă Y-Ahija, bunuyh ƀon Silô, ngơi đah Y-Jêrôbôam, kon Y-Nêbat.

II Nau Rêh Jêng 22:7

Nau Y-Ahasia hăn chop khâl Y-Jôram jêng bơh nau mĭn Brah Ndu gay leo Y-Ahasia tât ntŭk rai lôch. Ngăn yơh lah păng tât ta nây, păng ndrel ma Y-Jôram hăn lơh Y-Jêhu, kon Y-Nimsi, jêng nơm Brah Yêhôva tŏ jêh dak ƀâu kah ăn ƀư rai ngih Y-Ahap.

II Nau Rêh Jêng 25:16

Tâm nôk nơm mbơh lor dôl ngơi; hađăch lah ma păng: “Hên mâp dăp may jêng nơm kơl nchră ma hađăch? Găp hôm, gŭ klăk hom! May ŭch khĭt lĕ?” Nơm mbơh lor gŭ klăk, ƀiălah jêh nây păng lah tay: “Gâp gĭt Brah Yêhôva tâm nal ƀư rai may, yorlah may hŏ ƀư jêh nau aơ jêh ri mâu ŭch iăt ôh nau gâp nkah.”

II Nau Rêh Jêng 25:20

Y-Amasia mâu ŭch iăt ôh, yorlah nau nây luh bơh nau mĭn Brah Ndu gay jao khân păng tâm ti phung rlăng, yorlah khân păng joi brah phung Êđôm.

Nau Mprơ Ơm 5:10

Ơ Brah Ndu, dăn rmal lơi khân păng! Ƀư rai lơi khân păng tâm nau khân păng tâm nchră; Dăn mprơh lơi khân păng yorlah bêng ma nau tih mhĭk, Yorlah khân păng hŏ ƀư jêh nau tâm rdâng đah May.

Daniel 4:35

Lĕ rngôch bunuyh gŭ ta neh ntu jêng tâm ban ma dơm dam. Păng ƀư tĭng nâm nau Păng ŭch da dê ma lĕ manh tâm trôk Nđâp ma phung bunuyh gŭ ta neh ntu. Mâu geh du huê dơi nkân ti Păng Mâu lah ôp: “Moh nau May ƀư?”

Amôt 3:6

Lah bu uh nŭng tâm ƀon toyh Pôri phung ƀon lan mâu hĕ klach? Geh lĕ nau mhĭk tât ma du rplay ƀon Tơlah Brah Yêhôva mâu ƀư nau nây?

Kôranh Oh Mon 2:23

Bu nhŭp jao Păng tĭng nau dăp ƀư hŏ dăp nal jêh ri tĭng nau Brah Ndu gĭt lor, khân may hŏ manh ti phung djơh mhĭk pâng Păng klơ si tâm rkăng jêh ri nkhĭt Păng.

Kôranh Oh Mon 3:17

Hơi phung oh nâu, aƀaơ gâp gĭt ma khân may jêh ri phung kôranh chiă uănh khân may hŏ ƀư nau nây yorlah pưt nau gĭt mĭn.

Kôranh Oh Mon 4:28

gay ƀư ma lĕ rngôch nau kan ti May jêh ri nau mĭn May hŏ nal jêh bơh lor.

Nau Vay Nkah Tay 2:30

Ƀiălah Y-Sihôn hađăch ƀon Hêsbôn, mâu ŭch ăn ôh hên rgăn nkual neh hađăch nây. Yorlah Yêhôva Brah Ndu khân may ƀư nau mĭn hađăch brơl, nuih n'hâm dăng ko, gay jao hađăch nĕ tâm ti khân may nâm bu nar aơ khân may hŏ saơ jêh.

Phung Kôranh Phat Dôih 14:4

Mê̆ mbơ̆ păng mâu dơi gĭt rah vah ôh nau nây luh bơh Brah Yêhôva ăn tât, yorlah Păng joi nau găl gay tâm rdâng đah phung Philistin. Rnôk nây phung Philistin chiă uănh phung Israel.

I Samuel 15:29

Rlau lơn ma nĕ, Kôranh Brah Chrêk Rmah phung Israel mâu ngơi mƀruh ôh, mâu plĕch rgâl nau mĭn ôh, yorlah Păng mâu jêng du huê bunuyh dĭng bu dơi plĕch rgâl nau mĭn!”