I Phung Hađăch 11:25 - Nau Brah Ndu Ngơi 2023

²⁵ Lĕ du rnôk rô̆ Y-Salômôn, Y-Rêson tâm rdâng mro đah phung Israel, ƀư âk nau mhĭk tâm ban Y-Hadat ƀư jêh. Tơlah ƀư hađăch ta Aram, Y-Rêson tâm rmot ngăn ma phung Israel.

I Phung Hađăch 11:25 ပူးပေါင်းရင်းမြစ်များ

Nau Ntơm 34:30

Y-Yakôb lah ma Y-Simêôn jêh ri Y-Lêvi: “Khân may ƀư nau uh ah tât ma gâp, ƀư ma phung bunuyh ƀon lan n'gor aơ, phung Kanaan jêh ri phung Pêrisit, mưch rmot ma gâp. Gâp knŏng geh djê̆ bunuyh, tơlah khân păng tâm rnglăp ndrel gay tâm rdâng jêh ri tâm lơh đah gâp, gâp jêh ri lĕ ngih gâp ro mra rai.”

II Samuel 16:21

Y-Ahitôpel lah ma Y-Apsalôm: “Hađăch hăn văch hom lăp gŭ ndrel phung ur yông mbơ̆ may, phung păng mât mray ngih hađăch. Tơlah phung Israel gĭt may hŏ tâm rmot jêh ma mbơ̆ may nây; pôri lĕ rngôch phung gŭ n'hanh may lơ jêng ktang lơn.”

I Phung Hađăch 11:24

Tơlah Y-Đavit lơh nkhĭt phung tahan hađăch n'gor Sôba, Y-Rêson rgum tay băl du rnoh bunuyh gŭ văr jŭm păng nơm jêh ri ƀư kôranh chiă uănh phung nây. Khân păng hăn rlet ma ƀon Damas, gŭ ta nây jêh ri chiă uănh ƀon nây.

I Phung Hađăch 11:26

Y-Jêrôbôam, kon bu klâu Y-Nêbat, bunuyh Êphraim, ta n'gor Sêrêda, păng hŏ tă pah kan ma Y-Salômôn, dâk đŏng tâm rdâng đah hađăch. Mê̆ păng jêng du huê bu ur ndrô amoh H'Sêrua.

I Phung Hađăch 5:4

Ƀiălah aƀaơ ri, Yêhôva Brah Ndu gâp, ăn jêh ma gâp dơi đăp mpăn gŭ jŭm, mâu hôm geh ôh phung rlăng, mâu đŏng hôm geh nau mhĭk tât.

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

Nau Mprơ Ơm 106:40

Yor nây, nau Brah Yêhôva hao ji nuih ma phung ƀon lan Păng, Păng tâm rmot ngăn ma drăp ndơn Păng.

Sakari 11:8

Knŏng tâm du khay, Gâp hŏ mprơh jêh pe nuyh rmăk biăp, yorlah Gâp mâu hôm dơi nsrôih đah khân păng đŏng ôh, jêh ri khân păng tâm rmot ma Gâp tâm ban lĕ.

Nau Vay Nkah Tay 23:7

Lơi tâm rmot ôh ma phung Êđôm, yorlah păng jêng oh nâu khân may. Lơi tâm rmot ôh ma phung Êjipt yorlah khân may hŏ tă jêng jêh bunuyh bu năch tâm n'gor khân păng.