I Phung Hađăch 11:4 - Nau Brah Ndu Ngơi 2023

⁴ Di ngăn, tơlah Y-Salômôn ranh jêh, phung ur hađăch nsŭk nuih n'hâm hađăch hăn tĭng phung brah êng. Nuih n'hâm hađăch mâu hôm răp jăp ôh đah Yêhôva Brah Ndu păng nơm nâm bu Y-Đavit, mbơ̆ hađăch,

I Phung Hađăch 11:4 ပူးပေါင်းရင်းမြစ်များ

I Phung Hađăch 11:2

Khân păng jêng phung ntil mpôl Brah Yêhôva lah jêh đah phung Israel pô aơ: “Khân may lơi tâm gŭ ur sai ôh đah khân păng, yorlah nanê̆ khân păng mra nsŭk nuih n'hâm khân may tĭng ndô̆ phung brah khân păng.” Ƀiălah, Y-Salômôn ăt rŏng klâng phung bu ur nây.

I Phung Hađăch 11:33

Yorlah khân păng hŏ chalơi jêh Gâp gay yơk mbah ma brah bu ur Astarôt phung Sidôn, brah Chêmôs phung Môap, jêh ri brah Milkôm phung Ammôn. Khân păng mâu chuat hăn ôh tĭng nâm lĕ trong Gâp gay ƀư nau di tanăp măt Gâp, jêh ri mâu đŏng djôt prăp lĕ nau vay dăp jêh ri lĕ nau vay ƀư bơh Gâp nâm bu Y-Đavit, chô yau khân păng.

I Phung Hađăch 11:38

Tơlah may tông bâr nau vay Gâp ntăm, hăn tĭng ndô̆ lĕ trong Gâp, ƀư nau di tanăp măt Gâp, djôt prăp lĕ nau vay dăp jêh ri lĕ nau ntăm bơh Gâp nâm bu oh mon Gâp jêng Y-Đavit hŏ ƀư jêh, Gâp mra gŭ ndrel ma may, njêng ma may du nau chiă uănh nâp ktang nâm bu Gâp hŏ njêng jêh ma Y-Đavit, jêh ri Gâp mra ăn phung Israel ma may.

I Phung Hađăch 11:42

Y-Salômôn chiă uănh lĕ rngôch phung Israel puăn jât năm tâm Yêrusalem.

I Phung Hađăch 11:6

Pôri, Y-Salômôn ƀư nau mhĭk tanăp măt Brah Yêhôva, mâu lĕ nuih n'hâm tĭng Brah Yêhôva nâm bu Y-Đavit, mbơ̆ hađăch.

I Phung Hađăch 11:9

Brah Yêhôva ji nuih ma Y-Salômôn, yorlah nuih n'hâm hađăch hŏ chalơi jêh Yêhôva Brah Ndu phung Israel, Nơm hŏ tâm mpơl jêh ma păng bar tơ̆,

I Phung Hađăch 14:21

Y-Rôbôam, kon bu klâu Y-Salômôn, chiă uănh tâm Yuđa. Tơlah gŭ ta sưng hađăch, Y-Rôbôam hŏ geh puăn jât ma nguay năm. Hađăch chiă uănh jât ma pơh năm tâm ƀon Yêrusalem, ƀon Brah Yêhôva hŏ săch tâm phung ndŭl mpôl Israel, gay dơm amoh Păng ta nây. Mê̆ păng amoh jêng H'Naama, bunuyh Ammôn.

I Phung Hađăch 15:14

Ƀiălah păng mâu ƀư rai ôh ntŭk prêh klơ. Nđâp lah pônây, nuih n'hâm Y-Asa jêng răp jăp ma Brah Yêhôva tâm du bông nau rêh păng.

I Phung Hađăch 15:3

Păng hăn tĭng trong nau tih mbơ̆ păng hŏ hăn. Păng mâu lĕ nuih n'hâm ôh ma Yêhôva Brah Ndu păng nâm bu Y-Đavit, chô yau păng.

I Phung Hađăch 3:3

Y-Salômôn yơk rŏng ma Brah Yêhôva yor ri chuat hăn tĭng nâm lĕ nau vay Y-Đavit dăp, mbơ̆ păng. Ƀiălah păng ăt hôm e nhhơr mpa ƀư brah jêh ri su n'hôl ƀâu kah ta lĕ ntŭk prêh klơ.

I Phung Hađăch 6:1

Tâm năm puăn rhiăng pham jât, kơp ntơm bơh nôk phung ƀon lan Israel lĕ du luh jêh bơh Êjipt, jêng tâm năm rơh puăn Y-Salômôn chiă uănh phung Israel, tâm khay Sivơ, ntĭt jêng khay rơh bar, hađăch ntơm ndâk ngih Brah gay yơk mbah Brah Yêhôva.

I Phung Hađăch 8:61

Pôri, ăn khân may sŏk lĕ nuih n'hâm răp jăp đah Brah Yêhôva jêng Brah Ndu he, chuat hăn tâm lĕ nau vay dăp, jêh ri djôt prăp nau vay Păng ntăm tĭng nâm khân may hŏ ƀư nar aơ.”

I Phung Hađăch 9:10

Lôch bar jât năm hŏ ndâk jêh bar mlâm ngih, ngih Brah Yêhôva jêh ri ngih hađăch,

I Phung Hađăch 9:4

Bi ma may, tơlah may chuat hăn panăp Gâp nâm bu Y-Đavit, mbơ̆ may, hŏ chuat hăn jêh, ma lĕ nuih n'hâm n'hêl nanê̆ jêh ri sŏng ƀư di tĭng lĕ rngôch nau Gâp ntăm jêh ma may, djôt prăp lĕ nau vay dăp jêh ri lĕ nau vay ƀư bơh Gâp,

II Phung Hađăch 20:3

“Ơ Brah Yêhôva, dăn kah gĭt hom pô aơ gâp hôm chuat hăn tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

I Nau Rêh Jêng 29:19

Dăn ma Kôranh Brah ăn ma Y-Salômôn, kon gâp, du nuih n'hâm mâu geh bu dơi nduyh djôt prăp lĕ nau vay ntăm, lĕ nau ntĭnh, jêh ri lĕ nau vay dăp bơh May, tâm ban ƀư lĕ kan gay ndâk ngih brah, gâp hŏ rơm nŭm jêh.”

II Nau Rêh Jêng 17:3

Brah Yêhôva gŭ ndrel ma Y-Jôsaphat, yorlah păng tĭng ndô̆ trong Y-Đavit hŏ hăn ntơm saơm, chô yau păng, hŏ hăn jêh, mâu joi brah Baal ôh,

II Nau Rêh Jêng 25:2

Păng ƀư nau di tanăp măt Brah Yêhôva, ƀiălah nuih n'hâm mâu dơi jêng kloh rsang ngăn ôh.

II Nau Rêh Jêng 34:2

Păng ƀư nau sŏng tanăp măt Brah Yêhôva jêh ri hăn tĭng tâm lĕ trong Y-Đavit, chô yau păng, mâu teng mpeh pa ma mâu lah mpeh pa chiau ôh.

Nau Ngluh Êjipt 20:3

Tanăp măt Gâp may lơi ta geh brah êng ôh.

Nau Vay Nkah Tay 17:17

Hađăch kŏ mâu đŏng dơi geh âk ur klach lah nuih n'hâm păng vĭ hêng. Hađăch kŏ mâu đŏng dơi bun prăp âk prăk mâu lah mah.

Nau Vay Nkah Tay 7:4

yorlah khân păng mra ƀư ma phung kon khân may chalơi Kôranh Brah gay pah kan ma phung brah êng, ƀư ma Brah Yêhôva ji nuih ma khân may jêh ri ƀư rai ro khân may.