I Phung Hađăch 11:11 - Nau Brah Ndu Ngơi 2023

¹¹ Yor ri, Brah Yêhôva lah ma Y-Salômôn: “Yorlah may hŏ ƀư kơt nây, mâu ŭch djôt prăp ôh nau Gâp tâm rnglăp jêh ri lĕ nau vay dăp Gâp ntĭnh jêh ma may, n'hêl nanê̆ Gâp mra tâm nkhah lơi ƀon bri hađăch tă bơh may jêh ri ăn păng ma oh mon may.

I Phung Hađăch 11:11 ပူးပေါင်းရင်းမြစ်များ

I Phung Hađăch 11:12

Ƀiălah, yor ma Y-Đavit, mbơ̆ may, Gâp mâu mra ƀư nau nây tâm rnôk rô̆ may. Ƀiălah Gâp mra sŏk ƀon bri hađăch tă bơh tâm ti kon bu klâu may.

I Phung Hađăch 11:26

Y-Jêrôbôam, kon bu klâu Y-Nêbat, bunuyh Êphraim, ta n'gor Sêrêda, păng hŏ tă pah kan ma Y-Salômôn, dâk đŏng tâm rdâng đah hađăch. Mê̆ păng jêng du huê bu ur ndrô amoh H'Sêrua.

I Phung Hađăch 11:29

Du nar, Y-Jêrôbôam hăn luh bơh Yêrusalem, păng tâm mâp đah Y-Ahija, nơm mbơh lor gŭ ta Silô, dôl nsoh du ao rjai mhe. Nôk nây, knŏng geh bar hê khân păng gŭ êng tâm mir.

I Phung Hađăch 11:31

Jêh nây păng lah ma Y-Jêrôbôam: “Sŏk hom jât nchroi ma may, yorlah Yêhôva Brah Ndu Israel lah: ‘Aơ, Gâp mra nkhêk lơi ƀon bri hađăch bơh ti Y-Salômôn jêh ri jao ma may jât ndŭl mpôl.

I Phung Hađăch 12:20

Tơlah tăng lư Y-Jêrôbôam plơ̆ sĭt jêh, phung ƀon lan Israel rgum nau tâm rƀŭn toyh, jêh ri prơh bunuyh hăn jă păng tât gay njêng păng ƀư hađăch chiă uănh lĕ rngôch phung Israel. Bu mâu tĭng ngih Y-Đavit ôh, knŏng ndŭl mpôl Yuđa.

II Phung Hađăch 17:15

Khân păng mưch rmot ma lĕ nau vay dăp bơh Păng tâm ban đŏng nau tâm rnglăp Păng hŏ ƀư jêh ma chô yau khân păng, jêh ri khân păng mưch rmot đŏng lĕ nau tâm rmal Păng hŏ ntăm jêh ma khân păng. Khân păng hăn tĭng ndô̆ phung brah dơm dam jêh ri khân păng nơm ăt rlơ̆ jêng dơm dam. Khân păng kơt phung ntil mpôl bunuyh gŭ văr jŭm, jêng phung ntil mpôl bunuyh Brah Yêhôva ntrŭnh jêh ma khân păng mâu tĭng kơt phung nây.

II Phung Hađăch 17:21

Tơlah Păng nkhêk phung Israel luh bơh ngih Y-Đavit, khân păng njêng Y-Jêrôbôam, kon bu klâu Y-Nêbat, ƀư hađăch. Y-Jêrôbôam ndơm phung Israel chalơi Brah Yêhôva, jêh ri nsŭk ma khân păng ƀư tih toyh ngăn.

Nau Mprơ Ơm 78:10

Khân păng mâu djôt prăp ôh nau Brah Ndu tâm rnglăp, Dun đŏng tĭng nâm nau vay Păng.

Nau Kơp Bunuyh 14:23

mâu mra du huê bunuyh tâm khân păng mra saơ n'gor Gâp sơm ton jêh gay ăn ma phung chô yau khân păng. Mâu geh du huê ôh mưch ma Gâp mra saơ n'gor nây.

Nau Kơp Bunuyh 14:35

Gâp, Brah Yêhôva hŏ ngơi jêh: N'hêl nanê̆ Gâp mra ƀư lĕ nau nây ma lĕ rngôch phung tâm rƀŭn janh ƀai aơ. Phung gŭ tâm rnglăp ndrel đah ndrăng khân păng gay tâm rdâng đah Gâp, yor ri khân păng mra rai jêh ri mra khĭt tâm bri rdah nây.’”