I Pêtrôs 5:9 - Nau Brah Ndu Ngơi 2023

⁹ Gŭ nâp hom tâm nau chroh gay tâm rdâng đah păng, yorlah khân may gĭt jêh ma phung oh nâu geh ndrel nau rnơm tâm lam neh ntu dôl geh nau rêh ni tâm ban khân may nơm đŏng.

Bunong Bible Latin Script Cambodian dialect

⁹ Lơi ôh iăt jan tâng nau păng, ăn khân ay may gŭ nâp rkâk, ăn geh nau nsing nâp, yorlah khân ay may lĕ gĭt jêh, phung oh nô khân ay may ta nau nsing lam neh ntu dja, khân păng geh nau jêr jŏt kơt khân ay may đŏng.

Bunong

⁹ លើយ​អោស​អ្យាត់​ជាន​តឹង​នាវ​ពាង់ អ៝ន់​ខាន់​អៃ​មៃ​គុ​ន៝ប់​រាក៝ក់ អ៝ន់​គែស​នាវ​ញឆីង​ន៝ប់ យ៝រ​លាស​ខាន់​អៃ​មៃ​លែៈ​គឹត​ជេស ផូង​អ៝ស​នោ​ខាន់​អៃ​មៃ​តា​នាវ​ញឆីង​លាម​នែស​នតូ​អ្យា ខាន់​ពាង់​គែស​នាវ​ជេរ​ជ៝ត់​កើត​ខាន់​អៃ​មៃ​ដ៝ង់។

I Pêtrôs 5:9 ပူးပေါင်းရင်းမြစ်များ

Luka 22:32

Ƀiălah Gâp mbơh sơm jêh gay ma may mâu mra pưt nau chroh. Tơlah may plơ̆ sĭt, ƀư hom ma phung oh nâu may ktang.”

Yôhan 16:33

Gâp lah lĕ nau aơ ma khân may, gay ma khân may geh nau đăp mpăn tâm Gâp. Khân may mra geh nau rêh ni tâm neh ntu, ƀiălah khân may nâp hom nuih n'hâm, Gâp hŏ dơi jêh đah neh ntu.”

Kôranh Oh Mon 14:22

Bar hê khân păng ƀư nâp nuih n'hâm phung oh mon, n'hao nuih khân păng djôt nâp nau chroh, jêh ri đă pô aơ: “He găn âk nau rêh ni, ri mơ dơi lăp tâm ƀon bri hađăch Brah Ndu.”

I Kôrintô 10:13

Lĕ nau rlong uănh tât ma khân may, mâu geh du ntil nau rlau ir nau dăng kon bunuyh. Brah Ndu jêng Nơm răp jăp, Păng mâu ăn ma khân may geh nau rlong uănh rlau ir ma n'hâm ktang khân may ôh! Ƀiălah tâm nau rlong uănh, Păng mra pơk trong ma khân may luh, gay ma khân may dơi dơn.

Êphêsô 4:27

lơi dĭng njêng du ntŭk găl ăn brah mhĭk.

Êphêsô 6:16

dŏng nau chroh ƀư khêl ƀaƀơ; tă bơh nĕ khân may dơi nhhât lĕ rngôch hăr ŭnh phung brah mhĭk.

Kôlôh 2:5

Nđâp lah săk jăn gâp ngai bơh khân may, ƀiălah huêng gâp ăt hôm gŭ ndrel ma khân may, gâp maak ngăn saơ oh nâu geh nau gŭ rêh tâm rnglăp jêh ri nau chroh khân may nâp tâm Brah Krist.

I Têsalônik 3:3

gay mâu geh du huê tâm khân may rdja nuih tanăp lĕ nau rêh ni aơ; yorlah khân may nơm hŏ gĭt jêh nây jêng nau nal lor ma he.

I Timôthê 6:12

Ăn yor ma nau chroh tâm lơh janh ktang, pit sŏk nau rêh n'ho ro, jêng nau rêh Brah Ndu kuăl jêh may, jêh ri bơh nây may geh nau mbơh nkoch ueh tanăp phung mbơh.

II Timôthê 3:12

Nanê̆ ngăn, mbu nơm ŭch gŭ rêh nau rêh klach yơk tâm Brah Yêsu Krist mra dơn nau bu ƀư mhĭk.

II Timôthê 4:7

Gâp tâm lơh jêh nau tâm lơh ueh, hŏ lôch jêh nau tâm rlong nchuăt, djôt prăp jêh nau chroh.

ហេឞ្រើ 11:33

Yor ma nau chroh phung bunuyh nây dơi jêh đah ƀon bri hađăch, ƀư nau di, sŏk dơn jêh lĕ nau ton, rdêp trôm mbung yau mŭr,

ហេឞ្រើ 12:8

Ƀiălah tơlah khân may mâu ŭch nau nduyh nkra nâm bu lĕ rngôch phung kon hŏ dơn jêh, khân may jêng kon văng tĭr, mâu di kon tơm ngăn ôh.

Yakơ 4:7

Pôri, tông hom ma Brah Ndu. Tâm rdâng hom đah brah mhĭk, jêh ri păng mra nchuăt du bơh khân may.

I Pêtrôs 1:6

Răm maak hom ma nau nây, nđâp tơlah aƀaơ aơ khân may hôm anh dơn nau rngot rvê tâm ƀât lât tâm âk ngăn nau rlong uănh;

I Pêtrôs 2:21

Khân may geh jêh nau kuăl ma nau nĕ, yorlah Brah Krist anh dơn jêh nau rêh ni ma khân may, prăp ma khân may du nơm leo trong, gay ma khân may hăn tĭng têl jâng Păng;

I Pêtrôs 3:14

Ƀiălah tơlah khân may dơn nau rêh ni yor nau sŏng srăng, khân may geh ueh lăng ngăn. Lơi klach ma nau khân păng klach, mâu đŏng rdja nuih n'hâm;

I Pêtrôs 4:13

Ƀiălah ndah âk khân may geh kô̆ tâm nau rêh ni ndrel ma Brah Krist, răm maak dŭm nây; gay ma tơlah nau chrêk rmah Păng tâm mpơl, khân may geh đŏng nau răm maak, nau hâk răm ngăn.

Nau Tâm Mpơl 1:9

Gâp jêng Y-Yôhan, nâu khân may, bunuyh tâm pă ndrel nau rêh ni, ƀon bri hađăch jêh ri nau srôih ma khân may tâm Brah Yêsu, aƀaơ aơ gâp dôl gŭ ta kôdak rnha jêng Patmôs, yor nau ngơi Brah Ndu jêh ri nau Brah Yêsu mbơh.

Nau Tâm Mpơl 6:11

Ăp nơm tâm phung khân păng bu ăn du blah ao jong nglang, jêh ri bu lah ma khân păng gŭ rlu ƀât lât đŏng, kŏ tât nôk nŭm rnoh phung pah kan ndrel ma khân păng jêh ri oh nâu khân păng mra dơn nau bu nkhĭt tâm ban ma khân păng.

Nau Tâm Mpơl 7:14

Gâp lah ma păng: “Hơi kôranh, may gĭt.” Kôranh bu ranh nây lah ma gâp: “Aơ jêng phung bunuyh luh tă bơh nau rêh ni toyh, hŏ pih jêh ao jêh ri pih tho ăn nglang ao khân păng nơm tâm mham Kon Biăp.