I Phung Hađăch 10:24 - Nau Brah Ndu Ngơi 2023

²⁴ Lam lĕ neh ntu ŭch tâm mâp đah Y-Salômôn gay iăt nau blau mĭn Brah Ndu hŏ dơm jêh tâm nuih n'hâm hađăch.

I Phung Hađăch 10:24 ပူးပေါင်းရင်းမြစ်များ

I Phung Hađăch 10:1

Hađăch bu ur n'gor Sêba tăng lư Y-Salômôn yor amoh Brah Yêhôva, păng văch tât gay ŭch rlong uănh Y-Salômôn âk nau hôr dŭt jêr.

I Phung Hađăch 3:12

rĭ dĭng Gâp ƀư tĭng nau may dăn. Gâp ăn ma may nuih n'hâm gĭt mĭn jêh ri gĭt rbăng, kŏ tât mâu hŏ geh ôh du huê bunuyh panăp may tâm ban ma may jêh ri pakơi may mâu mra geh bunuyh dơi ban may ôh.

I Phung Hađăch 3:28

Tơlah lĕ rngôch phung Israel hŏ tăng nau hađăch phat dôih nây, jêh ri khân păng geh nau yơk ma hađăch, yorlah khân păng saơ pô aơ Brah Ndu hŏ ăn ma hađăch nau gĭt mĭn gay ƀư nau di.

I Phung Hađăch 3:9

Pôri, dăn ma Kôranh Brah ăn ma oh mon May nuih n'hâm gĭt mĭn gay phat nkra dôih phung ƀon lan May jêh ri tâm nkhah nau di jêh ri nau mâu di; yorlah mbu nơm dơi phat nkra dôih phung ƀon lan Kôranh Brah âk râk aơ?”

II Nau Rêh Jêng 1:11

Brah Ndu lah ma Y-Salômôn: “Gâp njêng jêh may ƀư hađăch ma phung ƀon lan Gâp. Yorlah may geh nau ton kơt nĕ, may mâu ŭch dăn ôh nau ndrŏng kuăng, drăp ndơ, nau chrêk rmah, mâu lah nau rêh phung rlăng may, jêh ri mâu mâp lĕ geh dăn nau jong rêh, ƀiălah may dăn nau gĭt mĭn jêh ri nau gĭt rbăng ma may nơm gay chiă uănh ma phung ƀon lan Gâp,

II Nau Rêh Jêng 1:12

pôri Gâp hŏ ăn jêh nau gĭt mĭn jêh ri nau gĭt rbăng ma may. Gâp mra ăn ma may nau ndrŏng kuăng, drăp ndơ, jêh ri nau chrêk rmah kŏ tât mâu dơi geh ôh lĕ phung hađăch lor panăp may jêh ri pakơi may dơi ban.”

Nau Hôr 2:6

Yorlah Brah Yêhôva ăn nau blau mĭn; Tă bơh trôm mbung Păng luh nau blau mĭn jêh ri nau gĭt rbăng.

Êsêkiêl 16:14

Nau lư n'găr ay bu rnê hâu ngăn tâm lam bri dak yor nau ueh ay jêh ri yor nau chrêk rmah Gâp ăn jêh ma ay, ƀư nau ueh ay ntop rah vah ngăn,’ Kôranh Brah Yêhôva lah pônây.

Daniel 1:17

Brah Ndu ăn ma puăn nuyh bu klâu ndăm aơ geh nau gĭt rbăng jêh ri nau blau ngăn gĭt rbăng lĕ rngôch nau ngơi ueh ndrel nau blau mĭn. Êng ma Y-Daniel geh nau gĭt rbăng ma lĕ nau tâm saơ jêh ri nau mbơi.

Daniel 2:21

Păng nơm yơh tâm rgâl mông nar jêh ri yan, N'glưh jêh ri njêng phung hađăch; Păng ăn nau blau mĭn ma bunuyh blau mĭn Jêh ri nau gĭt rbăng ma bunuyh gĭt rbăng.

Daniel 2:23

Ơ Brah Ndu phung chô yau gâp, Gâp lah ueh jêh ri tâm rnê ma May, Yorlah May ăn jêh nau blau mĭn jêh ri nau dơi ma gâp, Aƀaơ aơ, May tâm mpơl ma gâp gĭt nau hên dăn ôp May, Yorlah May mpơl ăn ma hên nau hađăch tĭng joi.”

Daniel 5:11

Tâm ƀon bri hađăch may geh du huê bunuyh geh huêng brah phung brah Brah Ndu kloh ueh gŭ tâm păng. Tâm rnôk mbơ̆ may, bu saơ tâm nơm nây geh nau ang, nau gĭt rbăng jêh ri blau mĭn, tâm ban ma nau blau mĭn Brah Ndu. Mbơ̆ may jêng Y-Nêbukatnetsar, njêng jêh nơm nây ƀư kôranh ma phung rƀên, phung pol, phung Kaldê, jêh ri phung n'hŭm.

Yakơ 1:5

Tơlah mbu nơm tâm phung khân may pưt nau blau mĭn, vơh vơl hom ma Brah Ndu, Păng mra ăn ro, yorlah Brah Ndu jêng Nơm ăn ma lĕ rngôch bunuyh ma nuih n'hâm lŏng, mâu geh nau nduyh ôh.