I Pêtrôs 3:22 - Nau Brah Ndu Ngơi 2023

²² jêng Nơm hao jêh ta klơ trôk, dôl gŭ pa ma Brah Ndu, geh phung tông mpăr, phung chiă uănh jêh ri lĕ rngôch nau ktang yơk tâm Păng da dê.

Bunong Bible Latin Script Cambodian dialect

²² Păng lĕ hao ta kalơ trôk, gŭ bơh ma Kôranh Brah nơm, geh phung tông păr, phung kôranh i geh nau dơi, ndrel ma phung kôranh i geh nau dăng gŭ ta nâm Păng dadê.

Bunong

²² ពាង់​លែៈ​ហាវ​តា​កាលើ​ត្រោក គុ​ឞើស​មា​កោរាញ​ឞ្រាស​នើម គែស​ផូង​តោង​ពារ់ ផូង​កោរាញ​អី​គែស​នាវ​ទើយ នទ្រែល​មា​ផូង​កោរាញ​អី​គែស​នាវ​ទាង់​គុ​តា​ន៝ម់​ពាង់​ទាទេ។

I Pêtrôs 3:22 ပူးပေါင်းရင်းမြစ်များ

Nau Mprơ Ơm 110:1

Brah Yêhôva ngơi ma Kôranh Brah gâp pô aơ: “Gŭ hom pa ma Gâp. Kŏ tât Gâp ăn phung rlăng đah May jêng rnơl chrong jâng May.”

Mathay 22:44

‘Kôranh Brah lah ma Kôranh Brah gâp: Gŭ hom mpeh pa ma Gâp, Kŏ tât nôk Gâp dơm phung rlăng đah May gŭ tâm dâng jâng May’?

Mathay 28:18

Brah Yêsu hăn tât jêh ri lah ma khân păng pô aơ: “Lĕ rngôch nau dơi ta klơ trôk jêh ri ta neh ntu hŏ jao jêh ma Gâp.

Markôs 12:36

Brah Huêng Ueh nơm yơh nsŭk nsôr Y-Đavit lah pô aơ: ‘Kôranh Brah lah ma Kôranh Brah gâp: Gŭ hom mpeh pa ma Gâp, Tât nôk Gâp dơm phung rlăng May tâm dâng jâng May.’

Markôs 16:19

Jêh ngơi kơt nây, Brah Ndu chông Păng hao klơ trôk, gŭ mpeh pa ma Brah Ndu.

Luka 20:42

Yorlah hađăch Đavit nơm lah jêh tâm ndrom samƀŭt Nau Mprơ Ơm: ‘Kôranh Brah lah ma kôranh Brah gâp: Gŭ hom mpeh pa ma Gâp,

Yôhan 13:32

Lah Brah Ndu geh nau tâm rnê ta Kon Bunuyh, Brah ndu mra tâm rnê đŏng Kon Bunuyh tâm Păng nơm, jêh ri mra tâm rnê ro.

Kôranh Oh Mon 1:11

jêh ri lah: “Hơi phung Galilê, mâm ƀư khân may dâk n'gơr uănh ta klơ trôk ri? Brah Yêsu aơ Brah Ndu chông hao klơ trôk tă bơh phung khân may, Păng mra plơ̆ văch tâm ban ma khân may saơ Păng hao klơ trôk nây đŏng.”

Kôranh Oh Mon 3:21

Nơm nây mra dơi prăp klơ trôk kŏ tât rnôk lĕ rngôch ndơ njêng tay, tâm ban Brah Ndu hŏ lah ma bâr mbung phung nơm mbơh lor kloh ueh ntơm bơh rbăn năm kăl e.

Samƀŭt Pôl Njuăl Ăn Ma Phung Nsing Ta Ƀon Rôm 8:34

Mbu mra jêng bunuyh tâm rmal khân păng, nôk Brah Yêsu Krist jêng Nơm hŏ khĭt jêh ri hŏ dâk rêh tay, Nơm gŭ mpeh pa ma Brah Ndu jêh ri mbơh sơm kơl an ma phung he?

Samƀŭt Pôl Njuăl Ăn Ma Phung Nsing Ta Ƀon Rôm 8:38

Yorlah gâp gĭt nanê̆ ngăn, nđâp tơlah nau khĭt, nau rêh, phung tông mpăr, phung kôranh chiă uănh, nau aƀaơ, nau rnôk kăndơ̆, nau dơi ktang,

I Kôrintô 15:24

Rnôk nây mra tât nar lôch, jêng nôk Păng jao ƀon bri hađăch ma Brah Ndu jêng Mbơ̆, jêh Păng ƀư rai lĕ nau ktang chiă uănh, lĕ nau dơi, lĕ nau dăng ktang.

Kôlôh 3:1

Pôri tơlah khân may dâk rêh tay jêh ndrel ma Brah Krist, joi hom ndơ tâm trôk, ntŭk Brah Krist gŭ mpeh pa ma Brah Ndu.

ហេឞ្រើ 1:13

Jêh ri ndah jŏ Brah Ndu mâp lah ma phung tông mpăr pô aơ: “Gŭ hom pa ma Gâp, Kŏ tât nôk Gâp dơm phung rlăng jêng rnơl chrong jâng may”?

ហេឞ្រើ 1:3

Kon jêng chrat ang nau chrêk rmah Brah Ndu jêh ri jêng rup di ngăn ma Brah Ndu nơm. Păng sŏk nau brah Păng gay ma kơl lĕ rngôch ndơ. Jêh Păng ƀư kloh nau tih, Păng gŭ mpeh pa ma Nơm Dŭt Prêh ta klơ trôk.

ហេឞ្រើ 1:6

Ƀiălah dôl njŭn leo Kon bôk rah lăp tâm neh ntu, Păng lah: “Ăn lĕ rngôch phung tông mpăr Brah Ndu yơk mbah ma Păng.”

ហេឞ្រើ 10:12

Ƀiălah Brah Krist yor nau tih nhhơr jêh ƀư brah chuai nau tih knŏng du tơ̆ jêh ri n'ho ro, jêh nây gŭ mpeh pa ma Brah Ndu;

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.

ហេឞ្រើ 4:14

Yor nây, yorlah he geh du huê kôranh ƀư brah toyh lơn găn jêh lĕ ndâr trôk jêng Brah Yêsu, Kon Brah Ndu, pôri djôt nâp hom lĕ nau he mbơh.

ហេឞ្រើ 6:20

jêng ntŭk Brah Yêsu, Nơm Lor Pa Năp, hăn lăp yor ma he, jêh ri jêng kôranh ƀư brah toyh lơn n'ho ro tĭng mpôl Mêlkisedek.

ហេឞ្រើ 8:1

Nau khlay dôl he lah jêng: He geh du huê kôranh ƀư brah toyh lơn dŭt khlay, gŭ jêh mpeh pa ma sưng hađăch Nơm Dŭt Prêh ta klơ trôk,

ហេឞ្រើ 9:24

Yorlah Brah Krist mâu lăp ôh tâm ntŭk kloh ueh bơh ti bunuyh ƀư, jêng rup ntŭk kloh ueh ngăn, ƀiălah Păng lăp jêh ƀon ueh klơ trôk, gay aƀaơ aơ Păng tâm tang he hăn tât tanăp Brah Ndu.