I Pêtrôs 3:21 - Nau Brah Ndu Ngơi 2023

²¹ ƀaptem nar aơ jêng nau tâm ntĭt ma nau nây gay rklaih khân may; ƀaptem jêng mâu di sŏk lơi nau ƀơ̆ ƀơch luh bơh săk jăn, ƀiălah nau kuăl dăn ma Brah Ndu tă bơh nuih n'hâm sŏng kloh, ma nau Brah Yêsu Krist dâk rêh tay,

Bunong Bible Latin Script Cambodian dialect

²¹ Dak lêng dak dơng i nây jêng ndơ ntât nau jan ƀăptem yŭk ma dak, nau ƀăptem i nây rklaih khân ay may aƀaơ dja, nau ƀăptem yŭk ma dak i nây mâu ôh di tho ăn kloh săk jăn, yơn ma jêng nau dăn ma Kôranh Brah yô̆ mâu hôm kơp nau tih bân, nau bân dăn i nây ăn bân geh ngăn yor ma Brah Yêsu Krist lĕ dâk rêh.

Bunong

²¹ ទាក​លេង​ទាក​ទើង​អី​នៃ​ជេង​នទើ​នតឹត​នាវ​ជាន​បាប់តែម​យុក​មា​ទាក នាវ​បាប់តែម​អី​នៃ​រាក្លាយ្ស​ខាន់​អៃ​មៃ​អាបៃ​អ្យា នាវ​បាប់តែម​យុក​មា​ទាក​អី​នៃ​មោ​អោស​ទី​ថ៝​អ៝ន់​ក្ល៝ស​ឆាក់​ជាន់ យើន​មា​ជេង​នាវ​ទាន់​មា​កោរាញ​ឞ្រាស​យោៈ​មោ​ហោម​កើប​នាវ​តីស​ឞ៝ន់ នាវ​ឞ៝ន់​ទាន់​អី​នៃ​អ៝ន់​ឞ៝ន់​គែស​ងាន់​យ៝រ​មា​ឞ្រាស​យេឆូ​ក្រីស  ​លែៈ​ទ៝ក់​រេស។

I Pêtrôs 3:21 ပူးပေါင်းရင်းမြစ်များ

Sakari 13:1

Ta nar nây, mra geh du n'hor dak pơk ma ngih Y-Đavit jêh ri phung gŭ tâm ƀon Yêrusalem, gay ƀư kloh nau tih jêh ri nau ƀơ̆ ƀơch.

Mathay 28:19

Pôri, hăn hom ƀư ăn lĕ rngôch ntil mpôl bunuyh dơi jêng phung oh mon Gâp, amoh Kôranh Brah Ndu Mbơ̆, Kôranh Brah Ndu Kon, jêh ri Kôranh Brah Huêng Ueh ƀư ƀaptem ma khân păng

Markôs 16:16

Mbu nơm chroh jêh ri dơn nau ƀaptem mra rklaih; ƀiălah mbu nơm mâu chroh ôh mra dơn nau tâm rmal.

Yôhan 13:9

Y-Pêtrôs lah: “Hơi Kôranh Brah, lơi rao knŏng jâng dơm, ƀiălah rao ti nđâp ma bôk gâp đŏng.”

Kôranh Oh Mon 16:33

Tâm măng nây, ta mông nây, kôranh ndrung djôt leo bar hê khân păng luh gay ma sâm rao lĕ sôt rmanh; jêh ri păng ndrel ma lĕ rnăk vâl dơn nau ƀaptem ro.

Kôranh Oh Mon 2:38

Y-Pêtrôs plơ̆ lah: “Rmal hom nau tih, ăn ăp nơm khân may dơn nau ƀaptem tâm amoh Brah Yêsu Krist gay geh nau yô̆ an nau tih khân may nơm, jêh nây mra sŏk dơn ndơ jêng Brah Huêng Ueh ăn.

Kôranh Oh Mon 22:16

Aƀaơ ri, moh ndơ may gŭ kâp? Dâk hom, kuăl mbơh sơm ma amoh Kôranh Brah gay dơn nau ƀaptem jêh ri ƀư kloh nau tih may.’

Kôranh Oh Mon 8:36

Dôl bar hê khân păng hăn, tâm mâp ntŭk geh dak, kôranh char lah: “Aơ, dak aơ, geh lĕ nau buay gâp dơn nau ƀaptem ƀơh?”

Samƀŭt Pôl Njuăl Ăn Ma Phung Nsing Ta Ƀon Rôm 5:14

Ƀiălah, nau khĭt chiă uănh ntơm bơh Y-Ađam tât ta Y-Môis, nđâp ma phung mâu geh nau tih tâm ban ma Y-Ađam, jêng bunuyh jêng nau tâm ntĭt ma Nơm mra văch.

I Kôrintô 12:13

Yorlah he, nđâp tơlah phung Yuđa, phung Grek, phung dĭk mâu lah phung kon me, lĕ rngôch phung he hŏ dơn nau ƀaptem da dê tâm nguay Brah Huêng Ueh gay ma jêng du săk jăn; lĕ rngôch dơi nhêt tâm nguay Brah Huêng Ueh da dê.

I Kôrintô 4:6

Hơi phung oh nâu, yor nau khlay ma khân may, gâp hŏ dŏng lĕ nau nây ma gâp nơm jêh ri ma Y-Apôlôs, gay ma khân may nti tâm hên mâm nau rblang tâm trong: “Lơi rlau luh padih nau ngơi hŏ nchih,” gay ma mâu geh nơm luh nuih n'hâm sưr rlau, kơl an bunuyh aơ tâm rdâng đah bunuyh ri.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

Galati 3:27

Mbu nơm tâm khân may hŏ dơn jêh nau ƀaptem gay jêng phung Brah Krist jêng nsoh Brah Krist yơh.

Êphêsô 5:26

gay ƀư kloh ueh Phung Ngih Brah Ndu jêh dŏng dak jêh ri nau ngơi Păng ƀư kloh Phung Ngih Brah Ndu,

Kôlôh 2:12

Khân may hŏ tâp brôi jêh khân may ndrel ma Păng tâm nau ƀaptem, ri mơ dơi dâk rêh tay ndrel Păng bơh nau chroh tâm nau brah Brah Ndu, Nơm ƀư ăn Păng dâk rêh tay tă bơh nau khĭt.

I Timôthê 1:5

Nau ŭch bơh nau ntĭnh nây jêng nau rŏng luh bơh nuih n'hâm kloh, bơh nuih n'hâm sŏng ueh jêh ri ma nau chroh nanê̆ ngăn.

I Timôthê 6:12

Ăn yor ma nau chroh tâm lơh janh ktang, pit sŏk nau rêh n'ho ro, jêng nau rêh Brah Ndu kuăl jêh may, jêh ri bơh nây may geh nau mbơh nkoch ueh tanăp phung mbơh.

ហេឞ្រើ 10:22

pôri ăn he sŏk hom nuih n'hâm nanê̆ ngăn ndrel ma nau chroh nâp, nuih n'hâm ăn dơi kloh jêh tă bơh nuih n'hâm djơh mhĭk, săk jăn rao kloh ma dak rsang văch dăch Brah Ndu.

ហេឞ្រើ 11:19

Păng mĭn ma Brah Ndu geh nau dơi ƀư ăn bunuyh hŏ khĭt jêh dơi dâk rêh tay, ngơi tĭng tâm nau hôr, păng dơn tay kon păng nơm tă bơh nau khĭt.

ហេឞ្រើ 13:18

Mbơh sơm hom ma hên ƀă, yorlah hên gĭt năl n'hêl nanê̆ hê nơm geh nuih n'hâm sŏng ueh, ŭch gŭ ngao nau ueh rah vah tâm lĕ ntil ndơ.

ហេឞ្រើ 9:14

rlau lơn ma nĕ mham Brah Krist, jêng Nơm rnơm Brah Huêng Ueh n'ho ro, nhhơr Păng nơm mâu geh têl khap ma Brah Ndu, mra ƀư kloh nuih n'hâm sŏng khân may bơh kan khĭt, gay pah kan ma Brah Ndu gŭ rêh mro mrăng âk tơ̆ rlau lơn!

ហេឞ្រើ 9:24

Yorlah Brah Krist mâu lăp ôh tâm ntŭk kloh ueh bơh ti bunuyh ƀư, jêng rup ntŭk kloh ueh ngăn, ƀiălah Păng lăp jêh ƀon ueh klơ trôk, gay aƀaơ aơ Păng tâm tang he hăn tât tanăp Brah Ndu.

I Pêtrôs 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,

I Pêtrôs 3:16

Nôk geh nau ngơi mhĭk, ăn khân may djôt prăp nuih n'hâm sŏng khân may nơm ăn kloh, gay ma phung nsak nkhăng ma nau khân may gŭ ngao ueh tâm Brah Krist geh nau đit prêng.