I Phung Hađăch 1:33 - Nau Brah Ndu Ngơi 2023

³³ Jêh nây hađăch lah ma khân păng: “Djôt leo hom phung oh mon kôranh khân may hăn tĭng, chông Y-Salômôn, kon bu klâu gâp, hao ncho seh bri gâp nơm, jêh nây njŭn păng trŭnh ta dak n'hor Gihôn.

I Phung Hađăch 1:33 ပူးပေါင်းရင်းမြစ်များ

Nau Ntơm 41:43

Hađăch ăn Y-Yôsep gŭ ta klơ ndeh seh ta ntŭk prăp ma bunuyh mrô bar pakơi hađăch păng jêh ri geh bunuyh hăn lor troh panăp: “Chon hom kômâk!” Kơt nây, hađăch njêng jêh Y-Yôsep chiă uănh lĕ n'gor Êjipt.

II Samuel 13:29

Pôri, lĕ phung oh mon Y-Apsalôm ƀư ma Y-Amnôn di tĭng nâm nau Y-Apsalôm hŏ ntĭnh jêh. Rnôk nây, lĕ rngôch phung kon bu klâu hađăch dâk da dê, ăp nơm ncho seh bri păng nchuăt du.

I Phung Hađăch 1:38

Pôri kôranh ƀư brah Y-Sadôk hăn trŭnh ta Gihôn ndrel ma nơm mbơh lor Y-Nathan, Y-Bênaya kon bu klâu Y-Jêhôida, phung Chêrêthit jêh ri phung Pêlêthit. Khân păng chông Y-Salômôn hao ncho seh bri hađăch Đavit jêh ri njŭn leo trŭnh ta dak n'hor Gihôn.

I Phung Hađăch 1:5

Rnôk nây Y-Adônija, kon bu klâu H'Hagit, n'hao êng păng nơm pô aơ: “Gâp mra jêng hađăch.” Păng ndrăp ma păng nơm du bôk ndeh, seh tâm lơh, jêh ri prăm jât nuyh nchuăt panăp păng.

I Phung Hađăch 2:35

Hađăch njêng Y-Bênaya, kon bu klâu Y-Jêhôida, jêng kôranh chiă uănh tahan ntrok ma Y-Jôap, jêh ri hađăch njêng Y-Sadôk jêng kôranh ƀư brah ntrok ma Y-Abiathar.

I Nau Rêh Jêng 29:22

Tâm nar nây, khân păng sông sa nhêt sa răm maak ngăn tanăp Brah Yêhôva. Tơ̆ rơh bar, khân păng n'hao ăn kon bu klâu Y-Đavit jêng Y-Salômôn hao ƀư hađăch. Khân păng sŏk amoh Brah Yêhôva gay tŏ dak ƀâu kah ma Y-Salômôn ƀư hađăch jêh ri ăn Y-Sadôk jêng kôranh ƀư brah.

II Nau Rêh Jêng 32:30

Y-Hêsêkia yơh bât n'hor dak Gihôn, jêh ri n'hoch păng hoch mŭr tâm dâng neh mpeh nhâp nar ƀon Đavit. Tâm lĕ kan Y-Hêsêkia ƀư dơi chăt jêng da dê.

II Nau Rêh Jêng 33:14

Jêh nau nây, păng ƀư mpêr padih ƀon Đavit, mpeh ma nhâp nar ƀon Gihôn, tâm rlŭng, tât ma ntŭk lăp mpông pêr ka, jêh ri văr jŭm ƀon Ôphel; hađăch ndâk mpêr nây prêh ngăn. Jêh nây păng đă phung kôranh chiă uănh tahan tâm lĕ rngôch ƀon geh pôih nâp tâm n'gor Yuđa.

Kan Lêvi 19:19

Ăn khân may djôt prăp lĕ nau vay Gâp dăp. Lơi ăn ôh ntil mpa nây tâm gar ma ntil mpa êng; lơi srih bar ntil găr tâm mir khân may jêh ri mâu lĕ dơi nsoh kho ao bu tanh ma bar ntil brai êng êng.