I Phung Hađăch 11:14 - Nau Brah Ndu Ngơi 2023

¹⁴ Brah Yêhôva nsônh du huê dâk tâm rdâng đah Y-Salômôn jêng Y-Hadat, bunuyh Êđôm, jêng du huê tâm ngih hađăch Êđôm.

I Phung Hađăch 11:14 ပူးပေါင်းရင်းမြစ်များ

II Samuel 24:1

Du tơ̆ đŏng, Brah Yêhôva ji nuih ma phung Israel. Păng nsŭk nsôr Y-Đavit ƀư nau mhĭk ma khân păng jêh ri lah: “Kơp hom rnoh phung Israel jêh ri phung Yuđa.”

II Samuel 7:14

Gâp mra jêng Mbơ̆ păng, jêh ri păng mra jêng kon Gâp. Tơlah păng ƀư nau kue, Gâp mra phat dôih păng nâm bu kon bunuyh dŏng mâng rvĕ gay ntăm nti ma kon bunuyh.

I Phung Hađăch 11:13

Nđâp tơlah pônây, Gâp mâu mra sŏk ôh lĕ rngôch ƀon bri hađăch tă bơh păng; ƀiălah yor Y-Đavit, oh mon Gâp, jêh ri yor Yêrusalem ntŭk Gâp hŏ săch jêh, Gâp mra ăn tay ma du ndŭl mpôl kon bu klâu may.”

I Phung Hađăch 11:15

Alor, tâm nôk Y-Đavit tŭn mpet n'gor Êđôm, Y-Jôap jêng kôranh chiă uănh ma phung tahan, hŏ nkhĭt lĕ rngôch phung bu klâu tâm Êđôm, tâm nôk hăn tâp brôi phung bunuyh khĭt.

I Phung Hađăch 11:23

Brah Ndu nsônh tay du huê êng đŏng dâk tâm rdâng đah Y-Salômôn, jêng Y-Rêson, kon Y-Êliada, Y-Rêson, jêng bunuyh du tă bơh kôranh păng jêng Y-Hadadêser, hađăch n'gor Sôba.

I Phung Hađăch 12:15

Pônây hađăch mâu ŭch iăt ôh tǐng nau phung ƀon lan dăn, yor lĕ nau nây jêng kan Brah Yêhôva ăn nau tât geh gay ƀư tât di ngăn nau Păng hŏ ngơi đah Y-Jêrôbôam, kon bu klâu Y-Nêbat, rgăn bâr mbung Y-Ahija, bunuyh ƀon Silô.

I Nau Rêh Jêng 5:26

Pôri, Brah Ndu Israel nsônh nau mĭn Y-Pul, hađăch bri dak Asiri, jêh ri Y-Tiglat-Pilêser, hađăch bri dak Asiri, hăn tât gay nhŭp phung ndŭl mpôl Ruben, Gat, jêh ri du n'gul ndŭl mpôl Manasê, njŭn khân păng tât ma ƀon Hala, ƀon Habôr, ƀon Hara, jêh ri nkual ta dăch dak krong Gôsan, jêng ntŭk khân păng hôm gŭ tât ma nar aơ.

Êsai 10:26

Brah Yêhôva ma phung tahan mra rpăt mâng ta khân păng, nâm bu hŏ lơh jêh phung Madian ta lŭ Ôrep; Păng mra yơr mâng ta klơ dak mƀŭt tâm ban ma Păng hŏ ƀư jêh ta Êjipt.

Êsai 10:5

Rêh ni ngăn ma Asiri, mâng rpăt nau Gâp ji nuih! Mâng jra tâm ti păng jêng nau Gâp ji nuih!

Êsai 13:17

Aơ, Gâp mra ƀư ma phung Mêdơ tâm rdâng đah khân păng; Phung nây mâu chrê ma prăk, Mâu đŏng ŭch mah.

Nau Kơp Bunuyh 24:18

Bu mra pit sŏk Êđôm, Sêir jêng phung rlăng, bu mra tŭn jot, Ƀiălah Israel mra dơi ma nau janh ktang.

I Samuel 26:19

Aƀaơ, dăn hađăch gŭ iăt hom nau ngơi oh mon may. Tơlah Brah Yêhôva nsŭk nsôr may ƀư mhĭk ma gâp, dăn Păng sŏk dơn ndơ ƀư brah. Ƀiălah tơlah kon bunuyh, ăn păng dơn nau rak rtăp tanăp măt Brah Yêhôva; yorlah nar aơ khân păng hŏ mprơh gâp luh tă bơh ntŭk prăp ma gâp tâm drăp ndơn bơh Brah Yêhôva, jêh ri khân păng lah pô aơ: ‘Hăn hom mbah ma lĕ brah êng.’