I Phung Hađăch 1:29 - Nau Brah Ndu Ngơi 2023

²⁹ Y-Đavit sơm ton pô aơ: “Tĭng nâm Brah Yêhôva gŭ rêh mro mrăng, Nơm hŏ sâm rklaih jêh gâp luh tă bơh lĕ rngôch nau rêh ni, mbơh ma gâp!

I Phung Hađăch 1:29 ပူးပေါင်းရင်းမြစ်များ

Nau Ntơm 48:16

Jêng Tông Mpăr hŏ rklaih jêh gâp bơh lĕ nau mhĭk, Dăn Kôranh Brah ăn nau ueh uĭn ma bar hê kon se aơ, Ăn khân păng sŏk amoh gâp Jêh ri chô yau gâp jêng Y-Abraham jêh ri Y-Isăk. Ăn ma khân păng jêng bĭk rơ̆ âk râk klơ neh ntu!”

II Samuel 12:5

Y-Đavit hao ji nuih ngăn ma bunuyh ndrŏng nây, jêh ri lah ma Y-Nathan: “Nanê̆ tĭng nâm Brah Yêhôva gŭ rêh mro mrăng, bunuyh hŏ ƀư nau nây khư nau khĭt yơh!

II Samuel 4:9

Ƀiălah Y-Đavit plơ̆ sĭt lah ma Y-Rêkap jêh ri Y-Bana, phung kon Y-Rimôn ta Bêrôt: “Nanê̆ tĭng nâm Brah Yêhôva gŭ rêh mro mrăng, jêng Nơm rklaih jêh gâp tă bơh lĕ rngôch nau rêh ni,

I Phung Hađăch 1:28

Hađăch Đavit lah: “Kuăl hom H'Batsêba ma gâp.” Păng lăp jêh ri dâk tanăp măt hađăch.

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

I Phung Hađăch 18:10

Gâp ton tâm amoh Yêhôva Brah Ndu may gŭ rêh mro mrăng, kôranh gâp đă lĕ rngôch ƀon lan, lĕ bri dak hăn gay joi may. Jêh ri tơlah bu plơ̆ lah pô aơ: ‘Y-Êli mâu geh ta nây ôh,’ pôri hađăch ăn ƀon bri hađăch nây jêh ri ƀon lan nây ton săk khân păng mâu prot geh tâm mâp ôh đah may.

I Phung Hađăch 2:24

Aƀaơ ri, gâp sŏk amoh Brah Yêhôva gŭ rêh mro mrăng, Nơm hŏ njêng jêh gâp dơi nâp, hŏ ƀư ăn gâp ta sưng Y-Đavit, mbơ̆ gâp, jêh ri njêng ma gâp du nau chiă uănh, di nâm nau Păng hŏ ton, gay sơm ton pô aơ: bu mra nkhĭt Y-Adônija nar aơ ro.”

II Phung Hađăch 4:30

Ƀiălah mê̆ kon se jê̆ nây lah: “Gâp sŏk amoh Brah Yêhôva gŭ rêh mro mrăng, jêh ri sŏk amoh nau rêh may gay sơm ton pô aơ, gâp mâu mra du tă bơh may ôh.” Pôri, Y-Êlisê dâk jêh ri hăn tĭng ndô̆ păng.

II Phung Hađăch 5:16

Ƀiălah Y-Êlisê lah: “Gâp sŏk amoh Brah Yêhôva gŭ rêh mro mrăng, jêng Nơm gâp pah kan, gay sơm ton pô aơ gâp mâu dơn du ntil ndơ ôh.” Y-Naaman bonh leng Y-Êlisê dơn ndơ nây, ƀiălah păng dun.

II Phung Hađăch 5:20

oh mon Y-Êlisê, bunuyh Brah Ndu, jêng Y-Gêhasi mĭn tâm nuih n'hâm: “Aơ, kôranh gâp hŏ njrăng jêh mâu ŭch dơn ôh ndơ Y-Naaman, bunuyh Aram, bơh ti păng nơm djôt tât. Gâp sŏk amoh Brah Yêhôva gŭ rêh mro mrăng gay sơm ton pô aơ gâp mra nchuăt tĭng Y-Naaman gay sŏk dơn ndơ păng!”

Nau Mprơ Ơm 136:24

Păng tâm rklaih hên bơh phung rlăng, Yor nuih n'hâm ueh Păng hôm tât n'ho ro.

Nau Mprơ Ơm 138:7

Nđâp tơlah gâp hăn tâm nklang nau uh ah, May ăt mât mray nau rêh gâp; May mra yơr ti May tâm rdâng ma nau phung rlăng ji nuih gâp, Jêh ri ti ma May tâm rklaih gâp.

Nau Mprơ Ơm 72:14

Păng mra rklaih tâm nau rêh khân păng bơh nau tŭn jot jêh ri nau ƀai; Mham khân păng jêng khlay tâm dâng măt păng.

Phung Kôranh Phat Dôih 8:19

Y-Gidêôn lah: “Khân păng jêng oh nâu gâp, phung kon bu klâu mê̆ gâp. Nanê̆, gâp sơm ton tanăp Brah Yêhôva gŭ rêh mro mrăng, tơlah khân may om oh nâu gâp gŭ rêh, nar aơ gâp mâu mra nkhĭt ôh khân may!”

I Samuel 14:39

Yorlah tĭng nâm Brah Yêhôva gŭ rêh mro mrăng, jêng Nơm tâm rklaih phung Israel, phung hŏ ƀư tih jêh nđâp lah nây jêng Y-Jônathan, kon bu klâu gâp, nanê̆ păng mra khĭt!” Mâu geh du huê nuyh tâm phung ƀon lan plơ̆ sĭt lah ôh ma păng.

I Samuel 14:45

Ƀiălah phung ƀon lan lah ma Y-Sôl: “Y-Jônathan jêng nơm hŏ ƀư jêh ma phung Israel geh nau dơi toyh nâm pônây, mâm ƀư Y-Jônathan mra khĭt? Mâu geh pônây ôh! Nanê̆ tĭng nâm Brah Yêhôva gŭ rêh mro mrăng, nđâp lah du rse sŏk klơ bôk păng mâu mra rŭng ta neh ôh, yorlah păng ƀư kan ndrel ma Brah Ndu nar aơ.” Pôri, phung ƀon lan tâm rklaih Y-Jônathan, jêh ri păng mâu geh khĭt ôh.

I Samuel 19:6

Y-Sôl tông bâr Y-Jônathan jêh ri sơm ton: “Tĭng nâm Brah Yêhôva gŭ rêh mro mrăng, Y-Đavit mâu mra khĭt ôh!”

I Samuel 20:21

Jêh nây gâp mra prơh hăn oh mon gâp, jêh ri lah ma păng: ‘Hăn dônh hom lĕ hăr nây!’ Tơlah gâp lah ma păng: ‘Ri, lĕ hăr gŭ mpeh đah aơ ntŭk may, sŏk dônh hom!’ Nôk nây ăn may văch yơh, nanê̆ ngăn nâm Brah Yêhôva gŭ rêh mro mrăng, lĕ nau đăp mpăn da dê yơh ma may, mâu geh nau klach krit ôh!