I Pêtrôs 4:7 - Nau Brah Ndu Ngơi 2023

⁷ Nau nglĕ dŭt lĕ rngôch ntil ndơ dăch tât jêh; pôri ăn khân may gĭt mĭn jêh ri di keh gay ma mbơh sơm.

Bunong Bible Latin Script Cambodian dialect

⁷ Nar n'glĕ dŭt neh ntu dja lĕ bơi ma tât jêh, lah ndri ăn khân ay may geh nuih n'hâm nau mân nâp rkâk, njrăng săk gŭ di keh, gay ma blao mbơh sơm.

Bunong

⁷ នារ​ងគ្លែៈ​ទុត​នែស​នតូ​អ្យា​លែៈ​ឞើយ​មា​ត៝ត់​ជេស លាស​នទ្រី​អ៝ន់​ខាន់​អៃ​មៃ​គែស​នូយ្ស​នហ៝ម់​នាវ​មឹន​ន៝ប់​រាក៝ក់ ញជ្រាង់​ឆាក់​គុ​ទី​កែស គៃ​មា​ឞ្លាវ​មឞើស​ឆើម។

I Pêtrôs 4:7 ပူးပေါင်းရင်းမြစ်များ

Nau Ntơm 19:35

Măng nây, bar hê oh nur n'hơk mbơ̆ khân păng ma ndrănh, jêh nây oh păng hăn bê̆ch nsum đah mbơ̆, ƀiălah Y-lot mâu gĭt ôh ndah jŏ păng hăn bê̆ch, mâu đŏng dơi gĭt ndah jŏ păng dâk.

Nau Ntơm 6:13

Brah Ndu lah ma Y-Nôê: “Gâp hŏ mĭn jêh mra nkhĭt lĕ rngôch bunuyh, yor ma khân păng dĭng neh ntu bêng ma nau djơh janh. Aơ, Gâp mra ƀư rai khân păng bơh klơ neh.

Nơm Nti 7:2

Hăn tât ngih ndrê klâng Ueh lơn tât ma ngih nhêt sa, Yorlah nau nây jêng ntŭk nglĕ dŭt ma lĕ rngôch bunuyh, Jêh ri bunuyh rêh ăn nuih n'hâm klâng rvê.

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Êsêkiêl 7:6

Nau nglĕ dŭt hŏ tât, nau nglĕ dŭt hŏ tât jêh! Păng dâk tâm rdâng đah may. Ri păng tât jêh!

Mathay 24:42

Yor ri, rngeh njrăng hom, yorlah khân may mâu gĭt ôh moh nar Kôranh Brah khân may mra văch.

Mathay 25:13

Pôri, rngeh njrăng hom, yor khân ay may mâu gĭt nar, mâu lĕ gĭt mông đŏng.”

Luka 21:34

Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,

Luka 21:36

Pôri, rngeh njrăng jêh ri mbơh sơm ƀaƀơ hom, gay khân may tŏng n'hâm suan der luh bơh lĕ nau mra tât geh jêh ri dâk tanăp Kon Bunuyh.”

Luka 22:46

Păng lah: “Mâm ƀư khân may bê̆ch? Dâk mbơh sơm hom gay ma khân may mâu mra tŭp tâm nau ndơm.”

Samƀŭt Pôl Njuăl Ăn Ma Phung Nsing Ta Ƀon Rôm 12:12

Gŭ maak hom tâm nau kâp gân, srôih tâm nau rêh ni, nâp nuih n'hâm jêh ri mbơh sơm.

I Kôrintô 15:24

Rnôk nây mra tât nar lôch, jêng nôk Păng jao ƀon bri hađăch ma Brah Ndu jêng Mbơ̆, jêh Păng ƀư rai lĕ nau ktang chiă uănh, lĕ nau dơi, lĕ nau dăng ktang.

I Kôrintô 7:29

Hơi phung oh nâu, gâp ŭch lah pô aơ: Mông nar gleh ir; ntơm bơh aƀaơ, phung geh ur, gŭ rêh hom tâm ban ma mâu geh;

Êphêsô 6:18

Dŏng ƀaƀơ nau mbơh sơm, vơh vơl, jêh ri mbơh sơm tâm Brah Huêng Ueh. Gay dơi geh nau ntrâng aơ, srôih hom, rngeh njrăng, jêh ri mbơh sơm ma lĕ rngôch phung kloh ueh.

Philip 4:5

Ăn hom lĕ rngôch bunuyh gĭt nau rdơ̆ rbăn khân may. Kôranh Brah văch dăch jêh!

Kôlôh 4:2

Nsrôih mbơh sơm hom ma lĕ nuih n'hâm, njrăng hom tâm nôk mbơh sơm jêh ri lah ueh.

II Timôthê 4:5

Ƀiălah ma kô̆ may, di keh hom tâm lĕ rngôch ndơ, srôih dơn nau hŏt rgănh, pah kan du huê nơm mbơh nkoch Nau Mhe Mhan Ueh jêh ri ƀư rĭng nau kan may nơm.

Titus 2:12

Nau yô̆ nây nti ma he mƀăr lơi nau mâu blau yơk jêh ri nau kơnh ŭch ta neh ntu gay gŭ rêh tâm di keh, nau sŏng srăng jêh ri klach yơk tâm rnôk aơ,

ហេឞ្រើ 10:25

Lơi ta chalơi ôh nau tâm rƀŭn nâm bu phung ƀaƀă vay ƀư, ƀiălah ăn he nsŭk nsôr ndrăng nơm; tơlah khân may saơ nar Kôranh Brah dăch văch, lơ hô ƀư kơt nây âk lơn đŏng.

ហេឞ្រើ 9:26

Yorlah pônây, bơh ntơm rhăk njêng neh ntu kŏ tât nar aơ, Păng dơn jêh nau rêh ni âk tơ̆. Ƀiălah aƀaơ, Păng tâm mpơl jêh knŏng du tơ̆ rĭng jêh tâm nglĕ dŭt tâm lĕ rnôk rô̆ gay nhhơr Păng nơm ƀư mpa ƀư brah sŏk lơi nau tih.

I Pêtrôs 1:13

Pôri, khân may ndrăp lor hom nau mĭn, di keh hom, dơm nau kâp gân tâm nau yô̆ mra ăn ma khân may nôk Brah Yêsu Krist tâm mpơl.

I Pêtrôs 3:7

Phung bunuyh ƀư sai tâm ban lĕ, tâm mpơl hom nau gĭt rbăng nôk khân may gŭ rêh ndrel ma ur khân may nơm, yơk ur nâm bu đah phung rdja lơn, yorlah khân păng mra ndrel ma khân may dơn nau rêh bơh nau yô̆, gay mâu geh du ntil ndơ king nau khân may mbơh sơm.

I Pêtrôs 5:8

Ăn gŭ di keh jêh ri gŭ rngeh njrăng; phung rlăng đah khân may jêng phung brah mhĭk, nâm bu yau mŭr ngrông, ndăch nsong jŭm khân may joi mbu nơm păng dơi sa hêk,

Nau Tâm Mpơl 16:15

“Aơ, gâp văch nâm bu du huê bunuyh ntŭng, ueh maak yơh ma mbu nơm gŭ njrăng jêh ri mât mray ma kho ao păng nơm, gay ma lơi ăn păng rhôk, lơi ăn bu saơ nau bêk păng nơm!”