I Phung Hađăch 11:32 - Nau Brah Ndu Ngơi 2023

³² Ƀiălah yor ma oh mon Gâp jêng Y-Đavit jêh ri yor Yêrusalem, ƀon Gâp hŏ săch jêh ta nklang lĕ rngôch ndŭl mpôl phung Israel, rĭ dĭng hôm klen du ndŭl mpôl ma noi deh Y-Salômôn.

I Phung Hađăch 11:32 ပူးပေါင်းရင်းမြစ်များ

I Phung Hađăch 11:12

Ƀiălah, yor ma Y-Đavit, mbơ̆ may, Gâp mâu mra ƀư nau nây tâm rnôk rô̆ may. Ƀiălah Gâp mra sŏk ƀon bri hađăch tă bơh tâm ti kon bu klâu may.

I Phung Hađăch 11:13

Nđâp tơlah pônây, Gâp mâu mra sŏk ôh lĕ rngôch ƀon bri hađăch tă bơh păng; ƀiălah yor Y-Đavit, oh mon Gâp, jêh ri yor Yêrusalem ntŭk Gâp hŏ săch jêh, Gâp mra ăn tay ma du ndŭl mpôl kon bu klâu may.”

I Phung Hađăch 14:21

Y-Rôbôam, kon bu klâu Y-Salômôn, chiă uănh tâm Yuđa. Tơlah gŭ ta sưng hađăch, Y-Rôbôam hŏ geh puăn jât ma nguay năm. Hađăch chiă uănh jât ma pơh năm tâm ƀon Yêrusalem, ƀon Brah Yêhôva hŏ săch tâm phung ndŭl mpôl Israel, gay dơm amoh Păng ta nây. Mê̆ păng amoh jêng H'Naama, bunuyh Ammôn.

I Phung Hađăch 15:4

Ƀiălah yor Y-Đavit, Brah Yêhôva prăp ma păng du huê bunuyh thoi sưng hađăch ta Yêrusalem, njêng kon bu klâu păng chiă uănh thoi ntrok păng jêh ri ƀư ăn Yêrusalem hôm e mro.

II Phung Hađăch 17:18

Yor ri, Brah Yêhôva ji nuih ngăn ma phung Israel jêh ri mprơh du khân păng bơh tanăp măt Păng, knŏng hôm ndŭl mpôl Yuđa dơm.