I Phung Hađăch 10:25 - Nau Brah Ndu Ngơi 2023

²⁵ Mbu hăn mâp hađăch, djôt leo da dê ndơ nhhơr nâm bu: lĕ ndơ dŏng ƀư ma prăk jêh ri ma mah, ao mbâl, ao loih, dak si ƀâu kah, seh jêh ri seh bri.

I Phung Hađăch 10:25 ပူးပေါင်းရင်းမြစ်များ

Nau Ntơm 36:24

Phung kon bu klâu Y-Sibêôn jêng: Y-Aiya jêh ri Y-Ana. Y-Ana nây jêng nơm joi saơ tu dak duh tâm bri rdah dôl păng chiăp seh bri ma Y-Sibêôn mbơ̆ păng.

II Samuel 8:10

Y-Toi prơh Y-Jôram, kon păng nơm, tât mbah ma hađăch Đavit, jêh ri mât ton ma păng tâm lơh jêh ri dơi jêh đah Y-Hadadêser; yorlah Y-Hadadêser vay tâm lơh đah Y-Toi. Y-Jôram djôt leo ndrel păng ndô ndơ prăk, mah, jêh ri kông ma hađăch Đavit.

II Samuel 8:2

Hađăch dơi đah phung tahan Môap, đă khân păng bê̆ch ta klơ neh jêh ri veh ma rse: veh bar bông rse jêh ri nkhĭt, veh du bông rse ăn ma rêh. Pôri ăn phung Môap pah kan jêh ri chê̆ pi ma Y-Đavit.

I Phung Hađăch 1:33

Jêh nây hađăch lah ma khân păng: “Djôt leo hom phung oh mon kôranh khân may hăn tĭng, chông Y-Salômôn, kon bu klâu gâp, hao ncho seh bri gâp nơm, jêh nây njŭn păng trŭnh ta dak n'hor Gihôn.

I Phung Hađăch 10:10

Jêh nây hađăch bu ur n'gor Sêba nhhơr ma hađăch pe rbăn prao rhiăng kilô mah, jêh ri dŭt âk dak si ƀâu kah n'hanh ma lŭ khlay. Mâu hôm mâp geh ôh bu djôt leo dak si ƀâu kah âk tâm ban hađăch bu ur n'gor Sêba ăn jêh ma hađăch Salômôn.

I Phung Hađăch 18:5

Y-Ahap lah ma Y-Apdia pô aơ: “Hăn hom lam tâm n'gor, uănh lĕ rngôch tu dak jêh ri n'hor dak, klăp lah he mra dơi joi gơ̆ nse gay ăn ma seh jêh ri seh bri; tơlah mâu, mpô mpa rong gâp mra khĭt lĕ?”

I Phung Hađăch 5:1

Tơlah tăng lư ma Y-Salômôn hŏ bu tŏ jêh dak ƀâu kah gŭ ta sưng hađăch chiă uănh thoi ntrok mbơ̆ păng, hađăch Tyre jêng Y-Hiram prơh phung oh mon păng nơm hăn tât ma Y-Salômôn, yorlah Y-Hiram ăt rŏng ƀaƀơ ma Y-Đavit.

II Phung Hađăch 17:4

Ƀiălah hađăch Asiri saơ Y-Hôsêa nchră nau tâm rdâng; yorlah păng hŏ prơh phung mbơh hăn tât ma Y-Sô, hađăch Êjipt, jêh ri mâu chê̆ pi ôh ma hađăch Asiri tâm ăp năm nâm bu saơm; yor nây hađăch Asiri nhŭp Y-Hôsêa nkông jêh ri krŭng păng tâm ndrung bu nă.

II Nau Rêh Jêng 26:8

Phung Ammôn chê̆ pi ma Y-Usia, jêh ri nau lư n'găr păng bu tăng lư tât ta n'har neh n'gor Êjipt, yorlah păng hao hŏ dơi chăt jêng ngăn.

II Nau Rêh Jêng 9:24

Tâm ăp năm, khân păng djôt leo lĕ ndơ ăn ma hađăch nâm bu lĕ ndơ dŏng ƀư ma prăk, ma mah, kho ao, ndơ tâm lơh, dak si ƀâu kah jêh ri seh bri.

Êsra 2:66

Khân păng geh pơh rhiăng pe jât ma prao seh; bar rhiăng puăn jât ma prăm seh bri,

Êsther 8:10

Y-Môrdêkai sŏk amoh hađăch Asuêrus gay nchih samƀŭt jêh ri tâp pŏng ma rgên ti hađăch jêh ri păng prơh phung djôt leo samƀŭt hăn; khân păng ncho seh prăl, jêng mpôl seh êng ngăn bu prăp ma phung ta ngih hađăch.

Êsther 8:14

Pôri phung djôt leo samƀŭt ncho seh prăl, jêng seh mpôl êng ngăn bu prăp ta ngih hađăch. Bu mbơh đŏng nau vay nây ta ƀon Susa.

Ndrom Samƀŭt bơh Yôp 42:11

Lĕ rngôch oh nâu, oh nur jêh ri lĕ rngôch phung tâm bên đah Y-Yôp ntơm bơh saơm văch khâl da dê jêh ri sông sa ndrel ma păng tâm trôm ngih. Khân păng tâm mpơl nau yô̆ ma păng jêh ri bonh leng păng yor lĕ rngôch nau mhĭk Brah Yêhôva hŏ ăn jêh ma păng. Ăp nơm khân păng ăn da dê ma păng du glo prăk jêh ri du mlâm rgên mah.

Nau Mprơ Ơm 68:29

Tă bơh ngih Brah May ta ƀon Yêrusalem, Phung hađăch mra njŭn leo mpa nhhơr ma May.

Nau Mprơ Ơm 72:10

Phung hađăch n'gor Tarsis jêh ri phung kô dak rlai Mra chê̆ pi ma hađăch. Hađăch bơh Saba jêh ri Sêba Mra djôt ndơ văch ăn ma hađăch.

Nau Mprơ Ơm 72:15

Ăn hađăch dơi gŭ rêh jŏ! Jêh ri lĕ rngôch bunuyh ta ntu mra nhhơr mah bơh Sêba ma hađăch, Ăn bu mra mbơh sơm ma hađăch ƀaƀơ. Jêh ri ăp nar ăn nau ueh uĭn ma hađăch.

Êsai 36:16

Lơi ta iăt Y-Hêsêkia ôh, yorlah hađăch Asiri lah pô aơ: Ƀư hom nau đăp mpăn đah gâp jêh ri ăn may văch ta gâp, pôri ăp nơm tâm khân may ăt mra dơi sa play krăk ƀâu, play rvi, jêh ri nhêt dak bơh nglao prăp păng nơm,

Êsai 66:20

Brah Yêhôva lah: “Phung bu năch mra njŭn lĕ rngôch phung oh nâu khân may plơ̆ sĭt bơh lĕ rngôch bri dak. Khân păng rdeng khân may klơ seh, ndeh, tâm ưn, ncho seh bri jêh ri seh samô, hăn ta yôk kloh ueh Gâp jêng Yêrusalem, gay nhhơr khân păng tâm ban ma du mpa nhhơr ma Brah Yêhôva; tâm ban đŏng phung Israel djôt leo mpa nhhơr tâm ndơ dŏng kloh rsang lăp ma ngih Brah Yêhôva.”

Êsêkiêl 27:14

Phung Bet-Tôgarma djôt seh, seh tâm lơh, seh bri, gay tâm rgâl đah ndô ndơ may tăch.

Mathay 2:11

Lăp tâm ngih, khân păng saơ kon se jê̆ ndrel mê̆ Păng H'Mari, khân păng chon mon yơk mbah Păng. Jêh nây khân păng pơk hip ndơ khlay, nhhơr ma Păng lĕ ndơ nhhơr jêng mah, ntăk si ƀâu kah jêh ri dak si tăng.

Phung Kôranh Phat Dôih 3:15

Phung ƀon lan Israel nter tay ma Brah Yêhôva, jêh ri Brah Yêhôva săch ăn ma khân păng du nơm rklaih jêng Y-Êhut, kon bu klâu Y-Gêra, bơh noi deh Benjamin, jêng bunuyh vay dŏng ti chiau. Phung ƀon lan Israel njuăl ma Y-Êhut djôt leo ndơ nhhơr ăn ma Y-Êglon, hađăch n'gor Môap.

I Samuel 10:27

Ƀiălah geh phung bunuyh mhĭk lah: “Mâm ƀư bunuyh aơ dơi tâm rklaih he?” Khân păng tâm rmot ma Y-Sôl, mâu djôt leo ndơ nhhơr ôh ma păng. Ƀiălah, Y-Sôl gŭ klêm.