I Phung Hađăch 11:7 - Nau Brah Ndu Ngơi 2023

⁷ Nôk nây, Y-Salômôn ndâk đŏng du ntŭk prêh ta klơ yôk tâm tra đah ƀon Yêrusalem ăn ma brah Chêmôs jêng brah dŭt mhĭk tâm phung Môap, jêh ri ăn ma brah Môlek jêng brah dŭt mhĭk tâm phung Ammôn.

I Phung Hađăch 11:7 ပူးပေါင်းရင်းမြစ်များ

Nau Ntơm 33:2

Păng dăp phung bu ur kơl kan jêh ri phung kon khân păng hăn lor, jêh nây H'Lêa ndrel ma phung kon păng, jêh ri pakơi dŭt H'Rachel jêh ri Y-Yôsep.

II Samuel 15:30

Y-Đavit hăn hao klơ yôk Ôlive, nkre nhĭm nkre chuat, nkŭm bôk păng jêh ri chuat jâng dơm. Lĕ rngôch phung ƀon lan hăn tĭng hađăch nkŭm bôk khân păng, jêh ri nkre nhĭm nkre hăn.

I Phung Hađăch 11:5

yorlah Y-Salômôn hăn tĭng ndô̆ brah bu ur Astarôt phung Sidôn jêh ri tĭng brah Milkôm, jêng brah dŭt mhĭk tâm phung Ammôn.

I Phung Hađăch 11:6

Pôri, Y-Salômôn ƀư nau mhĭk tanăp măt Brah Yêhôva, mâu lĕ nuih n'hâm tĭng Brah Yêhôva nâm bu Y-Đavit, mbơ̆ hađăch.

I Phung Hađăch 11:8

Hađăch ƀư đŏng pônây ma lĕ rngôch phung ur bu năch păng nơm; khân păng gŭch ndơ ƀâu kah jêh ri nhhơr mpa ƀư brah ma phung brah khân păng nơm.

I Phung Hađăch 15:12

Păng mprơh lơi phung bu klâu văng tĭr luh bơh n'gor jêh ri ngroh lơi lĕ rngôch rup brah phung chô yau păng hŏ ƀư.

II Phung Hađăch 23:10

Păng ƀư ƀơ̆ đŏng ntŭk Tôphet, tâm rlŭng Ben-Hinôm, gay mâu hôm geh ôh du huê dŏng ntŭk nây gay gŭch kon bu klâu păng mâu lah kon bu ur păng tâm ŭnh gay ƀư ndơ nhhơr ma brah Môlek.

II Nau Rêh Jêng 21:11

Hađăch ndâk đŏng lĕ ntŭk prêh klơ lĕ yôk Yuđa, ƀư ăn phung ƀon lan gŭ tâm ƀon Yêrusalem yơk mbah rup brah, jêh ri njŭn leo phung Yuđa hăn lăp trong nhhơt.

Nau Mprơ Ơm 78:58

Khân păng nsônh nuih Kôranh Brah yor lĕ ntŭk prêh, Ƀư ma Păng ji nuih yor lĕ rup trah.

Êsai 44:19

Mâu geh nơm gŭ mĭn ôh, mâu lĕ geh nơm dŏng nau gĭt rbăng mâu lah nau sek uănh, kŏ tât lah pô aơ: “Gâp sŏk jêh du gâl tơm si nây sŭnh ŭnh, ta klơ sa ônh gâp hŏ gŭch piăng let, gâp hŏ gŭch puăch jêh ri gâp sa; jêh ri gâl hôm e, gâp ƀư du ndơ bu tâm rmot lĕ? Mâm gâp hăn chon mon mbah đŏng tanăp du n'gâng tơm si?”

Yêrêmi 32:31

Ntơm bơh nar bu dơi ndâk kŏ tât nar aơ, ƀon aơ hŏ ƀư ma Gâp ji nuih jêh ri nuih hâu ngăn. Gâp ŭch mƀăr lơi păng bơh măt Gâp

Yêrêmi 32:35

Khân păng hŏ ndâk jêh lĕ ntŭk prêh klơ ăn ma brah Baal tâm rlŭng Ben-Hinôm, gay nhhơr phung kon bu klâu phung kon bu ur khân păng nơm ăn ma brah Môlek. Nây jêng nau Gâp mâu geh ntĭm nti, mâu mâp lĕ mĭn ma nau nây khân păng dơi ƀư nau tâm rmot aơ tâm ban pônây gay ăn phung Yuđa ƀư tih.

Yêrêmi 48:13

Phung Môap mra prêng yor ma ƀon Chêmôs, Nâm bu ngih Israel prêng Yor ma ƀon Bêthel ntŭk khân păng rnơm.

Yêrêmi 48:46

Ơ Môap, rêh ni ngăn ma may! Phung ƀon lan mbah brah Chêmôs rai lôch jêh, Kon bu klâu may bu nhŭp ƀư bu nă, Kon bu ur may bu mra djôt leo jêng bu nă.

Êsêkiêl 18:12

tŭn jot phung o ach mâu geh ndô ndơ, ntŭng ndơ bu, mâu mplơ̆ ôh ndơ nchăm ăn ma nơm geh rnon, kâp gân ma phung rup brah jêh ri ƀư ma nau ƀơ̆ ƀơch,

Daniel 11:31

Phung tahan yor ma hađăch nây njuăl hăn gŭ jêh ri ƀư ƀơ̆ pôih kloh ueh. Khân păng chalơi nhhơr ndơ ƀư brah gŭch ƀaƀơ jêh ri ndâk njêng nau ƀơ̆ ăn jêng rngot njăp.

Daniel 12:11

Ntơm bơh mông bu ăn chalơi nhhơr ndơ ƀư brah gŭch ƀaƀơ jêh ri bu rdâk nau ƀơ̆ ƀơch ƀư ăn jêng rngot njăp, mra geh du rbăn bar rhiăng sĭn jât nar.

Kan Lêvi 26:30

Gâp mra ƀư rai ta lĕ ntŭk prêh khân may, kăl lơi lĕ nơng ƀư brah gŭch ndơ ƀâu kah jêh ri bun săk jăn khĭt khân may ta klơ rup brah khân may. Nuih n'hâm Gâp mra ƀơ̆ ƀơch ma khân may.

Mika 1:5

Lĕ rngôch nau nây jêng yor nau Yakôb ƀư tih Jêh ri yor nau tih ngih Israel. Moh nau Yakôb ƀư tih? Mâm mâu di jêng ƀon Samari? Moh ndơ lĕ ntŭk prêh bơh phung Yuđa? Mâm mâu di jêng ƀon Yêrusalem?

Sakari 14:4

Tâm nar nây, jâng Păng mra dâk ta klơ yôk Ôlive, jêng yôk tâm tham ƀon Yêrusalem mpeh luh nar. Yôk Ôlive mra đang ta nklang, jêng rlŭng toyh ngăn bơh luh nar tât nhâp nar; n'gul yôk trơn tĭt mpeh pa lơ, n'gul ri trơn tĭt mpeh pa dâng.

Nau Kơp Bunuyh 21:29

Hơi Môap, rêh ni ma may! Hơi phung ƀon lan Kêmôs, khân may lĕ rai lôch jêh! May hŏ ăn jêh phung kon bu klâu may nơm jêng phung nchuăt du, Phung kon bu ur păng jêng bu nă, Ma Y-Sihôn, hađăch phung Amôrit.

Nau Kơp Bunuyh 33:52

ăn khân may mprơh lĕ rngôch phung ƀon lan tơm bri luh bơh panăp khân may, ƀư rai lĕ rngôch rup brah trah jêh ri rup tŏ jêh ri ƀư rai lĕ rngôch ntŭk prêh khân păng.

Mathay 26:30

Jêh mprơ samƀŭt nau mprơ, Brah Yêsu jêh ri phung oh mon luh hăn, hao klơ yôk Ôlive.

Kôranh Oh Mon 1:12

Jêh nây, phung oh mon plơ̆ sĭt ta ƀon Yêrusalem tă bơh yôk bu rnha yôk Ôlive. Yôk nây dăch ta ƀon Yêrusalem, ngai klăp lah du kilômet, hăn trong tâm du nar saƀat.

Kôranh Oh Mon 1:9

Jêh Păng ngơi nau nây, Brah Ndu chông Păng hao klơ trôk, dôl phung oh mon gŭ uănh Păng. Geh du ndâr tŭk nkŭm ndâp Păng tă bơh măt khân păng.

Kôranh Oh Mon 7:43

Lŏng aƀaơ ri khân may sŏk rnung tung brah Môlok, Jêh ri mănh brah Rêphan, Jêng phung rup brah khân may ƀư gay ma yơk mbah. Yor ri, Gâp mra njŭn leo khân may hăn đah ri ƀon Babilôn.’

Nau Vay Nkah Tay 13:14

pôri ăn khân may ôp, joi ăn gĭt, sek uănh nanê̆. Tơlah nau nkoch nây jêng ngăn, jêh ri n'hêl nanê̆ jêng nau ƀơ̆ ƀơch kơt nĕ hŏ tât geh ta nklang khân may,

Nau Vay Nkah Tay 27:15

‘Rak rtăp ma nơm ƀư rup trah mâu lah rup tŏ, jêng ndơ Brah Yêhôva tâm rmot ngăn, jêng ndơ bơh ti blau bunuyh ƀư, jêh ri ndâk ndơ nây tâm ntŭk ndâp gay mbah!’ Ăn lĕ rngôch phung ƀon lan mra plơ̆ lah: ‘Amen!’

Phung Kôranh Phat Dôih 11:24

Mâu di hĕ may dơi dơn n'gor jêng moh Chêmôs, jêng brah ma may, hŏ ăn jêh ma may phă? Pôri, he tâm ban đŏng dơn n'gor lĕ bunuyh Yêhôva Brah Ndu hên mprơh jêh phung gŭ ta nây luh bơh he.