I Phung Hađăch 1:9 - Nau Brah Ndu Ngơi 2023

⁹ Y-Adônija nhhơr mpa ƀư brah ma biăp, ndrôk, jêh ri mpô mpa lay êp ta meng lŭ Sôhêlet, dăch dak n'hor Ên-Rôgel. Păng jă lĕ rngôch phung oh nâu păng jêng phung kon bu klâu hađăch, jêh ri lĕ rngôch phung kôranh Yuđa pah kan tâm ngih hađăch hăn tât râng ndrel.

I Phung Hađăch 1:9 ပူးပေါင်းရင်းမြစ်များ

II Samuel 17:17

Y-Jônathan jêh ri Y-Ahimas gŭ kâp ma nau mhe ta Ên-Rôgel, khân păng mâu hăn lăp tâm ƀon yorlah klach bu saơ. Du huê oh mon bu ur hăn văch mbơh ma bar hê ăn khân păng gay khân păng mbơh tay ma hađăch Đavit.

I Phung Hađăch 1:19

Y-Adônija lĕ nhhơr mpa ƀư brah jêh ma ndrôk nkuăng, mpô mpa lay, jêh ri biăp âk ngăn. Kon bu klâu hađăch jă đŏng lĕ rngôch phung kon bu klâu hađăch êng êng, nđâp ma kôranh ƀư brah Y-Abiathar jêh ri kôranh chiă uănh lĭng tahan jêng Y-Jôap, ƀiălah păng mâu jă ôh Y-Salômôn, oh mon may.

I Phung Hađăch 1:25

Yor nây, nar aơ, kon bu klâu hađăch hŏ hăn trŭnh nhhơr mpa ƀư brah jêh ma ndrôk, mpa lay, jêh ri biăp âk ngăn, jêh nây lĕ jă jêh lĕ rngôch phung kon bu klâu hađăch, phung kôranh lĭng tahan, jêh ri kôranh ƀư brah Y-Abiathar. Ri, khân păng sông sa nhêt tanăp măt Y-Adônija jêh ri nter lah: ‘Hađăch Adônija mro mrăng!’

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Mathay 22:4

Hađăch njuăl tay phung oh mon êng jêh ri ntăm pô aơ: ‘Lah hom ma phung gâp jă jêh pô aơ: Nĕ, gâp ndrăp lor jêh, ndrôk jêh ri lĕ mpô mpa lay ƀư puăch jêh, lĕ rngôch ndơ rơm ndrăp jêh. Văch hom râng nau nhêt sông.’

Yôsuê 15:7

N'har nây hao tât ma Dêbir, ntơm bơh rlŭng Akôr hăn tât ma mpeh pa lơ, ndăch mpeh Gilgal, tâm tham sop Adumim mpeh pa dâng tâm rlŭng; jêh nây hăn ƀoi tu dak Ên-Sêmes jêh ri tât Ên-Rôgel.

Yôsuê 18:16

jêh nây hăn trŭnh ta jâng yôk tâm tham rlŭng Ben-Hinôm, mpeh pa lơ rlŭng Rêphaim. Păng hăn trŭnh rlŭng Hinôm ta pakơi ƀon phung Jêbusit, mpeh rđŭng, jêh nây trŭnh tât ta Ên-Rôgel.