I Phung Hađăch 1:37 - Nau Brah Ndu Ngơi 2023

³⁷ Tâm ban Brah Yêhôva gŭ jêh ndrel ma hađăch kôranh gâp, pônây đŏng dăn Păng gŭ ndrel ma Y-Salômôn, jêh ri ƀư ăn sưng hađăch păng jêng toyh lơn ma sưng hađăch Đavit, jêng kôranh gâp!”

I Phung Hađăch 1:37 ပူးပေါင်းရင်းမြစ်များ

II Samuel 24:3

Ƀiălah Y-Jôap lah ma hađăch: “Dăn ma Yêhôva Brah Ndu hađăch ƀư ma phung ƀon lan ntop du rhiăng tơ̆ âk lơn ma aƀaơ ri, jêh ri măt hađăch jêng kôranh gâp ăt hôm e saơ nau ntop âk nây! Ƀiălah mâm ƀư hađăch jêng kôranh gâp ŭch ƀư tay nau aơ?”

I Phung Hađăch 1:36

Y-Bênaya, kon bu klâu Y-Jêhôida plơ̆ sĭt lah ma hađăch: “Amen! Dăn ma Yêhôva Brah Ndu hađăch jêng kôranh gâp ŭch lah tâm ban pônây đŏng.

I Phung Hađăch 1:47

Rlau lơn ma nĕ, phung oh mon hađăch văch tât mât ton ma hađăch Đavit, kôranh he, pô aơ: ‘Dăn ma Brah Ndu may ƀư ma amoh Y-Salômôn lư n'găr lơn ma amoh may, jêh ri ƀư ăn sưng hađăch Salômôn tâm nau toyh lơn ma sưng hađăch may!’ Jêh nây Y-Đavit nơm chon mon ta klơ sưng bê̆ch păng,

II Phung Hađăch 2:9

Tơlah lĕ rgăn jêh kơh tê̆, Y-Êli lah ma Y-Êlisê pô aơ: “Dăn hom moh nau may ŭch ma gâp ƀư ma may, êlor ma bu leo gâp hao tă bơh may.” Y-Êlisê lah: “Gâp dăn ma may, ăn gâp ndơn bar tơ̆ rlau lơn huêng brah may.”

I Nau Rêh Jêng 28:20

Y-Đavit lah tay ma Y-Salômôn, kon păng nơm pô aơ: “Ktang hom jêh ri nâp nuih n'hâm ƀư nau nây! Lơi klach ôh, lơi rdja nuih n'hâm ôh, yorlah Yêhôva Brah Ndu, jêng Brah Ndu gâp, gŭ ndrel ma may, Păng mâu mra chalơi may, mâu đŏng du luh bơh may, ma tât lôch jêh lĕ rngôch nau kan ndâk ngih Brah Yêhôva.

I Nau Rêh Jêng 29:25

Brah Yêhôva ƀư ma Y-Salômôn geh nau yơk tanăp măt lĕ rngôch phung Israel, jêh ri ăn nau hit rnam ma hađăch, kŏ tât tâm phung Israel mâu mâp geh ôh ma du hađăch lor panăp păng dơi tâm ban pônây.

II Nau Rêh Jêng 1:1

Y-Salômôn, kon bu klâu Y-Đavit, djôt nâp nau chiă uănh tâm ƀon bri hađăch păng, yorlah Yêhôva Brah Ndu păng gŭ ndrel ma păng jêh ri ăn păng dơi jêng toyh ngăn ngên.

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 46:7

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 72:8

Păng mra chiă uănh bơh dak mƀŭt aơ, tât ta dak mƀŭt ri, Bơh Dak Krong kŏ tât dŭt rplay neh.

Nau Mprơ Ơm 89:27

Gâp mra ăn păng ƀư kon bu klâu bôk rah Gâp. Jêng hađăch klơ lơn ma phung hađăch ta neh ntu.

Nau Ngluh Êjipt 3:12

Brah Ndu lah: “Gâp mra gŭ ndrel ma may. Aơ jêng nau tâm mbên gay ma may gĭt nal Gâp hŏ đă may hăn: Jêh may hŏ njŭn leo phung ƀon lan luh bơh n'gor Êjipt, jêh ri khân may mra yơk mbah Brah Ndu ta klơ yôk aơ.”

Êsai 8:10

Tâm nchră hom ndrăng khân may, ƀiălah nau nây bu ƀư rai lơi; Mpơl hom nau dăp ƀư, ƀiălah nau nây mâu mra nâp ôh, Yorlah Brah Ndu gŭ ndrel he.

Daniel 7:14

Nơm Gŭ Rêh Bơh Rnôk Kăl E ăn ma nơm nây nau dơi chiă uănh, Nau chrêk rmah jêh ri ƀon bri hađăch. Ma lĕ rngôch phung ƀon lan, lĕ rngôch bri dak, lĕ rngôch nau ngơi Pah kan ma nơm nây da dê. Nau Păng chiă uănh jêng nau dơi n'ho ro, Mâu mra rlau lôch ôh, Jêh ri ƀon bri hađăch Păng mâu mra rai ôh, Mâu mra rai ôh.”

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

Yôsuê 1:17

Hên mra tông bâr may tâm lĕ nau kan nâm bu hên hŏ tông bâr jêh ma Y-Môis. Knŏng ŭch Yêhôva Brah Ndu may gŭ ndrel ma may, tâm ban Păng hŏ gŭ ndrel jêh ma Y-Môis!

Yôsuê 1:5

Du bông nau rêh may mâu mra geh ôh nơm dơi tâm rdâng đah may. Gâp mra gŭ ndrel ma may tâm ban Gâp hŏ gŭ ndrel jêh ma Y-Môis; Gâp mâu mra ƀah ngai đah may ôh, mâu chalơi may.

I Samuel 20:13

bi tơlah mbơ̆ gâp sŏl ko ƀư mhĭk ma may, gâp mra ăn may gĭt lor, ăn may du, jêh ri may mra hăn đăp mpăn. Tơlah mâu, dăn ma Brah Yêhôva rmal jâk jêr ma Y-Jônathan! Dăn ma Brah Yêhôva gŭ ndrel ma may, nâm bu Păng hŏ gŭ ndrel ma mbơ̆ gâp!