I Phung Hađăch 1:36 - Nau Brah Ndu Ngơi 2023

³⁶ Y-Bênaya, kon bu klâu Y-Jêhôida plơ̆ sĭt lah ma hađăch: “Amen! Dăn ma Yêhôva Brah Ndu hađăch jêng kôranh gâp ŭch lah tâm ban pônây đŏng.

I Phung Hađăch 1:36 ပူးပေါင်းရင်းမြစ်များ

II Samuel 8:18

Y-Bênaya, kon Y-Jêhôida, jêng kôranh chiă uănh ma phung Chêrêthit jêh ri phung Pêlêthit; hôm phung kon bu klâu Y-Đavit jêng kôranh ƀư brah.

I Phung Hađăch 1:35

‘Hađăch Salômôn mro mrăng!’ Khân may mra hăn hao tĭng pakơi hađăch, jêh nây hađăch mra văch gŭ ta sưng hađăch gâp, chiă uănh ntrok gâp. Nây jêng nơm gâp hŏ njêng jêh ƀư hađăch phung Israel jêh ri phung Yuđa.”

I Phung Hađăch 1:37

Tâm ban Brah Yêhôva gŭ jêh ndrel ma hađăch kôranh gâp, pônây đŏng dăn Păng gŭ ndrel ma Y-Salômôn, jêh ri ƀư ăn sưng hađăch păng jêng toyh lơn ma sưng hađăch Đavit, jêng kôranh gâp!”

I Nau Rêh Jêng 17:27

Aƀaơ aơ, dăn ma Kôranh Brah ăn nau ueh uĭn ma nau oh mon May chiă uănh dơi gŭ ƀaƀơ n'ho ro tanăp may; yorlah, hơi Brah Yêhôva, lah May ăn nau ueh uĭn nau nây mra geh tât ƀaƀơ n'ho ro.”

Nau Mprơ Ơm 18:2

Brah Yêhôva jêng lŭ toyh ma gâp, pôih nâp gâp jêh ri jêng Nơm tâm rklaih gâp. Brah Ndu gâp jêng lŭ toyh gâp, gâp gŭ krap tâm May Păng jêng khêl, jêng nke ma nau tâm rklaih, jêh ri jêng ntŭk gâp gŭ krap tâm ban lĕ.

Nau Mprơ Ơm 63:1

Ơ Brah Ndu, May jêng Brah Ndu gâp, Gâp joi May ma lĕ nuih n'hâm Tâm ban ma ntŭk neh sơh, đang, mâu geh dak. Huêng gâp ji hir ma May, Săk jăn gâp ŭch rŏng May.

Nau Mprơ Ơm 72:19

Khư mprơ tâm rnê amoh chrêk rmah Păng tât n'ho ro! Ăn lam neh ntu dơi bêng ma nau chrêk rmah Păng! Amen! Amen!

Nau Mprơ Ơm 89:20

Gâp joi hŏ dơi saơ jêh Y-Đavit jêng oh mon Gâp, Tŏ ăn păng ma Dak ƀâu kah kloh ueh Gâp,

Nau Mprơ Ơm 89:26

Păng mra kuăl Gâp pô aơ: ‘Păng jêng Mbơ̆ ma gâp, Jêng Brah Ndu gâp jêh ri lŭ toyh nau tâm rklaih gâp.’

Yêrêmi 11:5

Pôri, Gâp dơi ƀư nau ton jêh Gâp hŏ ton ma phung chô yau khân may, jêng ăn ma khân păng du n'gor bri bêng ma dak toh jêh ri dak sŭt, nâm bu hŏ geh jêh nar aơ.’” Gâp plơ̆ lah: “Ơ Brah Yêhôva! Amen!”

Yêrêmi 28:6

Nơm mbơh lor Y-Yêrêmi, lah: “Amen! Dăn Brah Yêhôva ƀư nâm bu pônây! Dăn Brah Yêhôva ăn tât ngăn nau may hŏ mbơh lor jêh, jêh ri djôt lĕ ndơ dŏng tâm ngih Yêhôva ndrel ma lĕ rngôch phung bu nă plơ̆ sĭt ta ntŭk aơ tă bơh bri Babilôn!

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

I Kôrintô 14:16

Mâu lah, tơlah may tâm rnê ma huêng mâm ƀư phung bunuyh vay gŭ iăt dơi ngơi: “Amen” ma nau may lah ueh, tơlah khân păng mâu gĭt rbăng nau may ngơi?

I Samuel 25:29

Tơlah geh nơm ŭch tĭng nhŭp may jêh ri joi nau ngroh lơi nau rêh kôranh, pôri Yêhôva Brah Ndu may mra nkŭm nau rêh kôranh; bi nau rêh phung rlăng may Brah Yêhôva mra klŭp mƀăr ngai nâm bu klŭp lŭ tă bơh ntâu rvĭt.