I Pêtrôs 4:10 - Nau Brah Ndu Ngơi 2023

¹⁰ Ăp nơm dŏng hom nau dơi he hŏ dơn jêh gay pah kan ndrăng khân may, nâm bu bunuyh mât uănh răp jăp blau dŏng nau yô̆ bơh Brah Ndu tâm âk trong êng êng.

Bunong Bible Latin Script Cambodian dialect

¹⁰ Ăp nơm khân ay may lĕ geh jêh ndơ Kôranh Brah ăn dơm dam, geh ndơ êng êng băl, lah ndri ăn khân ay may blao dŏng ndơ i nây gay ma tâm kơl jan kar ndrăng khân ay may nơm, jêng bunuyh sơm kơl jan kar răp jăp ma Kôranh Brah.

Bunong

¹⁰ អាប់​នើម​ខាន់​អៃ​មៃ​លែៈ​គែស​ជេស​នទើ​កោរាញ​ឞ្រាស​អ៝ន់​ទើម​ទាម គែស​នទើ​អេងៗ​ឞាល់ លាស​នទ្រី​អ៝ន់​ខាន់​អៃ​មៃ​ឞ្លាវ​ទ៝ង់​នទើ​អី​នៃ​គៃ​មា​តឹម​កើល​ជាន​ការ​នទ្រាង់​ខាន់​អៃ​មៃ​នើម ជេង​ឞូនុយ្ស​ឆើម​កើល​ជាន​ការ​រាប់​ជាប់​មា​កោរាញ​ឞ្រាស។

I Pêtrôs 4:10 ပူးပေါင်းရင်းမြစ်များ

Mathay 20:28

Nđâp ma Kon Bunuyh văch jêh mâu di gay bu pah kan, ƀiălah gay pah kan, jêh ri nhhơr nau rêh Păng nơm jêng rnoh chuai ma âk bunuyh.”

Mathay 24:14

Nau Mhe Mhan Ueh ma ƀon bri hađăch Brah Ndu bu mra mbơh nkoch lam neh ntu gay mbơh ma lĕ rngôch ntil mpôl bunuyh; nôk nây, nar nglĕ dŭt mra tât.

Mathay 24:21

yorlah nôk nây mra geh nau rêh ni toyh ngăn, kŏ tât ntơm bơh rnôk rhăk trôk neh ntu n'ho tât ma aƀaơ aơ, mâu prot geh, jêh ri pakơi taơ mâu đŏng geh tâm ban pônây.

Mathay 24:45

Mbu moh jêng oh mon răp jăp jêh ri blau mĭn, kôranh jao ăn păng mât uănh ngih kôranh gay păng ăn ndơ sông sa di mông?

Mathay 25:17

Bunuyh dơn jêh bar talâng, dơi ntop bar talâng đŏng.

Mathay 25:44

Nôk nây, phung bunuyh aơ plơ̆ lah đŏng: ‘Ơ Kôranh Brah, ndah jŏ hên mâp saơ May ji ngot, ji hir, jêng bu năch, gŭ săk hưl, mâu lah ji kuet, mâu lah bu krŭng May jêh ri hên mâu pah kan May?’

Markôs 10:45

Yorlah Kon Bunuyh hŏ văch jêh mâu di gay bu pah kan ƀiălah gay pah kan, jêh ri nhhơr nau rêh păng nơm jêng rnoh chuai ma âk bunuyh.”

Luka 12:42

Brah Yêsu lah: “Mbu nơm jêng bunuyh chiă uănh blau mĭn jêh ri răp jăp, kôranh jao ăn păng mât uănh ngih kôranh gay păng ăn ndơ sông sa di mông?

Luka 19:13

Păng kuăl jât nuyh tâm phung oh mon păng hăn tât, jao ma khân păng jât glo prăk jêh ri lah: ‘Geh n'hao hom ma tât nôk gâp plơ̆ sĭt.’

Luka 8:3

H'Yôana ur Y-Kusa, kôranh chiă uănh ngih hađăch Hêrôt; H'Susan jêh ri âk bunuyh êng hŏ sŏk drăp ndơ khân păng gay kơl ma Kôranh Brah jêh ri phung oh mon Păng.

Samƀŭt Pôl Njuăl Ăn Ma Phung Nsing Ta Ƀon Rôm 15:25

Ƀiălah aƀaơ, gâp hăn ta ƀon Yêrusalem gay ma pah kan phung kloh ueh;

Samƀŭt Pôl Njuăl Ăn Ma Phung Nsing Ta Ƀon Rôm 15:27

Khân păng maak nuih n'hâm ƀư nau nây, ƀiălah nau di khân păng iang rnon phung nây lĕ; yorlah tơlah phung bu năch sŏk dơn jêh drăp ndơ ma nau rêh huêng, ri mơ ăn khân păng djôt leo drăp ndơ kơl an ma bu đŏng.

I Kôrintô 15:10

Ƀiălah yor ma nau yô̆ Brah Ndu gâp dơi jêng nâm bu nar aơ, jêh ri nau yô̆ Păng ăn ma gâp mâu di jêng dơm dam ôh. Ƀiălah, gâp pah kan âk lơn ma lĕ rngôch bunuyh êng; nau nây mâu di gâp, ƀiălah jêng nau yô̆ Brah Ndu gŭ ndrel ma gâp.

I Kôrintô 3:10

Tĭng nâm nau yô̆ Brah Ndu ăn jêh ma gâp, gâp n'gân mbon jêh tâm ban ma du huê bunuyh blau kan, bi bunuyh êng ndâk ngih ta klơ. Ƀiălah ăp nơm njrăng ma nau păng ndâk ta klơ mbon nây.

I Kôrintô 4:7

Yorlah mbu moh saơ khân may blau lơn ma bunuyh ƀaƀă? Moh ndơ khân may geh dĭng khân may mâu sŏk dơn? Tơlah khân may sŏk dơn jêh, mâm ƀư khân may hôm ngơi hưn nâm bu khân may ê hŏ sŏk dơn?

II Kôrintô 6:1

Yorlah hên pah kan ndrel ma Brah Ndu, hên vơh vơl ma khân may lơi dĭng sŏk dơn nau Brah Ndu yô̆ dơm dam ôh.

II Kôrintô 9:1

Ma nau kơl ma phung kloh ueh, gâp mâu hôm ŭch nchih tay ma khân may đŏng.

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Êphêsô 4:11

Păng yơh ăn ma ƀaƀă phung jêng kôranh oh mon, ƀaƀă phung jêng nơm mbơh lor, ƀaƀă phung êng jêng ma nơm mbơh nkoch Nau Mhe Mhan Ueh, ƀaƀă phung êng êng đŏng jêng nơm nti jêh ri kôranh nti,

II Timôthê 1:18

Mbơh sơm dăn Kôranh Brah ăn ma păng geh nau yô̆ nđach tă bơh Kôranh Brah tâm Nar nây! May gĭt ngăn jêh nôk gâp gŭ ta ƀon Êphêsô, păng pah kan ma gâp lĕ nuih n'hâm.

Titus 1:7

Yorlah jêng nơm mât uănh ngih Brah Ndu, kôranh chiă uănh jêng bunuyh mâu geh ôh nau nduyh; bunuyh nây mâu sưr rlau, mâu gơnh nuih, mâu vay nhêt ndrănh, mâu janh ƀai jêh ri mâu lah hưp ndơ mâu di;

ហេឞ្រើ 6:10

Yorlah Brah Ndu mâu di jêng kue ôh, gay ƀư chuêl nau kan jêh ri nau rŏng khân may tâm mpơl jêh yor ma amoh Păng, nôk pah kan ma phung kloh ueh, jêh ri ăt hôm pah kan đŏng.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.

I Pêtrôs 5:12

Gâp đă Y-Silvan, nơm gâp uănh nâm bu oh nâu răp jăp ngăn, nchih bar pe rplay gay n'hao nuih n'hâm jêh ri mbơh nkoch ma khân may gĭt, aơ jêng nau yô̆ ngăn bơh Brah Ndu. Gŭ nâp hom tâm nau yô̆ nây.