I Phung Hađăch 1:30 - Nau Brah Ndu Ngơi 2023

³⁰ Di nâm gâp hŏ sŏk amoh Yêhôva Brah Ndu phung Israel sơm ton jêh ma may pô aơ: ‘N'hêl nanê̆ kon bu klâu may jêng Y-Salômôn mra chiă uănh thoi ntrok gâp, păng mra gŭ ta sưng hađăch ntrok gâp’, pônây ro nar aơ, gâp mra ƀư nau nây.”

I Phung Hađăch 1:30 ပူးပေါင်းရင်းမြစ်များ

I Phung Hađăch 1:13

Hăn hom mpơl măt tanăp hađăch Đavit jêh ri lah pô aơ: ‘Hơi hađăch, kôranh gâp! Mâu di hĕ hađăch lĕ sơm ton đah oh mon bu ur may pô aơ: “Kon bu klâu may jêng Y-Salômôn nanê̆ mra chiă uănh thoi ntrok may jêh ri păng mra gŭ ta sưng hađăch gâp?” Pônây, mâm dĭng Y-Adônija ƀư đŏng hađăch?’

I Phung Hađăch 1:17

Păng plơ̆ lah ma păng: “Hơi kôranh gâp! May nơm lĕ sŏk amoh jêh Yêhôva Brah Ndu may gay sơm ton ma oh mon bu ur may pô aơ: ‘Y-Salômôn, kon bu klâu may mra chiă uănh thoi ntrok gâp, jêh ri mra gŭ ta sưng hađăch.’

I Phung Hađăch 2:12

Y-Salômôn gŭ ta sưng hađăch mbơ̆ păng jêng Y-Đavit, jêh ri ƀon bri hađăch păng nâp ktang.

I Nau Rêh Jêng 28:5

Brah Yêhôva ăn jêh ma gâp geh âk kon bu klâu; tâm lĕ rngôch phung kon bu klâu gâp, Păng săch jêh Y-Salômôn, kon gâp, ăn gŭ ta sưng hađăch ƀon bri hađăch Brah Yêhôva chiă uănh phung Israel.

I Nau Rêh Jêng 29:23

Nôk nây, Y-Salômôn gŭ ta sưng hađăch Brah Yêhôva, ƀư hađăch ntrok Y-Đavit, mbơ̆ păng. Păng dơi ndrŏng ngăn ngên jêh ri lĕ rngôch phung Israel tông da dê ma nau păng ntăm.

I Nau Rêh Jêng 29:28

Hađăch khĭt, ranh jŏ rêh jêh ri geh nau mpay tâm nau rêh păng, ma nau ndrŏng jêh ri geh nau bu yơk. Y-Salômôn, kon bu klâu păng, gŭ ta sưng hađăch chiă uănh ntrok păng.

Nơm Nti 8:4

Nau hađăch geh nau dơi nanê̆ ngăn ngên, mbu nănh dơi ôp hađăch pô aơ: “Moh ndơ hađăch ƀư nây?”