I Phung Hađăch 11:3 - Nau Brah Ndu Ngơi 2023

³ Hađăch geh pơh rhiăng nuyh ur jêh ri pe rhiăng nuyh ur yông; khân păng ƀư vĭ ma nuih n'hâm hađăch.

I Phung Hađăch 11:3 ပူးပေါင်းရင်းမြစ်များ

II Nau Rêh Jêng 11:21

Hađăch Rôbôam rŏng ma H'Maka kon bu ur Y-Apsalôm hâu lơn đah lĕ rngôch phung ur êng jêh ri ma lĕ ur yông êng păng; yorlah hađăch geh jât ma pham nuyh ur tơm jêh ri prao jât nuyh ur yông, geh bar jât ma pham nuyh kon bu klâu jêh ri prao jât nuyh kon bu ur.

Êsther 1:18

Nar aơ, phung ur kôranh gŭ ta n'gor bri Persi jêh ri Mêdơ tăng jêh lĕ nau hađăch bu ur ƀư jêh, khân păng mra ƀư tĭng nâm nau nây gay gŭ ngao ma phung sai khân păng jêng phung kôranh tâm dâng hađăch, nanê̆ mra geh nau mưch rmot jêh ri ji nuih.

Nơm Nti 2:8

Gâp ăt prăp nkrem prăk, mah jêh ri drăp ndơ khlay phung hađăch, jêh ri tă bơh lĕ n'gor. Gâp geh âk phung mprơ bu ur bu klâu. Bi nau bu klâu ŭch rŏng gâp geh âk ur yông jêh ri bu ur ueh.

Nơm Nti 7:28

Nây jêng nau gâp hôm e joi mâu saơ nau rblang: ‘Tâm du rbăn nuyh bu klâu, Gâp hŏ dơi joi du huê bunuyh; Bi tâm lĕ rngôch bu ur, Gâp mâu dơi joi du huê nơm lĕ.’

Nau Mprơ Ueh 6:8

Geh prao jât hađăch bu ur, pham jât ur yông, Jêh ri geh bu ur druh.

Nau Mprơ Ueh 6:9

Ƀiălah sĭm plŭk, hơi nơm ueh ngăn ngên, ay jêng mrô nguay! Jêng kon bu ur knŏng nguay ma mê̆ păng, Du huê kon nơm rŏng lơn ma nơm hŏ deh păng. Lĕ bu ur druh saơ păng rnê păng geh nau ueh uĭn da dê. Lĕ hađăch bu ur jêh ri ur yông tâm rnê păng da dê.

Nau Vay Nkah Tay 17:17

Hađăch kŏ mâu đŏng dơi geh âk ur klach lah nuih n'hâm păng vĭ hêng. Hađăch kŏ mâu đŏng dơi bun prăp âk prăk mâu lah mah.

Phung Kôranh Phat Dôih 3:6

Khân păng sŏk kon druh phung nây ƀư ur, văng kon bu ur khân păng nơm đah kon bu klâu phung nây, jêh ri pah kan ma brah phung nây.

Phung Kôranh Phat Dôih 9:5

Păng hăn tât ta ngih mbơ̆ păng ta Ôphra, nkhĭt phung oh nâu păng, tâm pơh jât nuyh phung kon bu klâu Y-Jêrubaal, ta klơ lŭ toyh. Knŏng du huê Y-Jôtham, kon mpŏt Y-Jêrubaal, hôm rêh, yorlah păng lĕ du krap jêh.