I Phung Hađăch 1:52 - Nau Brah Ndu Ngơi 2023

⁵² Y-Salômôn lah: “Tơlah păng mpơl păng nơm jêng du huê bunuyh mleh ngăn, mâu geh ôh du brai sŏk păng mra rŭng ôh ta neh. Ƀiălah tơlah bu joi saơ geh saơ nau djơh mhĭk tâm păng, nanê̆ păng mra khĭt.”

I Phung Hađăch 1:52 ပူးပေါင်းရင်းမြစ်များ

II Samuel 14:11

Bu ur lah: “Dăn ma hađăch kah gĭt ma Yêhôva Brah Ndu hađăch gay king lơi nơm har plơng ma mham lơi hôm ƀư tay nau tâm nkhĭt ôh, jêh ri khân păng mâu mra nkhĭt kon bu klâu gâp ôh.” Hađăch lah: “Nanê̆ tĭng nâm Brah Yêhôva gŭ rêh mro mrăng, mâu geh du rse sŏk kon bu klâu ay mra rŭng ôh ta neh!”

I Phung Hađăch 1:51

Geh bunuyh hăn nkoch ma Y-Salômôn pô aơ: “Aơ, Y-Adônija klach ma hađăch Salômôn. Păng hŏ kuăn ta nke nơng ƀư brah jêh ri lah pô aơ: ‘Nar aơ, dăn ma hađăch Salômôn sơm ton ma gâp pô aơ hađăch mâu mra nkhĭt ôh oh mon hađăch ma đao.’”

I Phung Hađăch 1:53

Jêh nây hađăch Salômôn prơh bunuyh hăn ma Y-Adônija đă jŭr bơh nơng ƀư brah. Y-Adônija hăn tât chon mon mbah tanăp măt hađăch Salômôn jêh ri hađăch ntăm: “Plơ̆ sĭt hom ma ngih may.”

Ndrom Samƀŭt bơh Yôp 15:22

Mâu rnơm ôh păng nơm klaih bơh nau ngo klĕng, Ƀiălah mrô ơm nal prăp jêh ma tak đao.

Nau Hôr 13:6

Nau sŏng srăng king bunuyh gŭ rêh tâm nau di, Ƀiălah nau mhĭk n'glưh lơi phung ƀư tih.

Nau Hôr 21:12

Nơm sŏng srăng mêt uănh ngih phung mhĭk; Jêng Nơm nklơ̆ lĕ phung mhĭk tâm nau rêh ni.

Mathay 10:30

Nđâp ma sŏk ta klơ bôk khân may dơi kơp lĕ jêh.

Luka 21:18

Ƀiălah mâu geh du brai sŏk ta bôk khân may mra roh.

Kôranh Oh Mon 27:34

Pôri, gâp nkah khân may sông sa hom gay klaih nau rêh khân may, yorlah mâu geh du rse sŏk ta klơ bôk khân may mra roh rai.”

I Samuel 14:45

Ƀiălah phung ƀon lan lah ma Y-Sôl: “Y-Jônathan jêng nơm hŏ ƀư jêh ma phung Israel geh nau dơi toyh nâm pônây, mâm ƀư Y-Jônathan mra khĭt? Mâu geh pônây ôh! Nanê̆ tĭng nâm Brah Yêhôva gŭ rêh mro mrăng, nđâp lah du rse sŏk klơ bôk păng mâu mra rŭng ta neh ôh, yorlah păng ƀư kan ndrel ma Brah Ndu nar aơ.” Pôri, phung ƀon lan tâm rklaih Y-Jônathan, jêh ri păng mâu geh khĭt ôh.