I Pêtrôs 5:8 - Nau Brah Ndu Ngơi 2023

⁸ Ăn gŭ di keh jêh ri gŭ rngeh njrăng; phung rlăng đah khân may jêng phung brah mhĭk, nâm bu yau mŭr ngrông, ndăch nsong jŭm khân may joi mbu nơm păng dơi sa hêk,

Bunong Bible Latin Script Cambodian dialect

⁸ Ăn gŭ rngeh, jêh ri njrăng săk ăn gŭ di keh, yorlah Satăng i nơm rlăng đah khân ay may tâm ban ma yao mŭr ngrông, ndăch jŭm bunuyh, ŭch ma sa hêk.

Bunong

⁸ អ៝ន់​គុ​រាងែស ជេសរី​ញជ្រាង់​ឆាក់​អ៝ន់​គុ​ទី​កែស យ៝រ​លាស​ឆាតាង់​អី​នើម​រាលាង់​ដាស​ខាន់​អៃ​មៃ​តឹម​ឞាន​មា​យៅ​មុរ​ងរោង នទាច់​ជុម​ឞូនុយ្ស អុច​មា​ឆា​ហេក។

I Pêtrôs 5:8 ပူးပေါင်းရင်းမြစ်များ

Êsther 7:6

H'Êsther plơ̆ lah: “Du huê rlăng jêh ri mhĭk jêng Y-Haman djơh aơ yơh!” Rnôk nây, Y-Haman klach ngăn tanăp hađăch jêh ri hađăch bu ur.

Ndrom Samƀŭt bơh Yôp 2:2

Brah Yêhôva ôp Satan: “Mbah ntŭk tă may văch?” Satan plơ̆ lah ma Brah Yêhôva: “Gâp hăn ntŭk aơ ntŭk ri tâm neh ntu, nsong jŭm lam aơ ri.”

Nau Mprơ Ơm 104:21

Kon yau mŭr ngrông dôl joi ndơ sa, Jêh ri joi ndơ Brah Ndu ăn ma khân păng sa.

Nau Mprơ Ơm 109:6

Dăn njuăl bunuyh ƀai tâm rdâng đah păng. Jêh ri dơm du huê bunuyh phong gŭ mpeh pa ma păng.

Nau Hôr 19:12

Nau hađăch nuih nâm bu ngrông yau mŭr, Bi nau yô̆ hađăch nâm bu dak ngom klơ gơ̆ nđĭr.

Nau Hôr 20:2

Nau hađăch ji nuih toyh nâm bu yau mŭr rđuh ngrông; Mbu nơm nsônh hađăch ji nuih jêng ƀư nau mhĭk ma nau rêh păng nơm.

Nau Hôr 28:15

Phung djơh chiă uănh phung ndĭt trơi Tâm ban yau mŭr rđuh ngrông, mâu lah kau hăn tĭng kăp mpa sa.

Êsai 50:8

Nơm kơp Gâp sŏng srăng hŏ tât dăch jêh. Mbu nơm tâm rdâng đah Gâp? Ăn he dâk hom ndrel Gâp! Mbu nơm jêng phung tâm rdâng đah Gâp? Văch hom êp Gâp!

Yêrêmi 2:15

Phung yau mŭr ndăm rah ngrông, Rđuh dŭt huy tâm rdâng đah păng, Ƀư ăn neh păng rgâl jêng rngol; Lĕ rngôch ƀon păng lĕ bu su ma ŭnh, mâu geh bunuyh gŭ.

Yêrêmi 51:38

Khân păng ngrông nâm bu yau mŭr rah, Rđuh nâm bu yau mŭr kon.

Êsêkiêl 19:7

Păng ƀư rlâm pôih nâp khân păng Jêh ri ƀư rai lĕ ƀon toyh khân păng; Bri jêh ri lĕ rngôch mpô mpa gŭ tâm nây jêng rngol da dê, Yor tăng bâr păng rđuh ngrông khân păng.

Êsêkiêl 22:25

Phung kôranh mbơh lor păng njêng nchră ta nklang păng nâm bu du mlâm yau mŭr gŭ ngrông dôl grang hêk mpa păng kăp; khân păng sa rvăn lĕ huêng, sŏk ntŭng drăp ndơ jêh ri ndơ khlay; ƀư ăn phung ndrô ntop âk tâm ƀon.

Daniel 6:24

Tĭng nâm hađăch ntăm, jêh ri phung hŏ phong nchơt Y-Daniel ndrel ma ur kon khân păng bu djôt klŭp tâm ntu yau mŭr. Tơlah khân păng mâu hŏ tât tâm dâng ntu pôri yau mŭr hŏ nhŭp jêh ri hêk nkê̆ch lĕ nting khân păng.

Ndrom Samƀŭt bơh Ôsê 11:10

Khân păng mra chuat tĭng Brah Yêhôva, Păng ngrông nâm bu yau mŭr; Ngăn yơh, Păng mra ngrông, Phung kon păng văch tă bơh mpeh nhâp nar ma nau râm nsâr ngăn.

Ndrom Samƀŭt bơh Ôsê 13:8

Gâp mra mpoh khân păng nâm bu kau me roh kon. Gâp mra sa hêk hăch ntang ntơh khân păng Jêh ri mra sa rvăn khân păng ta nây nâm bu yau mŭr; Mpô mpa bri mra hêk săk khân păng jêng hăch rhên.

Yôel 3:16

Brah Yêhôva mra rđuh bơh Siôn; Păng ƀư ăn nteh huy bâr Păng nơm luh bơh Yêrusalem. Lĕ ndâr trôk jêh ri lĕ rngôch neh ntu mpât n'găr da dê. Ƀiălah Brah Yêhôva jêng ntŭk nde ma phung ƀon lan Păng, Jêng pôih nâp ma phung ƀon lan Israel.

Amôt 1:2

Păng lah: “Tă bơh yôk Siôn, Brah Yêhôva ngrông nter. Tă bơh Yêrusalem, Păng ƀư bâr ngơi huy ngăn. Lĕ ndrêch gơ̆ phung chiăp biăp mra vơl nđor, N'gơn yôk Karmel mra nhop kro.”

Amôt 3:4

Tơlah yau mŭr mâu geh kăp ôh mpa sa, Pôri păng geh rđuh ngrông tâm krŏng lĕ? Tơlah yau mŭr kon mâu geh ndơ sa Pôri păng dơi rđuh ngrông tă bơh ntŭk trôm jru lĕ?

Amôt 3:8

Tơlah yau mŭr rđuh ngrông Pôri mbu nơm mâu klach? Tơlah Kôranh Brah Yêhôva ntĭm nti Pôri mbu nơm mâu ngơi nau mbơh lor?

Sakari 11:3

Iăt hom, geh bâr phung rmăk biăp nhĭm vơl! Yorlah nau chrat ang khân păng lĕ rai jêh; Geh bâr rđuh ngrông bơh phung yau mŭr kon! Yor nau sưr Yurdan hŏ rai jêh!

Sakari 3:1

Brah Yêhôva tâm mpơl đŏng ma gâp saơ kôranh ƀư brah toyh lơn Y-Yôsuê dâk panăp tông mpăr Brah Yêhôva, jêh ri Satan gŭ mpeh pa ma păng ŭch phong păng.

Mathay 13:39

nơm rlăng srih grăp gơ̆ mhĭk jêng brah mhĭk; yan rek jêng nar lôch neh ntu; phung rek jêng phung tông mpăr.

Mathay 24:42

Yor ri, rngeh njrăng hom, yorlah khân may mâu gĭt ôh moh nar Kôranh Brah khân may mra văch.

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Mathay 4:1

Jêh nây, Brah Huêng Ueh njŭn leo Brah Yêsu tâm bri rdah gay ăn brah mhĭk ndơm Păng.

Mathay 4:11

Brah mhĭk du bơh Păng, jêh ri ri, geh phung tông mpăr hăn tât gay pah kan Păng.

Markôs 4:15

Lĕ găr tŭp rŏ trong jêng phung hŏ dơn iăt nau ngơi bu srih jêh, ƀiălah khân păng mhe pơ jêh iăt pôri Satan văch ro, sŏk lơi nau ngơi bu srih jêh tâm nuih n'hâm khân păng.

Luka 21:34

Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,

Luka 21:36

Pôri, rngeh njrăng jêh ri mbơh sơm ƀaƀơ hom, gay khân may tŏng n'hâm suan der luh bơh lĕ nau mra tât geh jêh ri dâk tanăp Kon Bunuyh.”

Luka 22:31

“Hơi Y-Simôn, Y-Simôn, aơ, Satan dăn jêh ŭch mpruh nsiăng khân may nâm bu ba ƀlê.

Yôhan 8:44

Khân may luh tă bơh mbơ̆ khân may jêng brah mhĭk, jêh ri khân may ŭch ƀư tĭng nau kơnh ŭch ma mbơ̆ khân may. Bơh ntơm saơm păng jêng nơm nkhĭt bunuyh, jêh ri mâu gŭ tâm nau ngăn ôh, yorlah nau ngăn mâu geh tâm păng ôh. Lah păng ngơi nau mƀruh jêng ngơi tĭng nuih n'hâm djơh păng nơm, yorlah păng jêng nơm mƀruh jêh ri mbơ̆ nau mƀruh.

II Kôrintô 2:11

gay lơi ăn Satan dơi đah he, yorlah he gĭt jêh lĕ nau plĕch rlăm păng ŭch ƀư.

Êphêsô 4:27

lơi dĭng njêng du ntŭk găl ăn brah mhĭk.

Êphêsô 6:11

Ndrăp hom lĕ rngôch ndơ tâm lơh tă bơh Brah Ndu gay ma khân may dơi nâp tâm rdâng đah lĕ nau nchră phung brah mhĭk.

I Timôthê 2:15

Nđâp lah pônây, phung bu ur mra geh nau rklaih tâm nôk deh kon, tơlah khân păng gŭ rêh sŏng tâm nau chroh, tâm nau rŏng, jêh ri tâm nau kloh ueh.

I Timôthê 2:9

Gâp ŭch đŏng ăn ma phung bu ur ndơ nkrơ̆ pô aơ ma nau di, nkrơ̆ di keh jêh ri di đah nau vay gŭ ngao, mâu păch sŏk rlau keh ir mâu lah dok văn mah, lŭ khlay mâu lah nsoh kho ao khlay prăk,

I Timôthê 3:11

Phung bu ur tâm ban lĕ, ăn gŭ ngao ueh, mâu ngơi mhĭk, ƀiălah di keh jêh ri gŭ răp jăp tâm lĕ rngôch ndơ.

I Timôthê 3:2

Pôri, kôranh chiă uănh mâu geh nau nduyh, knŏng du huê ur du huê sai, di keh, gĭt njrăng, gŭ ngao ueh, gĭt rom bu năch, blau ntĭm nti bu,

II Timôthê 4:17

Ƀiălah Kôranh Brah dâk êp meng gâp jêh ri ăn nau dơi ma gâp, gay gâp dơi mbơh nkoch Nau Mhe Mhan Ueh tâm nau ƀư rĭng ma lĕ rngôch phung bu năch tăng, jêh ri gâp geh nau rklaih bơh trôm mbung yau mŭr.

Titus 1:8

ƀiălah, ăn gĭt rom bu năch, rŏng nau kan ueh, gŭ di keh, sŏng, kloh ueh, blau mât njrăng săk,

Titus 2:12

Nau yô̆ nây nti ma he mƀăr lơi nau mâu blau yơk jêh ri nau kơnh ŭch ta neh ntu gay gŭ rêh tâm di keh, nau sŏng srăng jêh ri klach yơk tâm rnôk aơ,

Titus 2:2

Ntĭm nti hom ma phung bu ranh gĭt di keh, ăn gŭ ngao ueh, blau mĭn, dơi nâp tâm nau chroh, tâm nau rŏng jêh ri nau srôih.

Titus 2:4

gay ma sâm nti ma phung bu ur druh gĭt rŏng ma sai, rŏng ma phung kon,

Titus 2:6

May đă hom ma phung bu klâu ndăm ăn gĭt blau mât njrăng săk.

Yakơ 4:7

Pôri, tông hom ma Brah Ndu. Tâm rdâng hom đah brah mhĭk, jêh ri păng mra nchuăt du bơh khân may.

I Pêtrôs 1:13

Pôri, khân may ndrăp lor hom nau mĭn, di keh hom, dơm nau kâp gân tâm nau yô̆ mra ăn ma khân may nôk Brah Yêsu Krist tâm mpơl.

I Pêtrôs 4:7

Nau nglĕ dŭt lĕ rngôch ntil ndơ dăch tât jêh; pôri ăn khân may gĭt mĭn jêh ri di keh gay ma mbơh sơm.

Nau Tâm Mpơl 12:10

Gâp tăng ta klơ trôk geh bâr huy lah pô aơ: “Aƀaơ aơ nau tâm rklaih, nau brah, Ƀon bri hađăch Brah Ndu he, Jêh ri nau dơi Brah Krist văch jêh, Yorlah nơm phong phung oh nâu he, măng nâm nar phong khân păng tanăp Brah Ndu, Bu klŭp mƀăr jêh păng jŭr ta neh.

Nau Tâm Mpơl 12:12

Yor ri, hơi lĕ ndâr trôk, jêh ri phung gŭ tâm nây, Răm maak hom! Ƀiălah rêh ni ngăn ma neh ntu jêh ri ma dak mƀŭt, Yorlah brah mhĭk gĭt mông nar păng mâu hôm jŏ, Pôri hăn jŭr ma khân may ma nau ji nuih hâu ngăn.”

Nau Tâm Mpơl 12:9

Bu klŭp mƀăr bêh nhŭk nhăk toyh jŭr ta neh, jêng bêh ơm, bu rnha jêng brah mhĭk mâu lah Satan, nơm ndơm mƀruh lĕ kon bunuyh. Bu klŭp păng jŭr ta neh ntu; phung mbơh păng bu klŭp mƀăr jŭr ndrel ma păng.

Nau Tâm Mpơl 20:10

Bi brah mhĭk jêng nơm ndơm mƀruh khân păng bu klŭp mƀăr păng lăp nglao ŭnh geh mô ŭnh, Ta nây geh mpô mpa dŭt janh jêh ri nơm mbơh lor nklă gŭ jêh. Khân păng geh nau rêh ni măng nâm nar ma tât n'ho ro.

Nau Tâm Mpơl 20:2

Păng nhŭp bêh nhŭk nhăk, nâm bu ntĭt bêh kăl e, jêng brah mhĭk, jêng Satan, jêh ri kât păng du rbăn năm.

Phung Kôranh Phat Dôih 14:5

Y-Samsôn hăn ndrel ma mê̆ mbơ̆ păng trŭnh ta Timna. Tơlah khân păng tât jêh ta đang krăk ƀâu Timna, geh du mlâm yau mŭr kon bruh rduh jêh ri ngrông nter tanăp măt păng.