I Pêtrôs 4:13 - Nau Brah Ndu Ngơi 2023

¹³ Ƀiălah ndah âk khân may geh kô̆ tâm nau rêh ni ndrel ma Brah Krist, răm maak dŭm nây; gay ma tơlah nau chrêk rmah Păng tâm mpơl, khân may geh đŏng nau răm maak, nau hâk răm ngăn.

Bunong Bible Latin Script Cambodian dialect

¹³ Lah ndri ăn khân ay may răm maak dô, yorlah khân ay may lĕ geh jêh nau jêr jŏt ndrel Brah Krist aƀaơ dja. Lah ndri khân ay may mra răm maak dŭt hô ngăn đŏng ta nôk Păng plơ̆ văch nhhơ nau chrêk lơp Păng nơm.

Bunong

¹³ លាស​នទ្រី​អ៝ន់​ខាន់​អៃ​មៃ​រាម់​មអាក​ទោ យ៝រ​លាស​ខាន់​អៃ​មៃ​លែៈ​គែស​ជេស​នាវ​ជេរ​ជ៝ត់​នទ្រែល​ឞ្រាស​ក្រីស  ​អាបៃ​អ្យា។ លាស​នទ្រី​ខាន់​អៃ​មៃ​មរា​រាម់​មអាក​ទុត​ហោ​ងាន់​ដ៝ង់​តា​នោក​ពាង់​ព្លឹ​វាច់​ញហើ​នាវ​ច្រេក​លើប​ពាង់​នើម។

I Pêtrôs 4:13 ပူးပေါင်းရင်းမြစ်များ

Êsai 25:9

Tâm nar nây, bu mra lah: “Ri, aơ jêng Brah Ndu he; He kâp gân Păng, jêh ri Păng hŏ tâm rklaih he jêh. Aơ yơh jêng Brah Yêhôva he kâp gân, Ăn he hâk răm jêh ri maak yor nau Păng tâm rklaih!”

Êsai 35:10

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter răm rhơn; Nau hâk răm n'ho ro mra gŭ ta klơ bôk khân păng. Khân păng mra bêng nau maak, Jêh ri nau rngot lŭng nter mra roh lĕ.

Êsai 51:11

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter. Nau maak n'ho ro mra gŭ ta klơ bôk khân păng, Khân păng mra geh nau răm maak; Nau rngot jêh ri nau vơl nđor mra roh lĕ.

Mathay 16:27

Yorlah Kon Bunuyh mra văch tâm nau chrêk rmah Mbơ̆ Păng ndrel ma phung tông mpăr. Nôk nây, Păng mra ăn nau nkhôm ma ăp nơm, tĭng nâm nau kan păng hŏ pah jêh.

Mathay 25:21

Kôranh lah ma bunuyh nây: ‘Hơi oh mon sŏng jêh ri răp jăp, ueh ngăn! May hŏ răp jăp tâm kan jê̆, gâp mra ăn may mât uănh âk. Lăp hom gŭ maak ndrel ma kôranh may.’

Mathay 25:23

Kôranh lah ma bunuyh nây pô aơ: ‘Hơi oh mon sŏng jêh ri răp jăp, ueh ngăn! May hŏ răp jăp tâm kan jê̆, gâp mra ăn may mât uănh âk. Lăp hom gŭ maak ndrel ma kôranh may.’

Mathay 25:31

“Tơlah Kon Bunuyh mra văch tâm nau chrêk rmah Păng, ndrel ma lĕ rngôch phung tông mpăr, Păng mra gŭ ta klơ sưng hađăch chrêk rmah.

Mathay 25:34

Nôk nây, Hađăch mra lah ma phung mpeh pa ma pô aơ: ‘Hơi phung Mbơ̆ Gâp ăn nau ueh uĭn, văch hom dơn ƀon bri hađăch klơ trôk ndrăp nkra jêh ăn ma khân may ntơm bơh rhăk njêng neh ntu.

Mathay 5:12

Maak răm hom, yorlah nau nkhôm ma khân may ta klơ trôk jêng toyh ngăn; yorlah nơm mbơh lor kăl e khân may bu hŏ ƀư mhĭk kơt nây.”

Markôs 8:38

Yorlah mbu nơm prêng ma Gâp jêh ri ma nau Gâp ngơi tâm rnôk rô̆ văng tĭr tih mhĭk aơ, tâm ban lĕ Kon Bunuyh ăt mra prêng ma bunuyh nây, tơlah Păng ndrel ma phung tông mpăr kloh ueh văch tâm nau chrêk rmah Mbơ̆ Păng.”

Luka 17:30

Tâm nar Kon Bunuyh mra tâm mpơl tâm ban đŏng.

Kôranh Oh Mon 16:25

Klăp lah n'gul măng, Y-Pôl jêh ri Y-Silas mbơh sơm jêh ri mprơ tâm rnê ma Brah Ndu; phung bu nă gŭ iăt.

Kôranh Oh Mon 5:41

Pô nây, phung oh mon du luh tă bơh phung Kôranh Phat Dôih, khân păng răm maak yorlah bu kơp khân păng khư dơn nau rêh ni yor amoh Kôranh Brah.

Samƀŭt Pôl Njuăl Ăn Ma Phung Nsing Ta Ƀon Rôm 5:3

Mâu di knŏng nau nây dơm, he răm maak đŏng tâm nau hŏt rgănh, yorlah he gĭt jêh nau hŏt rgănh luh nau srôih,

Samƀŭt Pôl Njuăl Ăn Ma Phung Nsing Ta Ƀon Rôm 8:17

Tơlah he jêng phung kon ăt jêng phung ndơn drăp, ndrel jêng phung ndơn drăp Brah Ndu, ndrel jêng phung ndơn drăp ndrel ma Brah Krist; tơlah n'hêl nanê̆ ngăn he dơn nau rêh ni ndrel ma Păng, he mra geh nau chrêk rmah ndrel ma Păng.

Samƀŭt Pôl Njuăl Ăn Ma Phung Nsing Ta Ƀon Rôm 8:18

Gâp mĭn ma lĕ nau rêh ni rnôk aơ mâu khư tâm rđĭl ma nau chrêk rmah tâm nar kăndơ̆ mra dơi tâm mpơl ma he.

II Kôrintô 1:5

Yorlah nâm bu nau rêh ni Brah Krist bêng ler tâm he, tâm ban lĕ ma Brah Krist nau tâm bonh leng nuih he jêng âk rmeh.

II Kôrintô 1:7

Nau hên kâp gân ma khân may jêng nâp ktang jêh, yorlah hên gĭt tơlah khân may geh kô̆ tâm nau rêh ni ndrel ma hên, khân may mra geh đŏng kô̆ tâm bonh leng tă bơh hên.

II Kôrintô 4:10

Hên djôt mro tâm săk jăn hên nau khĭt Brah Yêsu, gay ma nau rêh Brah Yêsu mra tâm mpơl lĕ tâm săk jăn hên.

II Kôrintô 4:17

Yorlah nau rêh ni hên n'gơch jêh ri ƀât lât mra djôt ma hên nau chrêk rmah toyh lơn jêh ri n'ho ro,

Philip 3:10

gay ma gâp dơi gĭt năl Păng, nau brah bơh nau Păng dâk rêh tay, dơi tâm pă nau Păng rêh ni, jêh ri plơ̆ jêng tâm ban ma Păng tâm nau păng khĭt;

Kôlôh 1:24

Aƀaơ gâp răm maak tâm nau rêh ni yor khân may, jêh ri yor săk jăn Păng jêng Phung Ngih Brah Ndu, djôt leo săk jăn gâp nơm ƀư lôch jêh kô̆ hôm e tâm nau rêh ni Brah Krist.

II Timôthê 2:12

Tơlah he srôih dơn nau rêh ni, He mra chiă uănh đŏng ndrel ma Păng; Tơlah he dun Păng, Păng mra dun he đŏng;

I Pêtrôs 1:13

Pôri, khân may ndrăp lor hom nau mĭn, di keh hom, dơm nau kâp gân tâm nau yô̆ mra ăn ma khân may nôk Brah Yêsu Krist tâm mpơl.

I Pêtrôs 2:21

Khân may geh jêh nau kuăl ma nau nĕ, yorlah Brah Krist anh dơn jêh nau rêh ni ma khân may, prăp ma khân may du nơm leo trong, gay ma khân may hăn tĭng têl jâng Păng;

I Pêtrôs 5:1

Gâp njuăl nau ntĭnh ma phung kôranh bu ranh tâm phung khân may, yorlah gâp ăt jêng du huê kôranh bu ranh, jêng nơm mbơh nau rêh ni Brah Krist, jêh ri ăt jêng nơm mra geh kô̆ tâm nau chrêk rmah bơi tâm mpơl.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.

Yuđas 1:24

Mbơh sơm dăn Nơm geh nau brah djôt prăp khân may bơh nau chêh prah jêh ri ƀư ma khân may dâk tanăp nau chrêk rmah Păng mâu geh têl khap, jêh ri tâm nau răm maak,

Nau Tâm Mpơl 1:7

Ri, Păng văch ndrel ma lĕ ndâr tŭk! Lĕ rngôch măt mra saơ Păng, nđâp ma phung hŏ tă ntâp Păng; lĕ rngôch ndŭl mpôl ta neh ntu mra nhĭm nhhiăng yor ma Păng. Nanê̆ di nâm kơt nây! Amen.

Nau Tâm Mpơl 1:9

Gâp jêng Y-Yôhan, nâu khân may, bunuyh tâm pă ndrel nau rêh ni, ƀon bri hađăch jêh ri nau srôih ma khân may tâm Brah Yêsu, aƀaơ aơ gâp dôl gŭ ta kôdak rnha jêng Patmôs, yor nau ngơi Brah Ndu jêh ri nau Brah Yêsu mbơh.