I Phung Hađăch 11:24 - Nau Brah Ndu Ngơi 2023

²⁴ Tơlah Y-Đavit lơh nkhĭt phung tahan hađăch n'gor Sôba, Y-Rêson rgum tay băl du rnoh bunuyh gŭ văr jŭm păng nơm jêh ri ƀư kôranh chiă uănh phung nây. Khân păng hăn rlet ma ƀon Damas, gŭ ta nây jêh ri chiă uănh ƀon nây.

I Phung Hađăch 11:24 ပူးပေါင်းရင်းမြစ်များ

Nau Ntơm 14:15

Y-Abram tâm pă tahan, nôk măng ăn phung oh mon hăn lơh jêh ri hăn tĭng lơh phung rlăng tât ta ƀon Hôba, gŭ mpeh bơh lơ ƀon Damas.

II Samuel 10:18

Ƀiălah phung Siri nchuăt du panăp phung Israel. Y-Đavit ƀư rai pơh rhiăng ndeh seh phung tahan Aram jêh ri puăn rmưn nuyh tahan ncho seh. Ta nây, hađăch nkhĭt đŏng Y-Sôbach, kôranh chiă uănh ma phung tahan khân păng.

II Samuel 10:6

Tơlah phung Ammôn saơ ma khân păng nơm lĕ phung Y-Đavit tâm rmot, khân păng prơh phung tahan hăn lơh nkhôm klăp lah bar rmưn nuyh tahan hăn jâng bơh phung Aram ta Bêt-Rêhôp jêh ri ta Sôba, du rbăn nuyh bơh hađăch phung Maka jêh ri du rmưn bar rbăn nuyh bơh n'gor bri Tôp.

II Samuel 10:8

Phung Ammôn hăn luh, nkrĭp dăp tahan ta ntŭk mpông ƀon, bi phung tahan Aram ta Sôba jêh ri Rêhôp, phung tahan tă bơh n'gor Tôp jêh ri hađăch phung Maka gŭ êng da dê tâm mir.

II Samuel 8:3

Y-Đavit dơi lơh đŏng hađăch n'gor Sôba jêng Y-Hadadêser, kon Y-Rêhôp, dôl hađăch nây hăn gay ndâk đŏng nau chiă uănh ta n'gor dak krong Ơphrat.

I Phung Hađăch 11:25

Lĕ du rnôk rô̆ Y-Salômôn, Y-Rêson tâm rdâng mro đah phung Israel, ƀư âk nau mhĭk tâm ban Y-Hadat ƀư jêh. Tơlah ƀư hađăch ta Aram, Y-Rêson tâm rmot ngăn ma phung Israel.

I Phung Hađăch 15:18

Nôk nây, Y-Asa sŏk lĕ rngôch prăk jêh ri mah hôm e tâm jay ngih Brah Yêhôva jêh ri tâm jay ngih hađăch, jao lĕ rngôch ăn ma phung oh mon păng, jêh nây prơh khân păng hăn mâp đah Y-Ben-Hadat, kon bu klâu Y-Tarimmôn, sau Y-Hêsiôn, hađăch Aram gŭ ta ƀon Damas, lah pô aơ:

I Phung Hađăch 19:15

Ƀiălah Brah Yêhôva lah ma păng: “Hăn hom tĭng nâm trong tâm bri rdah hăn tât ta Damas. Tơlah may tât ta ntŭk nây, may mra tŏ dak ƀâu kah ma Y-Hasael jêng hađăch n'gor Aram;

I Phung Hađăch 20:34

Y-Ben-Hadat lah ma Y-Ahap: “Gâp mra mplơ̆ ma may lĕ ƀon mbơ̆ gâp sŏk jêh tă bơh mbơ̆ may, jêh ri may ndâk ngih tăch drăp ta Damas, nâm bu mbơ̆ gâp hŏ ƀư tâm Samari.” Y-Ahap lah: “Gâp sŏk dơn nau may hŏ tâm nkol aơ jêh ri mra ăn may hăn sĭt.” Pônây Y-Ahap ƀư nau tâm nkol đah Y-Ben-Hadat, jêh ri ăn Y-Ben-Hadat hăn sĭt.

II Phung Hađăch 14:28

Mâu di hĕ lĕ kan êng Y-Jêrôbôam, lĕ nau păng ƀư jêh, nau ktang păng, nau păng hŏ lơh jêh ri nau păng sŏk sĭt tay ƀon Damas jêh ri ƀon Hamat tă bơh phung Yuđa mplơ̆ ma phung Israel, bu hŏ nchih da dê tâm ndrom samƀŭt nau rêh jêng ma phung hađăch Israel?

II Phung Hađăch 8:7

Y-Êlisê hăn tât ma ƀon Damas tâm nôk nây hađăch Aram jêng Y-Ben-Hadat dôl ji. Tơlah geh bunuyh nkoch ma hađăch: “Geh bunuyh Brah Ndu mhe tât ta aơ,”

Kôranh Oh Mon 9:2

dăn samƀŭt nkoch lor ma phung ngih rƀŭn ta ƀon Đamas, gay ma tơlah tâm mâp mbu moh jêng Bunuyh Nau Chroh, mâu kơp bu ur mâu lah bu klâu, păng mra nhŭp chăp têk leo khân păng ta ƀon Yêrusalem.