I Pêtrôs 5:6 - Nau Brah Ndu Ngơi 2023

⁶ Pôri, ntrŭnh hom păng nơm tâm dâng ti nau brah Brah Ndu, gay tât mông tâm di păng mra n'hao khân may klơ.

Bunong Bible Latin Script Cambodian dialect

⁶ Lah ndri ăn khân ay may njŭr êng săk ta nâm Kôranh Brah nơm i geh nau dơi dô, gay ma Păng n'hao khân ay may, tât di mong Păng tay.

Bunong

⁶ លាស​នទ្រី​អ៝ន់​ខាន់​អៃ​មៃ​ញជុរ​អេង​ឆាក់​តា​ន៝ម់​កោរាញ​ឞ្រាស​នើម​អី​គែស​នាវ​ទើយ​ទោ គៃ​មា​ពាង់​នហាវ​ខាន់​អៃ​មៃ ត៝ត់​ទី​ម៝ង​ពាង់​តៃ។

I Pêtrôs 5:6 ပူးပေါင်းရင်းမြစ်များ

I Phung Hađăch 21:29

“May saơ lĕ nau Y-Ahap ƀư n'hôi săk păng nơm tanăp Gâp? Yorlah păng n'hôi săk păng nơm tanăp Gâp, pôri Gâp mâu mra ăn tât ôh nau mhĭk tâm rnôk păng. Ƀiălah tât ta tâm rnôk rô̆ kon păng, Gâp mra ăn tât nau mhĭk ma ngih păng.”

II Phung Hađăch 22:19

‘Tơlah may tăng nau Gâp lah tâm rdâng đah ntŭk aơ jêh ri tâm rdâng đah phung ƀon lan păng pô aơ, ntŭk aơ mra jêng rngol, phung ƀon lan bu rak rtăp, yorlah may geh nuih n'hâm rmal, trŭnh săk may nơm tanăp măt Brah Yêhôva, nkhêk ao may nơm jêh ri nhhiăng nhĭm tanăp măt Gâp. Yor ri, Gâp hŏ tăng jêh nau may mbơh sơm.

II Nau Rêh Jêng 12:12

Yorlah Y-Rôbôam ntrŭnh săk, pôri nau ji nuih bơh Brah Yêhôva du ngai đah păng jêh ri păng mâu geh roh rai lĕ rngôch ôh; jêh ri n'gor Yuđa ăt hôm dơn lĕ nau ueh.

II Nau Rêh Jêng 30:11

Nđâp lah kơt nĕ, ăt geh noi deh tâm phung Aser, Manasê, jêh ri Sabulôn khân păng geh nau dêh rhêt jêh ri văch tât ma ƀon Yêrusalem.

II Nau Rêh Jêng 32:26

Ƀiălah, Y-Hêsêkia jêh ri phung ƀon lan gŭ ta Yêrusalem ntrŭnh săk ma nau dêh rhêt, mâu hôm sưr, pôri nau Brah Yêhôva ji nuih mâu tât ôh rô̆ Y-Hêsêkia.

II Nau Rêh Jêng 33:12

Nôk păng gŭ tâm nau rêh ni, păng vah vơl dăn ma Yêhôva Brah Ndu, jêh ri ntrŭnh săk păng nơm tanăp Brah Ndu phung chô yau păng.

II Nau Rêh Jêng 33:19

Nau păng mbơh sơm jêh ri nau Brah Ndu dơn nau păng vơl, lĕ nau păng ƀư tih jêh ri lĕ nau păng mâu gŭ răp jăp ôh, lĕ ntŭk prêh păng hŏ ndâk, rup brah Asêrim jêh ri rup brah trah, êlor ma păng ntrŭnh săk păng nơm; lĕ rngôch bu nchih da dê tâm ndrom samƀŭt Y-Hôxai.

II Nau Rêh Jêng 33:23

Hađăch Amôn mâu ŭch ntrŭnh săk păng nơm tanăp măt Brah Yêhôva nâm bu Y-Manasê, mbơ̆ păng hŏ ƀư jêh, ƀiălah păng ƀư tih lơ hâu lơn.

II Nau Rêh Jêng 36:12

Păng ƀư nau mhĭk tanăp măt Yêhôva Brah Ndu păng. Păng mâu ŭch dêh rhêt ôh tanăp Y-Yêrêmi, jêng nơm mbơh lor ntuh bâr Brah Yêhôva gay ntĭm nti păng.

Ndrom Samƀŭt bơh Yôp 36:22

Ri, nau brah bơh Brah Ndu dŭt prêh ngăn ngên; Geh đŏng nơm nti tâm ban Păng?

Nau Mprơ Ơm 75:10

Gâp mra koh lĕ rngôch nke phung mhĭk Ƀiălah lĕ nke phung sŏng srăng mra dơi n'hao.

Nau Mprơ Ơm 89:13

May geh nting tur ti brah toyh, Ti May geh nau ktang jêh ri ti ma May yơr prêh klơ.

Nau Ngluh Êjipt 10:3

Y-Môis jêh ri Y-Arôn hăn tât ta Pharaôn jêh ri lah: “Brah Yêhôva jêng Brah Ndu phung Hêbrơ lah: ‘Ndah nâm jŏ may mâu ŭch ntrŭnh may nơm tanăp măt Gâp? Ăn phung ƀon lan Gâp hăn, gay ma khân păng dơi pah kan ma Gâp.

Nau Ngluh Êjipt 3:19

Ƀiălah, Gâp gĭt hađăch Êjipt mâu mra ăn khân may hăn ôh, tơlah mâu geh mpang ti nau brah dơi kơl an.

Nau Ngluh Êjipt 32:11

Y-Môis kuăl vơl ma Yêhôva Brah Ndu păng: “Ơ Brah Yêhôva, mâm ƀư Brah Ndu hao nau ji nuih đah phung ƀon lan May, jêng phung ƀon lan May hŏ dŏng nau brah dŭt toyh jêh ri ti nau dăng ngluh khân păng luh bơh n'gor Êjipt?

Nau Hôr 29:23

Nau sưr bơh du huê bunuyh mra ntrŭnh lơi nơm nây, Ƀiălah mbu nơm geh nuih n'hâm dêh rhêt mra geh nau yơk.

Êsai 2:11

Muh măt kon bunuyh sưr rlau bu mra n'glưh lơi, Nau sưr rlau kon bunuyh mra chŭn; Tâm nar nây, Knŏng du huê Brah Yêhôva dơm geh nau yơk prêh.

Êsai 40:4

Lĕ rngôch rlŭng mra hao ta klơ, Lĕ rngôch yôk mbon mra hŭch tâm dâng; Lĕ ntŭk rklĭng mra ƀư ăn lâng, Lĕ ntŭk ntu lŭng mra plơ̆ jêng neh lâng.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Yêrêmi 13:18

Lah hom ma hađăch jêh ri mê̆ hađăch pô aơ: “Dăn trŭnh bơh sưng hađăch gŭ tâm dâng neh, Yorlah đon hađăch chrêk lơp Hŏ tŭp bơh bôk lĕ bunuyh jêh.”

Yêrêmi 44:10

Kŏ tât ma nar aơ, khân păng ăt mâu mâp rmal nau tih, mâu klach yơk lĕ, mâu lĕ rêh tĭng nau vay jêh ri nau vay dăp Gâp hŏ njêng jêh tanăp khân may jêh ri phung chô yau khân ay may.’

Êsêkiêl 17:21

Lĕ rngôch phung tahan păng nchuăt du mra chôt khĭt tâm dâng đao; phung hôm e klen mra chah-rai pru pra du tĭng lĕ rngôch rlong sial. Rnôk nây, khân may mra gĭt Gâp nơm, jêng Brah Yêhôva lah jêh pônây.’

Êsêkiêl 21:6

Geh nau Brah Yêhôva lah ma gâp:

Daniel 5:22

Bi may, ơ hađăch Belsasar, kon bu klâu păng nây, nđâp lah may gĭt jêh lĕ rngôch nau nây, nuih n'hâm may ăt mâu ŭch tông yơk djê̆ lê̆ ôh.

Kan Lêvi 26:41

yor ri Gâp tâm rdâng jêh ri nsot khân păng mŭt tâm n'gor phung rlăng; tơlah nuih n'hâm mâu koh ntâu khân păng gĭt trŭnh jêh ri tông nau phat dôih yor nau tih mhĭk khân păng nơm,

Mika 6:8

Hơi bunuyh! Păng hŏ tâm mpơl jêh ma may ntil nau jêng ueh, Ntil nau Brah Yêhôva gay ŭch ăn ma may ƀư. Nây mâu di jêng ƀư nau sŏng srăng, ŭch nau ueh Jêh ri chuat hăn ma nau dêh rhêt ndrel ma Brah Ndu may lĕ?

Mathay 23:12

Mbu nơm n'hao êng păng nơm bu mra trŭnh tâm dâng, bi mbu nơm ntrŭnh păng nơm, bu mra n'hao păng.

Luka 1:52

Păng n'glưh nsot sưng hađăch lĕ phung chiă uănh, Jêh ri hŏ n'hao phung bunuyh dêh rhêt hao.

Luka 14:11

Yorlah mbu nơm n'hao êng păng nơm bu mra ntrŭnh, ƀiălah mbu nơm ntrŭnh êng păng nơm bu mra n'hao păng.”

Luka 18:14

Gâp mbơh ma khân may, bunuyh aơ plơ̆ sĭt ta ngih păng, dơi kơp sŏng srăng, mâu di bunuyh ri. Yorlah mbu n'hao êng mra hŭch tâm dâng, ƀiălah mbu nơm hŭch tâm dâng êng mra n'hao.”

Samƀŭt Pôl Njuăl Ăn Ma Phung Nsing Ta Ƀon Rôm 5:6

Dôl he hôm jêng rdja Brah Krist khĭt jêh ma phung geh nau tih tĭng nâm rnôk tâm nal jêh.

I Kôrintô 10:22

Mâu lah he ŭch ƀư ma Kôranh Brah ntôn lĕ? He ktang lơn ma Păng lĕ?

Nau Vay Nkah Tay 32:35

Gâp mra plơng bôk, Gâp mra tâm rmal, Tâm nôk jâng khân păng mbĭr prah; Yorlah nar rêh ni khân păng hŏ dăch jêh, Nar nau phat dôih khân păng tât gơnh.”

I Timôthê 2:6

Nơm jao jêh Păng nơm jêng rnoh chuai lĕ rngôch bunuyh, jêng nau mbơh ăn di tâm rnôk nal.

Titus 1:3

jêh ri tât di nôk nal, Păng tâm mpơl jêh nau Păng ngơi tâm nau mbơh nkoch Păng jao jêh ma gâp tĭng nau ntrŭnh bơh Brah Ndu, Nơm Tâm Rklaih he.

Yakơ 4:10

Ntrŭnh hom săk jăn khân may tanăp Kôranh Brah ri mơ Păng mra n'hao khân may klơ.

Yakơ 4:7

Pôri, tông hom ma Brah Ndu. Tâm rdâng hom đah brah mhĭk, jêh ri păng mra nchuăt du bơh khân may.

Yakơ 5:10

Hơi phung oh nâu, tĭng kơt hom anh dơn nau rêh ni jêh ri nau srôih bơh phung mbơh lor, jêng phung bunuyh lah jêh tâm amoh Kôranh Brah.