I Pêtrôs 2:8 - Nau Brah Ndu Ngơi 2023

⁸ jêh ri jêng “Lŭ ƀư chêh jâng, Lŭ toyh ƀư chêh prah bu;” Khân păng chêh prah yorlah mâu tông prăp ma nau chroh, tâm ban ma tâm nal jêh ma khân păng.

Bunong Bible Latin Script Cambodian dialect

⁸ Jêh ri ‘Jêng lŭ blon i jan ăn bu geh nau chêh prah, Jêng lŭ blon i ăn bu chôt du ngai bơh nau nsing ma Kôranh Brah’. Khân păng i nây dâng geh ma tâm ban ma chêh prah, yor ma mâu ôh iăt nau ngơi Kôranh Brah, nau i nây lĕ ơm Kôranh Brah ndrăp ma khân păng.

Bunong

⁸ ជេសរី «ជេង​លុ​ឞ្ល៝ន​អី​ជាន​អ៝ន់​ឞូ​គែស​នាវ​ចេស​ព្រាស‌ ជេង​លុ​ឞ្ល៝ន​អី​អ៝ន់​ឞូ​ចោត​ទូ​ងាយ​ឞើស​នាវ​ញឆីង​មា​កោរាញ​ឞ្រាស»។ ខាន់​ពាង់​អី​នៃ​ទឹង​គែស​មា​តឹម​ឞាន​មា​ចេស​ព្រាស យ៝រ​មា​មោ​អោស​អ្យាត់​នាវ​ងើយ​កោរាញ​ឞ្រាស នាវ​អី​នៃ​លែៈ​អើម​កោរាញ​ឞ្រាស​នទ្រាប់​មា​ខាន់​ពាង់។

I Pêtrôs 2:8 ပူးပေါင်းရင်းမြစ်များ

Ndrom Samƀŭt bơh Yôp 23:14

Păng mra ƀư lôch ntil nau Păng hŏ tâm nal ma gâp: Jêh ri âk ntil ƀoi nau nĕ Păng hŏ mĭn jêh tâm nuih n'hâm.

Nau Ngluh Êjipt 9:16

Ƀiălah mâm ƀư Gâp ăn may rêh gay ma ăn may saơ nau brah Gâp, jêh ri bu mbơh nkoch lam bri neh ntu.

Êsai 37:26

Di lĕ may mâu mâp tăng pô aơ Gâp hŏ nal jêh nau aơ bơh jŏ jêh? Lĕ nau Gâp hŏ ndrăp ơm bơh kăl e, Aơ ri Gâp ƀư ăn tât nau nây; Gay ma may ƀư lĕ ƀon nâp, Jêng lĕ mbŭch rlâm rai nchah rngot njăp jêh.

Êsai 57:14

Geh nau ngơi; “Nkra hom trong, nkra hom trong! Rli ăn lâng hom trong! Mƀăr lơi hom lŭ ƀư chêh bơh trong phung ƀon lan Gâp!”

Êsai 8:14

Păng mra jêng du ntŭk kloh ueh; ƀiălah Păng jêng glo lŭ chêh jâng bu jêh ri lŭ toyh ƀư prah ma lĕ bar đah ndŭl mpôl Israel, ăt jêng tanh srang jêh ri dăk sân ma phung gŭ tâm ƀon Yêrusalem.

Luka 2:34

Y-Simêôn ăn nau ueh uĭn ma khân păng jêh ri lah ma H'Mari, mê̆ kon se jê̆ pô aơ: “Kon se jê̆ aơ dơi lah nal gay ƀư ma âk bunuyh tâm phung Israel mƀăr nau nsing mâu lah dâk rêh tay, jêh ri jêng du nau tâm mbên ƀư nau tâm rdâng.

Samƀŭt Pôl Njuăl Ăn Ma Phung Nsing Ta Ƀon Rôm 9:22

Tơlah Brah Ndu ŭch tâm mpơl nau ji nuih jêh ri mbơh nau brah Păng, Păng hŏ srôih ŭn nuih tâm lĕ yăng khư geh nau ji nuih prăp ma nau roh rai, mhâm hơh?

I Kôrintô 1:23

bi hên mbơh nkoch ma nau bu pâng Brah Krist ta si tâm rkăng, jêng nau phung Yuđa kơp mâu di, bi phung bu năch kơp jêng nau brŭt ndrăng.

II Kôrintô 2:16

Ma phung bunuyh geh nau rai yot, hên jêng ndơ ƀâu nau khĭt, njŭn leo tât nau khĭt; ma phung bunuyh geh nau tâm rklaih, hên jêng ƀâu nau rêh, njŭn leo tât nau rêh. Mbu nơm jêng bunuyh dơi ƀư lĕ nau aơ?

Galati 5:11

Hơi phung oh nâu, bi gâp, tơlah gâp hôm mbơh nkoch nau koh ntâu, mâm ƀư bu ăt ƀư mhĭk ma gâp? Tơlah di nâm pônây, si tâm rkăng mâu di jêng nau khan king ôh.

I Têsalônik 5:9

Yorlah Brah Ndu mâu nal ôh ma he dơn nau ji nuih, ƀiălah dơn nau tâm rklaih tâm Brah Yêsu Krist, Kôranh Brah he,

I Pêtrôs 2:6

Yorlah Nau Brah Ndu Ngơi nchih: “Aơ, Gâp dơm ta Siôn du mlâm lŭ, Lŭ njônh ngih Gâp săch jêh ri khlay ngăn; Mbu nơm chroh lŭ nây mâu đit prêng ôh.”

I Pêtrôs 2:7

Pônây, ma khân may jêng phung chroh jêh, Păng jêng khlay; ƀiălah ma phung mâu chroh, pô ri: “Lŭ phung ƀư ngih mƀăr lơi jêh, Plơ̆ jêng lŭ njônh ngih,”

II Pêtrôs 2:3

Yorlah nuih n'hâm kơnh ir, khân păng dŏng lĕ nau ngơi mƀruh nchơt gay sŏk drăp nkhôm bơh khân may; nau phat dôih prăp ma khân păng ntơm bơh jŏ nar jêh ăt hôm khlay, jêh ri nau rai lôch prăp ma khân păng mâu gŭ rlu.

Yuđas 1:4

Yorlah geh ƀaƀă phung bunuyh mŭt ntŭng tâm nklang khân may, jêng phung kăl e hŏ tâm nal ma nau phat dôih, jêng phung mâu klach yơk, phung rgâl nau yô̆ Brah Ndu he jêng nau dơi ƀư tih, dun ma Nơm Chiă Uănh knŏng nguay jêh ri Kôranh Brah he jêng Brah Yêsu Krist.