I Phung Hađăch 1:48 - Nau Brah Ndu Ngơi 2023

⁴⁸ jêh ri mât ton ma Kôranh Brah: ‘Tâm rnê ma Yêhôva Brah Ndu phung Israel, jêng Nơm hŏ ăn ma du huê gŭ ta sưng hađăch gâp nar aơ, măt gâp nơm uănh saơ.’”

I Phung Hađăch 1:48 ပူးပေါင်းရင်းမြစ်များ

Nau Ntơm 14:20

Tâm rnê ma Brah Ndu Dŭt Prêh Nơm hŏ jao phung rlăng tâm ti may!” Y-Abram nhhơr ma hađăch du kô̆ tâm jât lĕ ndơ sŏk jêh.

II Samuel 24:3

Ƀiălah Y-Jôap lah ma hađăch: “Dăn ma Yêhôva Brah Ndu hađăch ƀư ma phung ƀon lan ntop du rhiăng tơ̆ âk lơn ma aƀaơ ri, jêh ri măt hađăch jêng kôranh gâp ăt hôm e saơ nau ntop âk nây! Ƀiălah mâm ƀư hađăch jêng kôranh gâp ŭch ƀư tay nau aơ?”

II Samuel 7:12

Tơlah nar may lĕ jêh, jêh ri may bê̆ch ndrel ma phung chô yau may, Gâp mra njêng noi deh may chiă uănh ntrok may, jêng noi deh may; jêh ri Gâp mra ƀư nâp ktang ma ƀon bri hađăch păng.

I Phung Hađăch 1:49

Nôk nây, lĕ rngôch phung râng nhêt sông ndrel ma Y-Adônija klach râm sâr da dê jêh ri dâk, ăp nơm hăn trong êng êng.

I Phung Hađăch 2:4

Nâm bu pônây, Brah Yêhôva mra ƀư tât di ngăn nau Păng ngơi jêh ma gâp pô aơ: ‘Tơlah phung kon sau may njrăng ma trong khân păng nơm, lĕ nuih n'hâm, lĕ huêng hăn tâm nau răp jăp tanăp măt Gâp, may mâu mra pưt ôh du huê nuyh gŭ ta sưng hađăch phung Israel.’

I Phung Hađăch 3:6

Y-Salômôn lah: “Kôranh Brah hŏ mpơl jêh nuih n'hâm ueh toyh ma oh mon May jêng Y-Đavit, mbơ̆ gâp, tâm ban păng hŏ chuat hăn tanăp May tâm nau răp jăp, nau sŏng srăng jêh ri nuih n'hâm nau di. Kôranh Brah mpơl tay đŏng nuih n'hâm ueh toyh aơ ma păng, tơlah ăn ma păng du huê kon bu klâu gŭ ta sưng hađăch păng tâm ban hŏ geh nar aơ.

I Phung Hađăch 8:20

Aƀaơ aơ, Brah Yêhôva hŏ ƀư jêng ngăn jêh nau Păng hŏ ton, yorlah gâp hŏ chiă uănh thoi ntrok Y-Đavit, mbơ̆ gâp, jêh ri gŭ ta sưng hađăch Israel di tĭng nâm Brah Yêhôva hŏ ntăm jêh. Gâp hŏ ndâk jêh ngih brah nây ma amoh Brah Yêhôva, jêng Brah Ndu Phung Israel.

I Nau Rêh Jêng 17:17

Hơi Brah Ndu! Nau aơ jêng du ndơ jê̆ tanăp măt May, pôri May hôm ton ăn nau ueh uĭn ma ngih oh mon May ma âk rô̆ rlet kăndơ̆, jêh ri kơp jêh gâp nâm bu bunuyh geh nau yơk! Hơi Yêhôva Brah Ndu,

I Nau Rêh Jêng 29:10

Tra năp lĕ rngôch phung tâm rƀŭn, Y-Đavit mât ton ma Brah Yêhôva pô aơ: “Hơi Yêhôva Brah Ndu chô yau hên jêng Israel! Mât ton ma May kŏ tât ƀaƀơ n'ho ro!

I Nau Rêh Jêng 29:20

Y-Đavit lah ma lĕ rngôch phung tâm rƀŭn: “Mât ton hom ma Yêhôva Brah Ndu khân may.” Lĕ rngôch phung tâm rƀŭn mât ton ma Yêhôva Brah Ndu phung chô yau khân păng, khân păng kŭnh bôk yơk mbah ma Brah Yêhôva, jêh ri kŭnh mbah panăp hađăch.

Nêhêmi 9:5

Phung Lêvi jêng Y-Jêsua, Y-Katmiêl, Y-Bani, Y-Hasapnia, Y-Sêrêbia, Y-Hôdia, Y-Sêbania, jêh ri Y-Pêthahia lah: “He dâk hom, tâm rnê ma Yêhôva Brah Ndu he, Jêng Nơm n'ho ro! Mât ton tâm rnê amoh chrêk rmah May, Amoh geh nau yơk lơn ma lĕ rngôch nau mât ton jêh ri nau tâm rnê.

Nau Mprơ Ơm 145:2

Ăp nar gâp mra tâm rnê ma May. Tâm rnê ma amoh May tât ƀaƀơ n'ho ro.

Nau Mprơ Ơm 34:1

Gâp mra tâm rnê ma Brah Yêhôva ƀaƀơ, Nau tâm rnê ma Păng gŭ tâm bâr mbung gâp mro mrăng.

Nau Mprơ Ơm 41:13

Mât ton ma Brah Yêhôva Brah Ndu phung Israel, Ntơm bơh rnôk n'ho ro tât rnôk n'ho ro Amen! Amen!

Nau Hôr 17:6

Đon hađăch ma phung bu ranh, nây jêng phung kon sau, Bi nau mƀrơn phung kon sau, nây jêng phung chô yau.

Daniel 4:34

Tơlah lôch jêh nar nây, gâp, Y-Nêbukatnetsar, n'gơr măt ta klơ trôk, nau gĭt rbăng plơ̆ sĭt tay, gâp tâm rnê lah ueh ma Nơm Dŭt Prêh. Gâp mprơ tâm rnê jêh ri mât ton Nơm Rêh N'ho Ro. Nau dơi Păng chiă uănh jêng nau dơi n'ho ro, Ƀon bri hađăch Păng ntơm bơh rnôk aơ tât rnôk ri.

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.

I Pêtrôs 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,

I Samuel 25:32

Y-Đavit lah ma H'Abigêl: “Tâm rnê ngăn ma Yêhôva Brah Ndu phung Israel, yorlah nar aơ Păng prơh hăn jêh ay hăn tât tâm mâp đah gâp!