I Phung Hađăch 10:10 - Nau Brah Ndu Ngơi 2023

¹⁰ Jêh nây hađăch bu ur n'gor Sêba nhhơr ma hađăch pe rbăn prao rhiăng kilô mah, jêh ri dŭt âk dak si ƀâu kah n'hanh ma lŭ khlay. Mâu hôm mâp geh ôh bu djôt leo dak si ƀâu kah âk tâm ban hađăch bu ur n'gor Sêba ăn jêh ma hađăch Salômôn.

I Phung Hađăch 10:10 ပူးပေါင်းရင်းမြစ်များ

Nau Ntơm 43:11

Y-Israel, mbơ̆ khân păng, lah: “Lah pôri khân may ƀư hom kơt aơ: Tâm ndô ndơ khân may djôt leo ndơ khlay bơh n'gor aơ nâm bu ntăk si ƀâu kah djê̆ jêh ri dak sŭt djê̆, ndơ sa kah, dak si tăng, găr guyh jêh ri play amandê gay ƀư ndơ nhhơr ma nơm nây.

I Phung Hađăch 10:2

Păng văch tât ma ƀon Yêrusalem nđâp ma phung hăn tĭng âk ngăn, geh âk seh samô rdeng dak si ƀâu kah jêh ri du rnoh mah âk ngăn nđâp ma lŭ khlay. Păng lĕ hăn mâp jêh ma hađăch Salômôn jêh ri lah ma hađăch lĕ rngôch nau păng mĭn tâm trôm nuih n'hâm păng.

I Phung Hađăch 9:14

Y-Hiram hŏ njuăl jêh ma hađăch Salômôn bar rbăn prao rhiăng kilô mah.

Nau Mprơ Ơm 68:29

Tă bơh ngih Brah May ta ƀon Yêrusalem, Phung hađăch mra njŭn leo mpa nhhơr ma May.

Nau Mprơ Ơm 72:10

Phung hađăch n'gor Tarsis jêh ri phung kô dak rlai Mra chê̆ pi ma hađăch. Hađăch bơh Saba jêh ri Sêba Mra djôt ndơ văch ăn ma hađăch.

Nau Mprơ Ơm 72:15

Ăn hađăch dơi gŭ rêh jŏ! Jêh ri lĕ rngôch bunuyh ta ntu mra nhhơr mah bơh Sêba ma hađăch, Ăn bu mra mbơh sơm ma hađăch ƀaƀơ. Jêh ri ăp nar ăn nau ueh uĭn ma hađăch.

Nau Ngluh Êjipt 30:34

Brah Yêhôva lah tay ma Y-Môis: “Dŏng hom lĕ ndơ ƀâu kah tâm ban ƀâu kah stakê, ƀâu kah ônika, ƀâu kah galbanum jêh ri ndơ ƀâu kah njŭng, ăp ntil mra dơi nhueh njing tâm ban;

Nau Hôr 20:15

Geh mah jêh ri âk lŭ khlay, Ƀiălah mpiăt blau mĭn jêng ndơ khlay ngăn ngên.

Nơm Nti 2:8

Gâp ăt prăp nkrem prăk, mah jêh ri drăp ndơ khlay phung hađăch, jêh ri tă bơh lĕ n'gor. Gâp geh âk phung mprơ bu ur bu klâu. Bi nau bu klâu ŭch rŏng gâp geh âk ur yông jêh ri bu ur ueh.

Mathay 2:11

Lăp tâm ngih, khân păng saơ kon se jê̆ ndrel mê̆ Păng H'Mari, khân păng chon mon yơk mbah Păng. Jêh nây khân păng pơk hip ndơ khlay, nhhơr ma Păng lĕ ndơ nhhơr jêng mah, ntăk si ƀâu kah jêh ri dak si tăng.

Nau Tâm Mpơl 21:11

ral ang nau chrêk rmah Brah Ndu; nau ral ang ƀon nây nâm bu du mlâm găr lŭ khlay ngăn, nâm bu lŭ khlay jaspidi ang rsang ngăn.