I Phung Hađăch 11:19 - Nau Brah Ndu Ngơi 2023

¹⁹ Y-Hadat geh âk nau yô̆ tanăp măt Pharaôn, pônây Pharaôn ăn oh ur păng nơm ma păng, jêng oh hađăch bu ur H'Tahpênes.

I Phung Hađăch 11:19 ပူးပေါင်းရင်းမြစ်များ

Nau Ntơm 39:21

Ƀiălah Brah Yêhôva kâp kơl ma Y-Yôsep. Păng mpơl nau ueh ma păng jêh ri ƀư ma păng geh nau yô̆ tanăp măt kôranh bu nă.

Nau Ntơm 39:4

Y-Yôsep geh nau yô̆ tanăp măt kôranh păng, jêh ri pah kan groi păng. Păng njêng Y-Yôsep jêng bunuyh mât ngih jêh ri jao lĕ rngôch drăp ndơ ma Y-Yôsep.

Nau Ntơm 41:45

Pharaôn ntơ ma Y-Yôsep jêng Y-Sapênat Phanêah, jêh ri păng ăn H'Asênat, kon bu ur Y-Pôtipêra, kôranh ƀư brah ƀon Ôn jêng ur păng. Y-Yôsep vay hăn nsong uănh lam n'gor Êjipt.

I Phung Hađăch 11:18

Khân păng du luh bơh n'gor Madian tât ma Paran. Jêh nây bơh Paran, khân păng djôt leo du rnoh bunuyh Paran hăn tât ta Êjipt jêh ri mpơl măt đah Pharaôn, hađăch n'gor Êjipt. Hađăch nây ăn ma Y-Hadat du mlâm ngih gŭ, ndơ sông sa jêh ri neh mir.

I Phung Hađăch 11:20

Oh H'Tahpênes deh ăn ma Y-Hadat du huê kon bu klâu ntơ amoh Y-Gênubat, nây jêng kon lĕ chalơi toh dôl gŭ tâm ngih Pharaôn. Pônây, Y-Gênubat gŭ tâm ngih Pharaôn, tâm nklang phung kon Pharaôn.

Kôranh Oh Mon 7:10

Brah Ndu rklaih păng bơh lĕ rngôch nau mhĭk, ăn nau yô̆, jêh ri nau blau mĭn ma păng tanăp Pharaôn, hađăch n'gor Êjipt; hađăch sâm dơm păng jêng kôranh chiă uănh n'gor Êjipt jêh ri lĕ phung ta ngih hađăch.

Kôranh Oh Mon 7:21

Tơlah bu cha lat păng, kon bu ur Pharaôn dơn jêng kon jêh ri mât siăm tâm ban ma kon păng nơm.