I Phung Hađăch 10:9 - Nau Brah Ndu Ngơi 2023

⁹ Mât ton ma Yêhôva Brah Ndu may, Nơm hŏ maak nuih n'hâm n'gân may gŭ ta sưng hađăch phung Israel! Yorlah Brah Yêhôva rŏng ma phung Israel kŏ tât ƀaƀơ n'ho ro, yor ri Păng hŏ njêng jêh may ƀư hađăch gay ƀư nau di jêh ri nau sŏng.”

I Phung Hađăch 10:9 ပူးပေါင်းရင်းမြစ်များ

II Samuel 23:3

Brah Ndu phung Israel hŏ ngơi jêh, Lŭ Toyh phung Israel hŏ lah jêh ma gâp: ‘Tơlah du huê chiă uănh bunuyh ma nau sŏng, Chiă uănh ma nau klach yơk ma Brah Ndu

II Samuel 5:12

Rnôk nây, Y-Đavit gĭt năl pô aơ Brah Yêhôva hŏ njêng jêh păng ƀư hađăch ma phung Israel, jêh ri ƀư ăn ƀon bri hađăch păng geh nau ndrŏng yor phung ƀon lan Păng jêng Israel.

II Samuel 8:15

Y-Đavit chiă uănh lĕ rngôch phung Israel, ƀư nau di jêh ri nau sŏng ma lĕ rngôch phung ƀon lan.

I Phung Hađăch 3:28

Tơlah lĕ rngôch phung Israel hŏ tăng nau hađăch phat dôih nây, jêh ri khân păng geh nau yơk ma hađăch, yorlah khân păng saơ pô aơ Brah Ndu hŏ ăn ma hađăch nau gĭt mĭn gay ƀư nau di.

I Phung Hađăch 5:7

Tơlah tăng jêh nau Y-Salômôn ngơi, hađăch Hiram răm rhơn ngăn jêh ri lah: “Nar aơ khư tâm rnê ma Brah Yêhôva, Nơm hŏ ăn ma Y-Đavit du huê kon gĭt mĭn gay chiă uănh phung ƀon lan âk râk aơ!”

I Nau Rêh Jêng 17:22

Kôranh Brah hŏ ƀư ăn ma phung ƀon lan Israel rlơ̆ jêng phung ƀon lan ma May nơm kŏ tât ƀaƀơ n'ho ro. Bi May, Hơi Brah Yêhôva, May jêng Brah Ndu khân păng.

II Nau Rêh Jêng 2:11

Y-Hiram, hađăch ƀon Tyre, nchih samƀŭt njuăl ma Y-Salômôn plơ̆ lah kơt aơ: “Yorlah Brah Yêhôva rŏng ma phung ƀon lan Păng ri dĭng Păng njêng jêh hađăch chiă uănh khân păng.”

Nau Mprơ Ơm 18:19

Păng njŭn gâp tâm ntŭk huy toyh, Tâm rklaih gâp yorlah Păng rŏng ma gâp.

Nau Mprơ Ơm 22:8

“Păng jao păng nơm ma Brah Yêhôva, ăn May tâm rklaih păng; Yorlah May rŏng ma păng, ăn May tâm rklaih păng!”

Nau Mprơ Ơm 72:2

Păng mra phat dôih phung ƀon lan May ma nau sŏng, Phat dôih ma phung o ach ma nau di.

Êsai 42:1

Aơ jêng oh mon Gâp, Nơm Gâp kâp kơl, Jêng Nơm Gâp hŏ săch jêh, jêh ri tâm Păng huêng Gâp geh nau maak. Gâp hŏ dơm jêh Brah Huêng Gâp ta klơ Păng, Jêh ri Păng mra mpơl nau sŏng ma lĕ bri dak.

Êsai 62:4

Bu mâu hôm mra rnha ôh may jêng “nơm bu chalơi,” Mâu hôm rnha ôh bri may jêng “bri rngol” đŏng; Ƀiălah bu mra rnha may jêng “nơm Gâp Maak”, Jêh ri bu mra rnha neh may jêng “nơm geh sai”; Yorlah Brah Yêhôva maak đah may, Jêh ri neh may mra geh sai.

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Yêrêmi 31:3

Ntơm bơh ngai Brah Yêhôva hŏ tâm mpơl jêh ma gâp jêh ri lah: “Gâp hŏ rŏng jêh ma may ma nau rŏng n'ho ro Yor nây sŏk nuih n'hâm ueh n'hoch tât ma may.

Malachi 1:2

Brah Yêhôva lah: “Gâp rŏng jêh ma khân may,” ƀiălah khân may lah pô aơ: “Hŏ geh Kôranh Brah rŏng ma hên?” Brah Yêhôva lah: “Mâu di Y-Êsau jêng nâu Y-Yakôb?

Nau Vay Nkah Tay 7:8

Ƀiălah yorlah Brah Yêhôva rŏng ma khân may jêh ri gay djôt prăp nau ton Păng ton jêh ma phung chô yau khân may, Brah Yêhôva hŏ dŏng jêh ti nau dơi gay leo khân may du luh, chuai khân may bơh vâl dĭk bu jêh ri bơh ti Pharaôn, hađăch n'gor Êjipt.