I Phung Hađăch 11:21 - Nau Brah Ndu Ngơi 2023

²¹ Dôl gŭ ta Êjipt, Y-Hadat tăng lư ma Y-Đavit lĕ khĭt jêh hăn gŭ ndrel ma phung chô yau păng nơm, jêh ri kôranh chiă uănh phung tahan jêng Y-Jôap kŏ khĭt jêh, pôri Y-Hadat ngơi đah ma Pharaôn: “Dăn ma hađăch ăn gâp dơi plơ̆ sĭt rlet ma bri ƀon gâp nơm.”

I Phung Hađăch 11:21 ပူးပေါင်းရင်းမြစ်များ

Nau Ntơm 45:24

Jêh nây Y-Yôsep njŭn phung oh nâu păng hăn trong. Păng ntĭnh ma khân păng: “Lơi tâm djrel ôh ndrăng khân may rŏ trong.”

II Samuel 3:21

Y-Apner lah ma Y-Đavit: “Gâp mra tâm rƀŭn đŏng lĕ rngôch phung Israel văch tât ma hađăch, jêng kôranh gâp, gay ăn khân păng dơi ƀư nau tâm rnglăp đah hađăch, jêh ri hađăch mra ƀư hađăch chiă uănh lĕ n'gor Israel, di nâm nuih n'hâm hađăch ŭch.” Y-Đavit ăn Y-Apner sĭt, jêh ri păng hăn ma nau đăp mpăn.

I Phung Hađăch 11:20

Oh H'Tahpênes deh ăn ma Y-Hadat du huê kon bu klâu ntơ amoh Y-Gênubat, nây jêng kon lĕ chalơi toh dôl gŭ tâm ngih Pharaôn. Pônây, Y-Gênubat gŭ tâm ngih Pharaôn, tâm nklang phung kon Pharaôn.

I Phung Hađăch 11:22

Pharaôn ôp: “Moh ndơ may mâu tŏng dôl gŭ ndrel ma gâp, mâm aƀaơ may dăn plơ̆ sĭt rlet ma bri ƀon may nơm?” Y-Hadat plơ̆ lah: “Mâu geh pưt du ntil ndơ ôh, ƀiălah knŏng dăn ăn ma gâp dơi hăn ro.”

I Phung Hađăch 2:10

Y-Đavit khĭt ndrel ma phung chô yau păng nơm jêh ri bu tâp păng tâm ƀon Đavit.

I Phung Hađăch 2:34

Pônây Y-Bênaya, kon bu klâu Y-Jêhôida, hăn hao, rduh lơh Y-Jôap jêh ri nkhĭt lơi păng. Bu tâp brôi Y-Jôap tâm neh ngih păng ta bri rdah.

Nau Ngluh Êjipt 4:19

Brah Yêhôva hŏ lah ma Y-Môis tâm n'gor Madian: “Plơ̆ sĭt hom ta n'gor Êjipt yorlah lĕ rngôch bunuyh joi gay ƀư mhĭk nau rêh may hŏ khĭt lĕ jêh.”

Mathay 2:20

“Dâk hom djôt kon se jê̆ jêh ri mê̆ Păng plơ̆ sĭt bri Israel, yorlah phung ŭch nkhĭt kon se jê̆ nây hŏ khĭt jêh.”

Yôsuê 2:21

Păng plơ̆ lah: “Ƀư di nâm nau khân may hŏ lah.” Jêh nây păng đă ma khân păng hăn, jêh ri khân păng luh hăn. Păng kât rse sut chăng ta mpông bloh.

I Samuel 9:26

Tât nar ôi taơ, khân păng kah rngăl ơm ôi. Dôl dăch luh nar, Y-Samuel kuăl Y-Sôl dôl gŭ ta chor ngih, jêh lah: “Dâk hom, gâp mra njŭn may hăn trong.” Y-Sôl dâk, jêh nây păng hăn luh nđâp ma Y-Samuel.