I Phung Hađăch 11:38 - Nau Brah Ndu Ngơi 2023

³⁸ Tơlah may tông bâr nau vay Gâp ntăm, hăn tĭng ndô̆ lĕ trong Gâp, ƀư nau di tanăp măt Gâp, djôt prăp lĕ nau vay dăp jêh ri lĕ nau ntăm bơh Gâp nâm bu oh mon Gâp jêng Y-Đavit hŏ ƀư jêh, Gâp mra gŭ ndrel ma may, njêng ma may du nau chiă uănh nâp ktang nâm bu Gâp hŏ njêng jêh ma Y-Đavit, jêh ri Gâp mra ăn phung Israel ma may.

I Phung Hađăch 11:38 ပူးပေါင်းရင်းမြစ်များ

II Samuel 7:11

jêng nâm bu nôk Gâp njêng phung kôranh phat dôih chiă uănh phung ƀon lan Israel Gâp. Gâp hŏ rklaih may tă bơh lĕ rngôch phung rlăng jêh ri ăn nau đăp mpăn ma may. Rlau lơn ma nây, Brah Yêhôva lah pô aơ Păng mra ndâk ma may du nau chiă uănh.

II Samuel 7:16

Pônây, nau chiă uănh jêh ri ƀon bri hađăch may mra jêng nâp n'ho ro tanăp măt may; sưng hađăch may mra dơi nâp mro mrăng.’”

I Phung Hađăch 11:37

Gâp mra săch jêh ri njêng may ƀư hađăch phung Israel; may mra chiă uănh lĕ n'gor tĭng nâm nuih n'hâm may ŭch.

I Phung Hađăch 11:39

Tâm ban pônây, Gâp mra ƀư nau bêk prêng ma noi deh Y-Đavit, ƀiălah mâu geh mro mrăng ôh.’”

I Phung Hađăch 11:4

Di ngăn, tơlah Y-Salômôn ranh jêh, phung ur hađăch nsŭk nuih n'hâm hađăch hăn tĭng phung brah êng. Nuih n'hâm hađăch mâu hôm răp jăp ôh đah Yêhôva Brah Ndu păng nơm nâm bu Y-Đavit, mbơ̆ hađăch,

I Phung Hađăch 3:14

Tơlah may chuat hăn tâm trong Gâp, djôt prăp lĕ nau vay dăp jêh ri lĕ nau vay Gâp ntăm, tâm ban mbơ̆ may jêng Y-Đavit hŏ chuat hăn, Gâp mra ăn ma may dơi rêh jŏ năm.”

I Phung Hađăch 6:12

“Bi ma ngih brah may dôl ƀư aơ, tơlah may tông tĭng nâm lĕ nau vay dăp bơh Gâp, tĭng lĕ nau vay Gâp ƀư, djôt prăp jêh ri chuat hăn tĭng lĕ rngôch nau vay ntăm bơh Gâp, Gâp mra ƀư ma may nau ton Gâp hŏ ngơi jêh ma Y-Đavit, mbơ̆ may.

I Nau Rêh Jêng 17:10

tâm ban nôk Gâp dơm jêh phung kôranh phat dôih chiă uănh phung ƀon lan Israel Gâp. Gâp mra ăn lĕ rngôch phung rlăng may plơ̆ lăp may. Gâp tâm ban đŏng mbơh ma may gĭt pô aơ Brah Yêhôva mra ndâk ma may du nau chiă uănh.

Nau Ngluh Êjipt 1:21

Yorlah phung bu ur mât deh geh nuih n'hâm klach yơk ma Brah Ndu, yor ri Brah Ndu ăn ma rnăk vâl khân păng dơi jêng.

Nau Ngluh Êjipt 19:5

Pôri aƀaơ, tơlah khân may tông bâr Gâp jêh ri djôt prăp nau tâm rnglăp Gâp, khân may mra jêng drăp ndơ êng ma Gâp nơm ta nklang lĕ rngôch ƀon lan; nđâp lah lĕ neh ntu jêng ndơ Gâp.

Sakari 3:7

“Brah Yêhôva ma phung tahan lah: ‘Tơlah may chuat hăn tâm trong Gâp, tông jêh ri djôt prăp nau Gâp ntĭm, ri mơ may dơi chiă uănh ngih Gâp, jêh ri dơi gak mpông pêr Gâp, jêh ri Gâp mra ăn ma may chuat lăp tâm nklang phung dâk pah kan jŭm Gâp.

Nau Vay Nkah Tay 12:25

Lơi ta sa ôh mham, gay khân may jêh ri phung kon sau khân may geh nau ueh uĭn, yor khân may hŏ ƀư jêh nau di tanăp măt Brah Yêhôva.

Nau Vay Nkah Tay 15:5

iăt ma khân may tông bâr Yêhôva Brah Ndu jêh ri blau njrăng ƀư tĭng lĕ nau vay ntăm bơh gâp ntĭnh ma khân may nar aơ.

Nau Vay Nkah Tay 31:8

Brah Yêhôva Nơm mra hăn lor ma may; Păng mra gŭ ndrel ma may, mâu mƀăr may, mâu lĕ chalơi may. Lơi ta klach jêh ri lơi ir krit ôh!”

Yôsuê 1:5

Du bông nau rêh may mâu mra geh ôh nơm dơi tâm rdâng đah may. Gâp mra gŭ ndrel ma may tâm ban Gâp hŏ gŭ ndrel jêh ma Y-Môis; Gâp mâu mra ƀah ngai đah may ôh, mâu chalơi may.

I Samuel 2:35

Gâp mra njêng ma Gâp du huê kôranh ƀư brah răp jăp, păng mra ƀư tĭng nuih n'hâm Gâp jêh ri nau mĭn Gâp. Gâp mra ăn ma păng geh kon sau gay thoi noi deh păng, jêh ri noi deh păng mra pah kan n'ho ro tanăp nơm Gâp tŏ dak ƀâu kah.