I Phung Hađăch 11:12 - Nau Brah Ndu Ngơi 2023

¹² Ƀiălah, yor ma Y-Đavit, mbơ̆ may, Gâp mâu mra ƀư nau nây tâm rnôk rô̆ may. Ƀiălah Gâp mra sŏk ƀon bri hađăch tă bơh tâm ti kon bu klâu may.

I Phung Hađăch 11:12 ပူးပေါင်းရင်းမြစ်များ

Nau Ntơm 12:2

Gâp mra ăn ma may jêng du mpôl băl toyh, Gâp mra ăn nau ueh uĭn ma may, Ăn ma may geh nau lư n'găr, Jêh ri may mra jêng du tu nau ueh uĭn.

Nau Ntơm 19:29

Nôk Brah Ndu ƀư rai lĕ ƀon tâm neh lâng, ntŭk Y-Lot dôl gŭ, Păng kah gĭt ma Y-Abraham rĭ dĭng hŏ rklaih jêh Y-Lot du luh bơh nau ƀư rai nây.

I Phung Hađăch 11:11

Yor ri, Brah Yêhôva lah ma Y-Salômôn: “Yorlah may hŏ ƀư kơt nây, mâu ŭch djôt prăp ôh nau Gâp tâm rnglăp jêh ri lĕ nau vay dăp Gâp ntĭnh jêh ma may, n'hêl nanê̆ Gâp mra tâm nkhah lơi ƀon bri hađăch tă bơh may jêh ri ăn păng ma oh mon may.

I Phung Hađăch 11:13

Nđâp tơlah pônây, Gâp mâu mra sŏk ôh lĕ rngôch ƀon bri hađăch tă bơh păng; ƀiălah yor Y-Đavit, oh mon Gâp, jêh ri yor Yêrusalem ntŭk Gâp hŏ săch jêh, Gâp mra ăn tay ma du ndŭl mpôl kon bu klâu may.”

I Phung Hađăch 11:31

Jêh nây păng lah ma Y-Jêrôbôam: “Sŏk hom jât nchroi ma may, yorlah Yêhôva Brah Ndu Israel lah: ‘Aơ, Gâp mra nkhêk lơi ƀon bri hađăch bơh ti Y-Salômôn jêh ri jao ma may jât ndŭl mpôl.

I Phung Hađăch 11:32

Ƀiălah yor ma oh mon Gâp jêng Y-Đavit jêh ri yor Yêrusalem, ƀon Gâp hŏ săch jêh ta nklang lĕ rngôch ndŭl mpôl phung Israel, rĭ dĭng hôm klen du ndŭl mpôl ma noi deh Y-Salômôn.

I Phung Hađăch 11:34

Ƀiălah, Gâp mâu mra sŏk lơi ôh lĕ rngôch ƀon bri hađăch tă bơh ti Y-Salômôn, ƀiălah Gâp mra njêng păng ƀư hađăch lôch du njăr rêh păng, yor ma Y-Đavit, oh mon Gâp hŏ săch jêh, nơm djôt prăp jêh lĕ nau vay ntăm jêh ri lĕ nau vay dăp bơh Gâp.

I Phung Hađăch 11:35

Ƀiălah Gâp mra sŏk lơi ƀon bri hađăch tă bơh ti kon bu klâu păng, ăn ma may jât ndŭl mpôl.

I Phung Hađăch 21:29

“May saơ lĕ nau Y-Ahap ƀư n'hôi săk păng nơm tanăp Gâp? Yorlah păng n'hôi săk păng nơm tanăp Gâp, pôri Gâp mâu mra ăn tât ôh nau mhĭk tâm rnôk păng. Ƀiălah tât ta tâm rnôk rô̆ kon păng, Gâp mra ăn tât nau mhĭk ma ngih păng.”

II Phung Hađăch 19:34

Yor Gâp jêh ri yor Y-Đavit, oh mon Gâp, Gâp nơm mra king n'gang jêh ri tâm rklaih ƀon aơ.”

II Phung Hađăch 20:17

‘Aơ, tâm lĕ nar mra tât, lĕ rngôch ndơ tâm ngih hađăch may, lĕ rngôch ndơ phung chô yau may hŏ prăp jêh tâm lĕ jay prăp drăp ndơ khlay kŏ tât ta nar aơ, bu mra djôt leo ta Babilôn, mâu hôm geh du ntil ndơ ôh!’ Brah Yêhôva lah kơt nây.

II Phung Hađăch 20:19

Y-Hêsêkia plơ̆ lah ma Y-Êsai: “Nau Brah Yêhôva may mhe ngơi jêng ueh.” Yor păng mĭn êng: “Mâu di hĕ tâm nau rêh gâp mra geh nau đăp mpăn jêh ri nau rnơm ƀơh?”

II Phung Hađăch 8:19

Ƀiălah yor Y-Đavit oh mon Brah Yêhôva, rĭ dĭng Păng mâu ŭch ƀư rai ôh phung Yuđa, tĭng nâm nau Păng hŏ ton ma Y-Đavit gay prăp ma păng du mlâm ŭnh kađen tanăp măt păng kŏ tât ƀaƀơ n'ho ro.

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.