I Pêtrôs 3:8 - Nau Brah Ndu Ngơi 2023

⁸ Nglĕ dŭt, ăn lĕ rngôch khân may geh nuih n'hâm jêng nguay, blau yô̆, rŏng oh nâu tâm Kôranh Brah, geh nuih n'hâm ueh jêh ri nuih n'hâm dêh rhêt.

Bunong Bible Latin Script Cambodian dialect

⁸ N'glĕ dŭt dja, ăn dâng lĕ khân ay may geh nuih n'hâm du ntôr nau hŏ, ăn blao tâm kơl nau jêr jŏt ndrăng nơm, ăn tâm rŏng ndrăng nơm tâm ban ma jêng oh nô du ndŭl deh hŏ, ăn geh nuih n'hâm yô̆ nđach, ndrel ma njŭr êng săk.

Bunong

⁸ ងគ្លែៈ​ទុត​អ្យា អ៝ន់​ទឹង​លែៈ​ខាន់​អៃ​មៃ​គែស​នូយ្ស​នហ៝ម់​ទូ​នតោរ​នាវ​ហ៝ៈ អ៝ន់​ឞ្លាវ​តឹម​កើល​នាវ​ជេរ​ជ៝ត់​នទ្រាង់​នើម អ៝ន់​តឹម​រ៝ង់​នទ្រាង់​នើម​តឹម​ឞាន​មា​ជេង​អ៝ស​នោ​ទូ​នទុល​ទែស​ហ៝ៈ អ៝ន់​គែស​នូយ្ស​នហ៝ម់​យោៈ​នអាច នទ្រែល​មា​ញជុរ​អេង​ឆាក់។

I Pêtrôs 3:8 ပူးပေါင်းရင်းမြစ်များ

Nau Mprơ Ơm 103:13

Brah Yêhôva yô̆ nđach phung klach yơk ma Păng, Nâm bu mbơ̆ yô̆ nđach ma kon păng.

Nau Hôr 28:8

Mbu nơm ăn bu manh sa kao jâk ƀiălah drăp ndơ păng gay n'hao ntop âk, Jêng prăp bun ndơ nây ăn ma bunuyh geh nuih n'hâm yô̆ nđach ma phung o ach.

Sakari 7:9

“Brah Yêhôva ma phung tahan lah: ‘Phat dôih hom ma nau tâm di ngăn; ăp nơm sŏk hom nau ueh jêh ri nau yô̆ nđach gŭ ngao đah oh nâu nơm.

Mathay 18:33

pônây mâm may mâu yô̆ nđach ma băl may, tâm ban pah kan ndrel may, nâm bu gâp hŏ yô̆ nđach ma may?’

Luka 10:33

Ƀiălah geh du huê Samari hăn trong, văch dăch saơ bunuyh rmanh ri mơ geh nuih n'hâm yô̆ nđach

Kôranh Oh Mon 2:1

Tât nar Pantơkôt lĕ rngôch khân păng tâm rƀŭn du ntŭk.

Kôranh Oh Mon 27:3

Nar pakơi, hên tât ta ƀon Sidôn, Y-Julius ngơi nau ueh ma Y-Pôl, ăn nau dơi păng hăn khâl phung mĭt jiăng păng jêh ri gay ma ăn khân păng mât mray ma păng.

Kôranh Oh Mon 28:7

Dăch tâm ntŭk nây jêng neh Y-Publius, du huê kôranh kôdak nây. Păng jă jêh ri vơt rom hên ueh ngăn tâm pe nar.

Kôranh Oh Mon 4:32

Nôk nây, lĕ phung chroh geh du ai nuih n'hâm, du nau mĭn, mâu geh bu nuyh uănh drăp ndơ păng nơm jêng ndơ êng, ƀiălah kơp ma lĕ rngôch ndô ndơ jêng ndơ mpôl.

Samƀŭt Pôl Njuăl Ăn Ma Phung Nsing Ta Ƀon Rôm 12:10

Rŏng hom ndrăng khân may nơm dơh dăch tâm ban ma oh nâu; ăn lĕ nuih n'hâm yơk hom ndrăng khân may.

Samƀŭt Pôl Njuăl Ăn Ma Phung Nsing Ta Ƀon Rôm 15:5

Mbơh sơm dăn Brah Ndu ma nau nâp jêh ri n'hao nuih kơl khân may gŭ rêh nau tâm rnglăp ăn đăp mpăn ndrăng khân may tĭng leo trong Brah Yêsu Krist,

I Kôrintô 1:10

Hơi phung oh nâu, tâm amoh Kôranh Brah he jêng Brah Yêsu Krist, gâp nkah ma lĕ rngôch khân may ăn geh du nau ngơi, gay ma tâm khân may mâu geh nau tâm nkhah, ƀiălah ăn geh nau tâm rnglăp ndrel ndrăng khân may tâm nau mĭn jêh ri du nau ntrâng.

I Kôrintô 12:26

Lah du kô̆ săk jăn mâp nau ji, pôri lĕ rngôch ji tâm ban da dê; tơlah bu rnê du kô̆ săk jăn, lĕ rngôch geh nau răm maak tâm ban lĕ.

Êphêsô 4:2

Ăn dŭt dêh rhêt, rdơ̆ rbăn jêh ri nau srôih, ăn khân may ŭn nuih ndrăng khân may tâm nau rŏng.

Êphêsô 4:31

Ngroh lơi hom bơh khân may lĕ nau khek, nuih n'hâm hăt janh, nau ji nuih, nau nter, nau suai rak, ndrel ma lĕ nau djơh mhĭk.

Êphêsô 4:32

Ăn khân may gŭ ngao tâm nau ueh jêh ri nau rdơ̆ rbăn, yô̆ an ndrăng khân may nâm bu Brah Ndu yô̆ an jêh ma khân may tâm Brah Krist.

Philip 2:3

Lơi ƀư ôh du ntil ndơ yor ma nuih n'hâm mbeh, mâu lah yor ma nau lư n'găr gơnh roh, ƀiălah dêh rhêt hom, uănh phung êng jêng khlay rlau lơn ma khân may nơm.

Philip 3:16

Nđâp lah kơt nĕ, ta moh keh he dơi tât, nhuat hăn hom kơt nây.

Kôlôh 3:12

Khân may jêng phung bunuyh Brah Ndu săch, jêng phung kloh ueh jêh ri phung Brah Ndu rŏng ngăn ngên. Pôri, nsoh hom nuih n'hâm yô̆ nđach, nuih n'hâm ueh, nau dêh rhêt, nau rdơ̆ rbăn, nau srôih.

ហេឞ្រើ 13:1

Ăn djôt prăp mro nau rŏng ndrăng oh nâu.

Yakơ 2:13

Yorlah mbu nơm mâu tâm mpơl nuih n'hâm yô̆ nđach mra geh nau phat dôih tâm nau mâu yô̆ nđach; ƀiălah nau yô̆ dơi đah nau phat dôih.

Yakơ 3:17

Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.

Yakơ 5:11

Aơ, he kuăl phung bunuyh nâp jêh jêng geh ueh lăng ngăn. Khân may tăng jêh nkoch bri ma nau Y-Yôp nâp jêh, jêh ri dơi saơ jêh nau ŭch Kôranh Brah; yorlah Kôranh Brah bêng ma nuih n'hâm yô̆ nđach jêh ri nuih n'hâm ueh.

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Pêtrôs 2:17

Yơk hom ma lĕ rngôch bunuyh, rŏng ma phung oh nâu tâm nau rnơm, klach yơk ma Brah Ndu, yơk ma hađăch.

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.

II Pêtrôs 1:7

ntop nau rŏng ndrăng oh nâu ma nuih n'hâm blau yơk, ntop nau rŏng ma nau rŏng ndrăng oh nâu.

I Yôhan 3:14

He gĭt he nơm hŏ rgăn jêh bơh nau khĭt hăn tâm nau rêh, yorlah he rŏng ma phung oh nâu. Mbu nơm mâu blau tâm rŏng gŭ tâm nau khĭt.