I Pêtrôs 3:4 - Nau Brah Ndu Ngơi 2023

⁴ ƀiălah nkrơ̆ hom bunuyh ndâp tâm trôm ma nau ueh mâu blau ôm rai tâm nuih n'hâm rdơ̆ rbăn jêh ri gŭ rklăk; nây jêng nau khlay dŭt hâu tanăp Brah Ndu.

Bunong Bible Latin Script Cambodian dialect

⁴ yơn ma ăn blao nkrơ̆ ta trôm nuih n'hâm khân ay, jêng ndơ nkrơ̆ i mâu blao ôm, jêng nuih n'hâm mleh rmên, rah rơch, ndơ i nây i geh nau khlay dŭt hô ta năp măt Kôranh Brah.

Bunong

⁴ យើន​មា​អ៝ន់​ឞ្លាវ​ងក្រឹ​តា​ត្រោម​នូយ្ស​នហ៝ម់​ខាន់​អៃ ជេង​នទើ​ងក្រឹ​អី​មោ​ឞ្លាវ​អោម ជេង​នូយ្ស​នហ៝ម់​មលែស​រាមេន រាស​រើច នទើ​អី​នៃ​អី​គែស​នាវ​ខ្លៃ​ទុត​ហោ​តា​នាប់​មាត់​កោរាញ​ឞ្រាស។

I Pêtrôs 3:4 ပူးပေါင်းရင်းမြစ်များ

Nau Mprơ Ơm 131:2

Gâp hŏ ƀư ma huêng gâp gŭ rklăk jêh ri đăp mpăn, Nâm bu du huê kon se mhe lơi pu toh êp meng mê̆ păng nơm; Huêng gŭ tâm gâp nâm bu kon se mhe lơi bu toh.

Nau Mprơ Ơm 147:6

Brah Yêhôva kâp kơl phung dêh rhêt, Ƀiălah lơh rlâm phung ƀai tŭp ta neh.

Nau Mprơ Ơm 149:4

Yorlah Brah Yêhôva geh nau maak tâm phung ƀon lan Păng; Păng sŏk nau tâm rklaih nkrơ̆ ma phung dêh rhêt.

Nau Mprơ Ơm 25:9

May njŭn leo phung dêh rhêt tâm nau sŏng, Ntĭm nti trong May ma phung dêh rhêt.

Nau Mprơ Ơm 45:13

Kon bu ur hađăch gŭ tâm ngih hađăch chrêk rmah ngăn; Ao păng tanh ma mah

Nau Mprơ Ơm 51:6

Aơ, May ŭch nau nanê̆ ngăn tâm nuih n'hâm; May mra nti gâp ma nau blau mĭn ta ntŭk jru ndâp tâm nuih n'hâm gâp.

Êsai 11:4

Ƀiălah Păng mra phat dôih tâm nau sŏng srăng ma phung mâu geh nau ktang, Jêh ri phat dôih nau sŏng ma phung rdơ̆ rbăn ta neh ntu. Păng mra dong neh ntu ma mâng jra bơh trôm mbung Păng, Jêh ri sŏk n'hâm bơh trôm mbung gay nkhĭt phung ƀai.

Êsai 29:19

Phung dêh rhêt mra răm maak ntop âk tâm Brah Yêhôva, Phung o ach mra răm maak yor Nơm Kloh Ueh Israel.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Yêrêmi 51:59

Aơ jêng nau ngơi nơm mbơh lor Y-Yêrêmi ntĭnh ma Y-Sêraya, kon bu klâu Y-Nêria, sau Y-Mahseya, lah păng hăn tât bri Babilôn ndrel ma Y-Sêdêkia, hađăch bri Yuđa, tâm năm rơh puăn păng chiă uănh. Rnôk nây Y-Sêraya jêng kôranh toyh.

Mathay 11:29

Gâp geh nuih n'hâm rdơ̆ rbăn, dêh rhêt; ăn khân may anh ndơ mbăk Gâp jêh ri nti tă bơh Gâp ri mơ huêng khân may mra rlu.

Mathay 21:5

“Lah hom ma kon bu ur ƀon Siôn pô aơ: Aơ, hađăch may văch ma may, Rdơ̆ rbăn, ncho seh bri, Jêh ri gŭ klơ kon seh bri jêng kon seh bri me.”

Mathay 23:26

Hơi phung Pharisi chieh măt! Lor lơn, rao hom tâm trôm thaih ngan, gay padih dơi kloh lĕ.

Mathay 5:5

Ueh maak ngăn ma phung dêh rhêt, Yorlah mra sŏk dơn lĕ neh ntu!

Luka 11:40

Hơi bunuyh rluk! Mâm ƀư Nơm hŏ njêng padih ƀiălah mâu lah njêng tâm trôm đŏng?

Luka 16:15

Păng lah ma khân păng: “Khân may ŭch jan sŏng srăng tanăp bunuyh, ƀiălah Brah Ndu gĭt năl nuih n'hâm khân may; yorlah nau bunuyh n'hao jêng nau mưch rmot tanăp Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 1:23

Khân păng tâm rgâl nau chrêk rmah Brah Ndu mâu blau khĭt gay ma sŏk rup kon bunuyh blau ôm rai, mâu lah rup sĭm, mpô mpa, mâu lah ntil mpa vơr.

Samƀŭt Pôl Njuăl Ăn Ma Phung Nsing Ta Ƀon Rôm 2:29

Ƀiălah du huê bunuyh tâm trôm jêng phung Yuđa, rĭ mơ ngăn jêng phung Yuđa; nau koh ntâu ngăn luh tă bơh tâm nuih n'hâm, yor ma Brah Huêng Ueh, mâu di tĭng rplay samƀŭt ôh. Du huê bunuyh tâm ban pônây mra dơi nau tâm rnê, mâu di tă bơh kon bunuyh ôh, ƀiălah tă bơh Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 6:6

He gĭt jêh ma bunuyh ơm he pâng kđĭn jêh ta si tâm rkăng ndrel ma Păng, gay ma kon bunuyh tih geh nau ƀư rai lơi, jêh ri he mâu hôm jêng dĭk ma nau tih ôh.

Samƀŭt Pôl Njuăl Ăn Ma Phung Nsing Ta Ƀon Rôm 7:22

Yorlah tâm trôm nuih n'hâm, gâp răm maak ma nau vay Brah Ndu;

II Kôrintô 10:1

Gâp yơh, Y-Pôl, vơh dăn ma khân may ma nau rdơ̆ rbăn jêh ri nau ueh bơh Brah Krist — gâp jêng bunuyh rdơ̆ rbăn tơlah tâm mâp đah khân may, ƀiălah bêng ma nau janh đah khân may tơlah gâp gŭ ngai! —

II Kôrintô 4:16

Yor ri, nuih n'hâm hên mâu dĭl ôh, nđâp tơlah săk jăn ntơm rai grĕ grĕ, ƀiălah tâm dâng hên lơ nar lơ rgâl mhe lơn.

Galati 5:23

Mâu mâp geh nau vay dơi buay lĕ nau nây.

Êphêsô 4:2

Ăn dŭt dêh rhêt, rdơ̆ rbăn jêh ri nau srôih, ăn khân may ŭn nuih ndrăng khân may tâm nau rŏng.

Kôlôh 3:12

Khân may jêng phung bunuyh Brah Ndu săch, jêng phung kloh ueh jêh ri phung Brah Ndu rŏng ngăn ngên. Pôri, nsoh hom nuih n'hâm yô̆ nđach, nuih n'hâm ueh, nau dêh rhêt, nau rdơ̆ rbăn, nau srôih.

Kôlôh 3:3

yorlah khân may khĭt jêh, nau rêh khân may pôn jêh ndrel ma Brah Krist tâm Brah Ndu.

I Têsalônik 4:11

Nti gŭ rêh tâm nau klăk klêm, mĭn rvê ma nau kan êng khân may nơm jêh ri pah kan ma ti khân may nơm, nâm bu hên ntĭnh jêh ma khân may;

II Têsalônik 3:12

Tâm Kôranh Brah jêng Brah Yêsu Krist, hên ntrŭnh jêh ri nkah phung nây, ăn khân păng gŭ rklăk pah kan gay siăm nau rêh ma khân păng nơm.

I Timôthê 2:2

ma phung hađăch, ma lĕ rngôch phung kôranh chiă uănh, gay ma he dơi gŭ rêh tâm nau mpăn rlêk, nau đăp mpăn tâm lĕ nau klach yơk jêh ri nau gĭt mleh.

II Timôthê 2:25

nkra nti phung tâm rdâng đah păng nơm ma nau rdơ̆ rbăn, ŭch ma Brah Ndu kơl khân păng rmal nau tih, gĭt năl nau ngăn,

Titus 3:2

mâu ngơi djơh ma bu ôh, der nau tâm lah tâm djrel, ƀiălah rdơ̆ rbăn hom jêh ri gŭ ngao ueh ma lĕ rngôch bunuyh.

Yakơ 1:21

Pôri, chalơi hom lĕ nau ƀơ̆ ƀơch jêh ri lĕ nau djơh mhĭk dôl geh lam ntŭk, ăn khân may geh nuih n'hâm rdơ̆ rbăn rom dơn nau ngơi tăm jêh tâm phung khân may, jêng nau ngơi dơi tâm rklaih huêng khân may.

I Pêtrôs 1:23

Khân may geh jêh nau deh mhe tay, mâu di ma găr ntil blau rai yot, ƀiălah găr ntil mâu hôm blau ôm rai, nây jêng nau ngơi gŭ rêh mro mrăng jêh ri nâp ngăn bơh Brah Ndu.

I Pêtrôs 3:15

ƀiălah ăn khân may yơk ma Brah Krist jêng kloh ueh, Kôranh Brah tâm nuih n'hâm khân may. Ăn khân may gŭ njrăng ƀaƀơ gay dơi plơ̆ lah ma nau yơk jêh ri nau rdơ̆ ma mbu nơm ôp ăn gĭt ma nau khân may kâp gân.

I Samuel 16:7

Ƀiălah Brah Yêhôva lah ma Y-Samuel: “Lơi ta uănh padih mâu lah ma nau păng prêh juat ôh, yorlah Gâp dun jêh ma păng. Brah Yêhôva mâu uănh nâm bu bunuyh uănh ôh; bunuyh uănh padih, ƀiălah Brah Yêhôva uănh saơ tâm trôm nuih n'hâm.”