I Phung Hađăch 10:21 - Nau Brah Ndu Ngơi 2023

²¹ Lĕ rngôch kachok dŏng gay nhêt hađăch Salômôn ƀư đah mah da dê, jêh ri lĕ rngôch ndơ dŏng tâm ngih Bri Krŏng Liban ƀư đah mah kloh da dê. Mâu geh ôh ndơ dŏng ƀư đah prăk, yorlah tâm rnôk hađăch Salômôn, prăk mâu geh nau khlay ôh.

I Phung Hađăch 10:21 ပူးပေါင်းရင်းမြစ်များ

I Phung Hađăch 10:17

Hađăch ƀư đŏng pe rhiăng mlâm khêl jê̆, bu chiăr ndop ma mah, tâm ăp khêl dŏng bar kilô mah. Hađăch dơm lĕ khêl nây tâm ngih Bri Krŏng Liban.

I Phung Hađăch 10:20

Rlau ma nây geh đŏng jât ma bar rup yau mŭr êng dâk ta klơ prao bak gung hao ta bar đah nây. Mâu hŏ geh ôh ƀon bri hađăch êng ƀư sưng hađăch tâm ban pônây.

I Phung Hađăch 10:22

Tâm ăp pe năm, mpôl kumpăn hăn tât ta Tarsis păng rgăn dak mƀŭt ndrel ma mpôl kumpăn hađăch Hiram, djôt leo sĭt mah, prăk, la rveh, dôk jêh ri brak.

I Phung Hađăch 7:2

Hađăch ndâk Ngih Bri Liban, jong prăm jât met, rkăng bar jât met jêh ri prêh jât mprăm met, nđâp ma puăn mbor meh ma tơm si sêdar, jêh ri lĕ rda ma tơm si sêdar n'gân ta klơ lĕ meh nây.

Êsther 1:7

Bu ndrăp ndrănh ma kachok mah, âk ntil kachok êng êng. Hađăch ndrăp âk ngăn ntil ndrănh, tĭng nâm nau lŏng hađăch.

Ndrom Samƀŭt bơh Yôp 28:1

“N'hêl nanê̆ dơi geh ntŭk gay ma sŏk prăk, Geh ntŭk gay ma krĕt mah.

Sakari 9:3

Nđâp lah ƀon Tyre hŏ ƀư du mlâm pôih nâp ma păng nơm, Prăp nkrem prăk âk nâm bu ndruyh neh, Jêh ri nkrem mah nâm bu dak bŏk rŏ trong sâng.

Nau Vay Nkah Tay 17:17

Hađăch kŏ mâu đŏng dơi geh âk ur klach lah nuih n'hâm păng vĭ hêng. Hađăch kŏ mâu đŏng dơi bun prăp âk prăk mâu lah mah.